Рәмиев Сәғит Лотфулла улы

Рәмиев Сәғит Лотфулла улы
	Рәмиев Сәғит Лотфулла улы
Зат	ир-ат
Гражданлыҡ	Рәсәй империяһы; СССР
Тыуған көнө	12 февраль 1880
Тыуған урыны	Ырымбур өйәҙе, Ырымбур губернаһы, Оренбургское генерал-губернаторство[d], Рәсәй империяһы
Вафат булған көнө	16 март 1926 (46 йәш)
Вафат булған урыны	Өфө, Башҡорт АССР-ы, РСФСР, СССР
Яҙма әҫәрҙәр теле	татар теле
Һөнәр төрө	яҙыусы, шағир

Рәмиев Сәғит Лотфулла улы (12 февраль 1880 йыл — 16 март 1926 йыл) — уҡытыусы, журналист, партия һәм дәүләт органдары хеҙмәткәре, шағир, тәржемәсе. 1922—1926 йылдарҙа Башҡорт АССР‑ының Игенселек Халыҡ комиссариатында нәшриәт бүлеге мөдире.

Биографияһы

Сәғит Лотфулла улы Рәмиев 1880 йылдың 12 февралендә Аҡман ауылында^[1] тыуған. Белемде Ырымбур ҡалаһындағы Хөсәйениә мәҙрәсәһендә ала^[2]. 1902 йылдан 1906 йылға тиклем уҡытыусы булып эшләй, шунан һуң Ҡазан ҡалаһына күсә һәм «Таң йолдызы» гәзитендә эшләй башлай. 1912-13 йылдарҙа Әстерханда эшләй. 1922 йылдан Өфөлә йәшәй.

«Таң ваҡыты» тип аталған прозалағы шиғырында, «Һин», «Ул», «Бер кеше» лирик шиғырҙарында, «Низамлы мәҙрәсә» (Өлгөлө мәҙрәсә), «Йәшә, Зөбәйҙә, йәшәйем мин» кеүек әҫәрҙәрендә Рәмиевтың халыҡ яҙмышы өсөн борсолоуы һүрәтләнә. Рәмиев шулай уҡ тәржемәләр менән дә шөғөлләнгән: ул Лев Толстой, Николай Некрасов, Демьян Бедный, Р. Джованьоли әҫәрҙәрен, шулай уҡ "Марсельеза"ны татар теленә тәржемә итә.

Иҫкәрмәләр

Һылтанмалар

Рәмиев Сәғит Лотфулла улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 10 февраль 2022)
Краткая литературная энциклопедия

[1] Хәҙер Башҡортостан Республикаһының Күгәрсен районы Ибрай ауылы

[2] Медина аль-Ислам № 120 — Медресе «Хусаиния»: татарская дорога из Европы в Центральную Азию и наоборот

[1]

[2]