Санъярова Миңлегөл Әһелмөхәмәт ҡыҙы

Санъярова Миңлегөл Әһелмөхәмәт ҡыҙы
	Санъярова Миңлегөл Әһелмөхәмәт ҡыҙы
Зат	ҡатын-ҡыҙ
Тыуған көнө	9 сентябрь 1929
Тыуған урыны	Үзбәк ауылы, Стәрлетамаҡ кантоны, Башҡорт АССР-ы, РСФСР, СССР
Вафат булған көнө	12 февраль 2010 (80 йәш)
Вафат булған урыны	Өфө, Башҡортостан Республикаhы, Рәсәй
Маҡтаулы исемдәре һәм башҡа бүләктәре

Санъярова Миңлегөл Әһелмөхәмәт ҡыҙы (9 сентябрь 1929 йыл — 12 февраль 2010 йыл) — төҙөүсе, 1957—1984 йылдарҙа Өфөләге 3-сө төҙөлөш тресы ташсыһы. Социалистик Хеҙмәт Геройы (1975).

Биографияһы

Миңлегөл Әһелмөхәмәт ҡыҙы Санъярова 1929 йылдың 9 сентябрендә Башҡорт АССР-ының Стәрлетамаҡ кантоны (хәҙерге Башҡортостан Республикаһының Ғафури районы) Үзбәк ауылында тыуған. Хеҙмәт эшмәкәрлеген туған колхозында башлай. 1942 йылдан алып Ғафури һәм Ҡырмыҫҡалы райондарында эшләй. Ауыр һуғыш йылдарының бөтә михнәттәре уның иңенә төшә. Фиҙакәр хеҙмәте өсөн Миңлегөл Әһелмөхәмәт ҡыҙы Санъярова «1941 — 1945 йылдарҙағы Бөйөк Ватан һуғышында күрһәткән хеҙмәттәре өсөн» миҙалы менән бүләкләнгән.

1957—1984 йылдарҙа 3-сө төҙөлөш тресында эшләй. Миңлегөл Әһелмөхәмәт ҡыҙы бында эшсе, ҡыйыҡ ябыусы, унан һуң ташсы булып эшләй. «Мир» Башҡортостан сәнәғәт-сауҙа тегеү фирмаһын, Матбуғат йортон, Өфө полиграфкомбинатын, ӨМЭПБ, ӨПЭПБ, БДУ, БДМУ, БДАУ корпустарын һәм башҡа сәнәғәт һәм социаль-мәҙәни тәғәйенләнешле объекттарҙы төҙөүҙә ҡатнаша.

1975 йылдың 6 авгусында Өфө ҡалаһы төҙөлөшөндәге хеҙмәттәре өсөн Миңлегөл Әһелмөхәмәт ҡыҙы Санъяроваға «Социалистик Хеҙмәт Геройы» тигән юғары исем бирелә. Уның күп йыллыҡ намыҫлы хеҙмәте шулай уҡ Ленин ордены (1975) һәм Хеҙмәт Ҡыҙыл Байраҡ ордены (1971), бик күп миҙалдар менән билдәләнгән.

Миңлегөл Әһелмөхәмәт ҡыҙы ике ул һәм ҡыҙ тәрбиәләп үҫтерә.

2010 йылдың 12 февралендә 3-сө төҙөлөш тресы ветераны Миңлегөл Әһелмөхәмәт ҡыҙы Санъярова оҙаҡ ауырығандан һуң 81-се йәшендә вафат була.

Маҡтаулы исемдәре һәм башҡа бүләктәре

Социалистик Хеҙмәт Геройы] (1975)
Ленин ордены (1975)
Хеҙмәт Ҡыҙыл Байраҡ ордены (1971)

Һылтанмалар