Сиражетдинов Мөжәүир Уйылдан улы

Сиражетдинов Мөжәүир Уйылдан улы
	Сиражетдинов Мөжәүир Уйылдан улы
Заты	ир-ат
Гражданлығы	Рәсәй империяһы; СССР
Тыуған көнө	21 ғинуар 1882
Тыуған урыны	Верхнеурал өйәҙе, Ырымбур губернаһы, Рәсәй империяһы
Вафат булған көнө	28 июль 1967 (85 йәш)
Вафат булған урыны	Баймаҡ районы, Башҡорт АССР-ы, РСФСР, СССР

Википедияла Сиражетдинов фамилиялы башҡа кешеләр тураһында мәҡәләләр бар.

Сиражетдинов Мөжәүир Уйылдан улы (халыҡ араһында Мөжәүир хәҙрәт булараҡ билдәле; 21 ғинуар 1876 йыл — 28 июль 1967 йыл) — башҡорт дин эшмәкәре, халыҡ табибы, диндар.

Биография[үҙгәртергә | вики-тексты үҙгәртергә]

Мөжәүир Уйылдан улы Сиражетдинов 1876 йылдың 21 ғинуарында Ырымбур губернаһының Верхнеурал өйәҙе 1-се Бөрйән волосының ^[1] Бәхтегәрәй (Манһыр) ауылында тыуған.

1886 йылда Мөжәүир хәҙрәттең атаһы йортона Зәйнулла имам Рәсүлев килә, ул бәләкәй Мөжәүирҙе уҡытырға кәңәш бирә. Егет Муллаҡай мәҙрәсәһендә белем ала.

1939 йылда фашистик Германия менән буласаҡ һуғыш тураһында әйткәс, НКВД тарафынан ҡулға алына. Һорау алғанда, һүҙҙәрен ҡабатлай һәм «халыҡ дошманы» һаналып, иң юғары хөкөмгә ебәрелә. Әммә ауылдаштары судта уны яҡлап сыға. Мөжәүир хәҙрәт 10 йылға иркенән мәхрүм ителә. Алты йыл ултырғандан һуң, 1945 йылда төрмә администрацияһы һорауы буйынса ваҡытынан алда сығарыла. Төрмә хужаларын, уларҙың туғандарын һәм һаҡсыларын дауалаған була. Үҙенең ауылына кире ҡайта ла, унан бүтән бер ҡайҙа ла китмәй. Һуңғы көнөнә тиклем дауалауға һәм кәңәшенә мохтаж булғандарҙы ҡабул иткән.

Ҡыҙыҡлы факт[үҙгәртергә | вики-тексты үҙгәртергә]

Мөжәүир хәҙрәт үҙен фотоға төшөрөргә бер ҡасан да рөхсәт итмәй. Был тыйыуҙы уның улы берҙе генә боҙа, атаһын йәшерен төшөрә. Хәҙрәттең берҙән-бер фотоһүрәте уға бағышланған китап тышлыҡтарына урынлаштырыла.