Сәлимов Ниязбай Булатбай улы

	Сәлимов Ниязбай Булатбай улы
Тыуған көнө	27 сентябрь 1958 (66 йәш)
Тыуған урыны	Башҡорт АССР-ы , Ғафури районы Яугилде ауылы
Гражданлығы	СССР → Рәсәй Федерацияһы
	Шаблон: просмотр • обсуждение • править

Википедияла Сәлимов фамилиялы башҡа кешеләр тураһында мәҡәләләр бар.

Сәлимов Ниязбай Булатбай улы (27 сентябрь 1958 йыл) — ғалим-филолог, журналист, яҙыусы, йәмәғәтсе. Филология фәндәре кандидаты. Башҡортостан Республикаһының атҡаҙанған мәҙәниәт хеҙмәткәре. Жәлил Кейекбаев исемендәге премия лауреаты (1992). Ғафури районының почетлы гражданы.

Биографияһы

Ниязбай Булатбай улы Сәлимов (Нияз Сәлимов) 1958 йылдың 27 сентябрендә Башҡорт АССР-ының Ғафури районы Яугилде ауылында тыуған. Стәрлетамаҡ дәүләт педагогия институтының филология факультетын тамамлағас, хеҙмәт юлын Йөҙимән урта мәктәбендә директор урынбаҫары булып башлай. Шунан бер йыл тыуған ауылы мәктәбендә директор була.

1984 йылда талантлы йәш белгес «Йондоҙ» район гәзите мөхәррире урынбаҫары вазифаһына тәғәйенләнә, биш йылдан республика йәштәренең «Ленинсы» гәзите мөхәррире урынбаҫары итеп үрләтелә. Башҡорт йәштәренең үҙ аллы гәзите «Йәшлек»те булдырыуға ҙур көс һала, уның тәүге мөхәррир урынбаҫары була.

1990 йылда Ниязбай Булатбай улы Ғафури районының «Звезда» — «Йондоҙ» гәзите мөхәррире итеп ҡуйыла. Уның тырышлығы менән.1991 йылда Башҡортостанда тәүгеләрҙән булып үҙ аллы башҡортса «Табын» гәзите донъя күрә. Ырымбур өлкәһе йәмәғәтселеге үтенесе буйынса, ошо гәзит редакцияһы ерлегендә 1993 йылда Ниязбай Сәлимов Ырымбур башҡорттарының «Каруанһарай» гәзитен нәшер итә.

Тиҙ арала абруй ҡаҙанған «Табын» гәзите мөхәррирен «Йәшлек» гәзитенең баш мөхәррире вазифаһына эшкә саҡыралар. Өс йылдан ашыу ваҡыт эсендә ул ошо баҫманың тиражын ике тапкырға тиерлек арттырыуға ирешә.

Бер монография, ике брошюра, балалар өсөн дүрт китап авторы, фәнни йыйынтыҡтарҙа баҫылған тиҫтәләгән хеҙмәте донъя күргән.

1997 йылдан алып Ниязбай Булатбай улы Башҡортостан Президенты Хакимиәтендә эшләй. 2001 йылдан граждандарҙың мөрәжәғәттәре менән эшләү бүлегенә етәкселек итә.

2011—2015 йылдарҙа «Башҡортостан» гәзитенең баш мөхәррире булып эшләй^[1].

2015 йылдың сентябренән Башҡортостан Республикаһы Милли архивының директор урынбаҫары^[2].

2022 йылдың 16 декабрендә Башҡортостан Республикаһы Дәүләт Йыйылышы — Ҡоролтайҙың Почёт грамотаһы менән бүләкләнде^[3].

Йәмәғәт эшмәкәрлеге

Бөтә донъя башҡорттары ҡоролтайы Башҡарма комитеты ағзаһы.
«Табын ырыуы» йәмәғәт ойошмаһының идара рәйесе (февраль, 2017)^[4]^[5]

Китаптары

Ҡурсаҡ булғы килмәне. — Өфө: Башҡортостан китап нәшриәте, 1992.
Атайым йомаҡтары. — Өфө: Китап, 1995.
Әнүзә һәм шуҡ кәзә. — Өфө: Китап, 1997.
Бурлинская средняя школа: вчера и сегодня. Уфа: Городская типография, 2000.
Башҡорт әҙәби теленең публицистика стиле. — Өфө: Китап, 2003.
Ҡояш — ул ҡош?: Шиғырҙыр. — Өфө: Китап, 2006.
Ураҡ осоро: Шиғырҙыр. — Өфө: Китап, 2008.
Халыҡ сәсәне Вәлиулла Ҡоломбәтов. — Өфө: Матбуғат донъяһы, 2016^[6].

Маҡтаулы исемдәре һәм башҡа бүләктәре

Башҡортостан Республикаһы Дәүләт Йыйылышы — Ҡоролтайҙың Почёт грамотаһы (2022).
Башҡортостан Республикаһының атҡаҙанған мәҙәниәт хеҙмәткәре.
Жәлил Кейекбаев исемендәге премия лауреаты (1992).
Ғафури районының почетлы гражданы.

Иҫкәрмәләр

↑ «Башинформ» мәғлүмәт агентлығы
↑ Сайт Управления по делам архивов Республики Башкортостан. Контактная информация 2016 йыл 20 ноябрь архивланған. (рус.) (Тикшерелеү көнө: 2 сентябрь 2016)
↑ Писателям и поэтам Башкортостана вручили госпремии. ИА «Башинформ», 20 декабря 2022 года (рус.) (Тикшерелеү көнө: 22 декабрь 2022)
↑ В Уфе представители башкирского рода Табын провели съезд. «Башинформ» мәғлүмәт агентлығы, 28 февраль 2017 йыл (рус.) (Тикшерелеү көнө: 1 март 2017)
↑ Өфөлә Табын ырыуы башҡорттары съезд уҙғарҙы. «Башинформ» мәғлүмәт агентлығы, 1 март 2017 йыл (Тикшерелеү көнө: 1 март 2017)
↑ Баш ҡалала сәсән Вәлиулла Ҡоломбәтовтың тыуыуына 135 йыл тулыуға ҡарата китап донъя күрҙе. «Башинформ» мәғлүмәт агентлығы, 2016, 23 август (Тикшерелеү көнө: 24 август 2016)

Сығанаҡтар

Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанное и дополненное второе издание. — Уфа: Китап, 2015. — 672 с. ISBN 978-5-295-06338-1 (рус.)
Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.)

Һылтанмалар

Кто есть кто в Республике Башкортостан
Бөркөт булып осор, саңҡыр сағы. Был көндәрҙә талантлы журналист, шағир, ғалим, билдәле дәүләт һәм йәмәғәт эшмәкәре Ниязбай Булатбай улы Сәлимов оло юбилейын – 60 йәшен билдәләй. «Табын» гәзите, 28 сентября 2018 йыл(недоступная ссылка)
2008 йылға Башҡортостан календары. — «Китап» нәшриәте, 2007.

[1] «Башинформ» мәғлүмәт агентлығы

[2] Сайт Управления по делам архивов Республики Башкортостан. Контактная информация 2016 йыл 20 ноябрь архивланған. (рус.) (Тикшерелеү көнө: 2 сентябрь 2016)

[3] Писателям и поэтам Башкортостана вручили госпремии. ИА «Башинформ», 20 декабря 2022 года (рус.) (Тикшерелеү көнө: 22 декабрь 2022)

[4] В Уфе представители башкирского рода Табын провели съезд. «Башинформ» мәғлүмәт агентлығы, 28 февраль 2017 йыл (рус.) (Тикшерелеү көнө: 1 март 2017)

[5] Өфөлә Табын ырыуы башҡорттары съезд уҙғарҙы. «Башинформ» мәғлүмәт агентлығы, 1 март 2017 йыл (Тикшерелеү көнө: 1 март 2017)

[6] Баш ҡалала сәсән Вәлиулла Ҡоломбәтовтың тыуыуына 135 йыл тулыуға ҡарата китап донъя күрҙе. «Башинформ» мәғлүмәт агентлығы, 2016, 23 август (Тикшерелеү көнө: 24 август 2016)

[1]

[2]

[3]

[4]

[5]

[6]