Талипов Флорит Сәлих улы

Википедия — ирекле энциклопедия мәғлүмәте
Перейти к навигации Перейти к поиску
Талипов Флорит Сәлих улы
Заты ир-ат
Тыуған көнө 3 ноябрь 1948({{padleft:1948|4|0}}-{{padleft:11|2|0}}-{{padleft:3|2|0}}) (71 йәш)
Тыуған урыны СССР, РСФСР, Башҡорт АССР-ы, Балтас районы
Вафат булған урыны СССР, Минск ҡалаһы
Эш биреүсе Якуб Колас исемендәге милли академия драма театры
Уҡыу йорто Рәсәй театр сәнғәте университеты[d]

Флорит Сәлих улы Талипов (3 ноябрь 1948 йыл, Уҫман ауылы, Балтас районы, Башҡорт АССР-ы, РСФСР — 21 февраль 2011 йыл, Минск, Беларусь) — белорус театр режиссёры, Якуб Колас исемендәге Милли академия драма театрының художество етәксеһе.

Биографияһы[үҙгәртергә | вики-тексты үҙгәртергә]

Флорит Сәлих улы 1948 йылдың 3 ноябрендә Башҡорт АССР-ының Балтас районы Уҫман ауылында тыуған. Хеҙмәт эшмәкәрлеген Свердлов машиналар эшләү заводында слесарь һәм гравер булып башлай. Свердлов киностудияһында рәссам-аниматор, Минск ҡалаһының 81-се мәктәбендә рәсем һәм һыҙма уҡытыусыһы булып эшләй. Б. В. Щукин исемендәге юғары театр училищеһының һәм Мәскәүҙә А. В. Луначарский исемендәге дәүләт театр сәнғәте институтының режиссер бүлеген тамамлаған.

1989 йылдан алып — Белоруссияла Минск ҡалаһында Еңеү паркындағы беренсе антреприза театр-студияның художество етәксеһе һәм директоры, «АРТ», «АРТ-Центр» театр-студияһының художество етәксеһе булып эшләй, шулай уҡ 1997 йылға тиклем Республика сәнғәт программалары дирекцияһы янындағы театр-студияны етәкләй.

35 йыл ижади эшмәкәрлеге осоронда (1976—2011) Беларустә, Рәсәйҙә, Австрияла, Словенияла, Германияла, Польшала иллеләгән спектакль ҡуя, улар халыҡ-ара театр фестивалдәрендә режиссёр һәм сценографик оҫталығы өсөн юғары наградаларға лайыҡ булалар, ә актёрҙары юғары башҡарыу оҫталығы өсөн приздар алалар. Шулар араһында: Леонид Андреевтың «Екатерина Ивановнаһы» (2001 йыл) һәм Максим Горькийҙың «Васса»һы (2007 йыл).

2000 йылдан башлап шулай уҡ Белорусь дәүләт сәнғәт академияһының режиссура кафедраһында доцент булып эшләй. Европа класлы режиссёр, һәләтле педагог Талипов Флорит Сәлих улы үҙнең бай тәжрибәһен режиссёрҙарҙың йәш быуынына тапшыра.

2009 йылдың 31 мартынан — Якуб Колас исемендәге Милли академия драма театрының художество етәксеһе. 2010 йылдың ғинуарында А. Островский пьесаһы буйынса Талипов ҡуйған «Аҡыл эйәләре…» спектакленең премьераһы үтә; һуңғы тормошҡа ашырылған постановкаһы — «Квартет» спектакле. К. Крапиваның «Үлемһеҙлек ҡапҡаһы» өҫтөндә эштәр барған була. 2011 йылдың 21 февралендә данлыҡлы режиссёр Талипов Флорит Сәлих улы Минск ҡалаһында вафат була.

Бүләктәре һәм танылыуҙары[үҙгәртергә | вики-тексты үҙгәртергә]

  • СССР мәҙәниәт министрлығының һәм театр эшмәкәрҙәре союзының (1989), Польша сәнғәт һәм мәҙәниәт министрлығының (1990) грамоталары һәм дипломдары.
  • Беларусь Республикаһы президентының театр сәнғәте өлкәһендәге ҡаҙаныштары өсөн махсус премияһы (2001).
  • Федор Тютчев исемендәге миҙал (Рәсәй, 2004)
  • «Белорусь әҙәби-художество тәнҡитселәр союзы» Республика йәмәғәт берекмәһе дипломы (2005—2011) — Иң яҡшы сәхнә әҫәре һәм сценография өсөн.
  • «Белая Вежа» Халыҡ-ара театр фестивалендә Гран-при (1996)
  • «Славянские театральные встречи» халыҡ-ара театр фестивалендә Гран-при, «Иң яҡшы режиссура өсөн» дипломы (2003)

Һылтанмалар[үҙгәртергә | вики-тексты үҙгәртергә]

http://www.talipov.bn.by/ http://www.kino-teatr.ru/teatr/activist/308504/bio/