Урал дәүләт физик культура университеты

Википедия — ирекле энциклопедия мәғлүмәте
Перейти к навигации Перейти к поиску
Урал дәүләт физик культура университеты
Нигеҙләү датаһы 1970
Дәүләт Flag of the Russian Soviet Federative Socialist Republic (1954–1991).svg Рәсәй
Административ-территориаль берәмек Силәбе ҡалаһы
Рәсми сайт uralgufk.ru
Ойошма хеҙмәткәрҙәре категорияһы Категория:Преподаватели Уральского университета физической культуры[d]

Урал дәүләт физик культура университеты (УралДФКУ) — рус. Уральский государственный университет физической культуры — Урал федераль округында берҙән-бер спорт юғары уҡыу йорто. Силәбелә урынлашҡан.

Тарихы[үҙгәртергә | вики-тексты үҙгәртергә]

Екатеринбург физик культура институты бинаһы — Урал дәүләт физик культура университетының Екатеринбургтағы филиалы (2017 йылдың июне)

Урал дәүләт физик культура университеты тарихы 1970 йылда, Силәбелә Омск дәүләт физик культура институты филиалы асылғандан һуң, башлана. 25 йылдан ул Урал дәүләт физик культура академияһы итеп үҙгәртелә, ә 2005 йылда академия хаҡлы рәүештә университет статусына эйә була.

Бөгөн Урал дәүләт физик культура университеты — Уралда берҙән-бер спорт вузы ғына түгел, ә Урал федераль округында һәм уның эргәһендәге төбәктәрҙә спорт һәм физкультура-һауыҡтырыу эше үҙәге. Юғары уҡыу йортоноң филиалдары Екатеринбургта һәм Өфөлә асылған. Йыл һайын юғары уҡыу йорто физик культура өлкәһендә 1300-ҙән ашыу белгес — урта звено белгестәре, бакалаврҙар, магистрҙар һәм ситтән тороп уҡыу белгестәре сығара.

Университеттың инфраструктураһын 4 уҡыу корпусы һәм 2 дөйөм ятаҡ, шул иҫәптән «Студенттар йорто», «Еңел атлетика манежы» уҡыу-спорт комплексы тәшкил итә, бынан тыш уҡыу йортонда спорт уйындары, көрәш, бокс һәм гимнастика, шулай уҡ саңғы базаһы кеүек спорт төрҙәре буйынса тренажер залы һәм спорт залдары бар. Екатеринбургта гимнастика менән шөғөлләнеү өсөн махсус йыһазландырылған зал бар.

УралДФКУ буласаҡ абитуриенттар араһында иң популяр йүнәлештәр: «Физик культура», «Һаулыҡ торошонда тайпылыштар булған кешеләргә (адаптив физик культура) физик культура» һәм «Рекреация һәм спорт-һауыҡтырыу туризмы».

Уҡыу процесы заманса компьютер техникаһы менән тәьмин ителгән, 30-ҙан ашыу аудитория мультимедия комплекстары менән йыһазландырылған. Студенттарҙың һәм хеҙмәткәрҙәрҙең уҡыу һәм эш процестарына яңы компьютер технологиялары: электрон мәғлүмәт-белем биреү мөхите, электрон-белем биреү ресурстары порталы индерелгән.

Мабуғаты[үҙгәртергә | вики-тексты үҙгәртергә]

Урал дәүләт физик культура университетында «Вестник УралГУФК», «Научно-спортивный вестник Урала и Сибири», «Здравоохранение, образование и безопасность / Healthcare, education and security» ғилми журналдары нәшер ителә:..

Факультеттары[үҙгәртергә | вики-тексты үҙгәртергә]

Урал дәүләт физик культура университетында 4 факультет бар: йәйге спорт төрҙәре ; ҡышҡы спорт һәм көрәш төрҙәре ; һауыҡтырыу технологиялары һәм спорт медицинаһы; иҡтисад, юриспруденция һәм гуманитар фәндәр факультеттары.

Уҡытыусылары[үҙгәртергә | вики-тексты үҙгәртергә]

  • Йосопов Харис Монасип улы (24 август 1929 йыл — 7 июнь 2009 йыл) — спортсы-көрәшсе, тренер, юғары мәктәп уҡытыусыһы. Профессор (1995). Дзюдо буйынса СССР‑ҙың (1975) һәм РСФСР‑ҙың (1969) атҡаҙанған тренеры, классик (1959) һәм ирекле (1960) көрәш, самбо (1967) буйынса СССР‑ҙың спорт мастеры, дзюдо буйынса халыҡ‑ара (1975), самбо буйынса Бөтә Союз (1970) категориялы судья. РСФСР‑ҙың (1989) һәм Башҡортостан Республикаһының (1999) атҡаҙанған физик культура хеҙмәткәре, СССР‑ҙың физик культура отличнигы (1989). Почёт (2005) һәм Салауат Юлаев (2004) ордендары кавалеры. Салауат районының почётлы гражданы. Силәбе ҡалаһындағы Көньяҡ Урал дзюдо мәктәбенә нигеҙ һалыусы, Рәсәй көрәшселәре араһында иң билдәле шәхестәрҙең береһе[1]. 1973-1978 йылдарҙа Урал дәүләт физик культура университетында эшләй.

Билдәле тамамлаусылар[үҙгәртергә | вики-тексты үҙгәртергә]

Башҡортостандан[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]