Фәхруллина Резида Рауил ҡыҙы

Википедия — ирекле энциклопедия мәғлүмәте
Перейти к навигации Перейти к поиску
Фәхруллина Резида Рауил ҡыҙы
Тыуған ваҡыты:

1 апрель 1962({{padleft:1962|4|0}}-{{padleft:4|2|0}}-{{padleft:1|2|0}}) (57 йәш)

Тыуған урыны:

Башҡорт АССР-ы Илеш районы Үрге Маншыр ауылы

Һөнәре:

актёр

Гражданлығы:

Совет Социалистик Республикалар Союзы СССР
Рәсәй Рәсәй

Әүҙем йылдары:

19862013

Театр:

Башҡорт драма театры, «Нур» татар халҡы театры

Наградалары:
Татарстандың халыҡ артисы

Башҡортостан Республикаһының халыҡ артисы

Фәхруллина Резида Рауил ҡыҙы (1 апрель 1962 йыл) — театр актёры, юғары мәктәп уҡытыусыһы. Театр эшмәкәрҙәре союзы ағзаһы (1992). Башҡортостан Республикаһының халыҡ артисы (2003), Татар Республикаһының халыҡ артисы (2006).

Биографияһы[үҙгәртергә | вики-тексты үҙгәртергә]

Резида Рауил ҡыҙы Фәхруллина 1962 йылдың 1 апрелендә Башҡорт АССР-ының Илеш районы Үрге Маншыр ауылында тыуған.

Ғаиләлә йәмғеһе биш бала булған. Әсәһе Альбина Мирғәли ҡыҙы колхозда эшләй. Атаһы Рауил Хәниф улы — нефтсе, пенсия йәшенә яҡыная килә — колхозға күсә, художестволы үҙешмәкәрлектә әүҙем ҡатнаша, гармунда уйнай, бейей.

Резида Рауил ҡыҙы 1986 йылда Заһир Исмәғилев исемендәге Өфө дәүләт сәнғәт институтын (Ф. К. Ҡасимова курсы) тамамлай һәм Башҡорт дәүләт академия драма театрында эшләй башлай. Ул — лирик-драматик актёр.

1991 йылдан алып Өфө «Нур» татар дәүләт театрында эшләй, ә 2007 йылдан алып Заһир Исмәғилев исемендәге Өфө дәүләт сәнғәт институтында уҡыта.

Резида Рауил ҡыҙы — «Көлөрһөң дә, көйөрһөң дә», «Йыр булып ҡайтырмын!», «Йәшлек мөғжизәләре» һәм башҡа театрлаштырылған тамашалар режиссеры. «Ике алыҫ-яҡын ҡыштар» кинофильмында төшә(«Башҡортостан» киностудияһы, 1996).

1992 йылдан Театр эшмәкәрҙәре союзы ағзаһы.

Спектаклдәрҙәге ролдәре[үҙгәртергә | вики-тексты үҙгәртергә]

Башҡорт драма театрында: Әлиә («Майҙан тотабыҙ», Нәжиб Асанбаев; дебют, 1986), Гөлзифа («Башҡорт туйы»), Илфирә («Аманатҡа хыянат» Ф. В . Боғҙанов).

«Нур» театрында ролдәре: Джульетта («Ромео һәм Джульетта», Уильям Шекспир), Гөлсөм (Ғ. Исхаҡиҙың «Көҙ» повесы буйынса шул уҡ исемле спектакль), Зөлфиә («Үҙеңдең йөрәгеңде аяуһыҙландырма» Р. Ҡол-Дәүләт), Шәмсиғаян («Өс аршын ер», А. М. Ғиләжев), Мәҙинә («Ай булмаһа, йондоҙ бар», .Т. Миңнуллин), Дилбәр («Гүргә инер сер ине», Р. М. Кинйәбаев), Ольга (А. П. Чеховтың «Апалы-һеңлеле өсәү» пьесаһы мотивтары буйынса Л.-М. Зайлаускастың «Апалы-һеңлеле өсәү. Йылдар үткәс…» спектакле), Сәмиға («Кейәүкәй» Х. Ибраһимов) һәм башҡалар.

Резеда Рауил ҡыҙының уйнаған ролдәре характерҙы тәрән аңлау, геройының эске донъяһын, уның фажиғәле яҙмышын тулыһынса асыу менән айырыла.

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

  • «Көҙ» спектаклендә Гөлсөм роле өсөн — Ҡазандағы «Наурыҙ» Халыҡ-ара Төрки халыҡтар театр фестивалендә «Иң яҡшы ҡатын-ҡыҙ роле» номинацияһында премия лауреаты (1998)
  • К. Тинчурин исемендәге IV республика театр фестивалендә «Иң яҡшы ҡатын-ҡыҙ роле» лауреаты (1999, Ҡазан).
  • Башҡортостан Республикаһының халыҡ артисы (2003)
  • Татарстан Республикаһының халыҡ артисы (2006)
  • Башҡортостан Республикаһының атҡаҙанған артисы (1995)

Әҙәбиәт[үҙгәртергә | вики-тексты үҙгәртергә]

  • Нуртдинов Р. К вершинам созидания. — Уфа, 2005.
  • Иксанова Г. О театре И не только: очерки, интервью, рец. — Уфа, 2006.

Һылтанмалар[үҙгәртергә | вики-тексты үҙгәртергә]