Шәйхулов Нурислам Фәтхелислам улы

Википедия — ирекле энциклопедия мәғлүмәте
Перейти к навигации Перейти к поиску
Шәйхулов Нурислам Фәтхелислам улы
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 16 февраль 1929({{padleft:1929|4|0}}-{{padleft:2|2|0}}-{{padleft:16|2|0}})[1]
Тыуған урыны СССР, РСФСР, Башҡорт АССР-ы, Стәрлетамаҡ кантоны
Рәсәй, Ғафури районы, Сәйетбаба ауыл Советы, Сәйетбаба ауылы[1]
Вафат булған көнө 27 сентябрь 1996({{padleft:1996|4|0}}-{{padleft:9|2|0}}-{{padleft:27|2|0}})[1] (67 йәш)
Вафат булған урыны Рәсәй, Башҡортостан Республикаhы, Белорет районы, Егәҙе ауылы[1]
Һөнәр төрө мәктәп уҡытыусыһы, яҙыусы, дәүләт хеҙмәткәре
Маҡтаулы исемдәре һәм башҡа бүләктәре
РСФСР‑ҙың халыҡ мәғарифы отличнигы

Шәйхулов Нурислам Фәтхелислам улы (16 февраль 1929 йыл — 27 сентябрь 1996 йыл) — дәүләт хеҙмәткәре, уҡытыусы, журналист һәм яҙыусы. 1993 йылдан Башҡортостан Республикаһы Яҙыусылар союзы ағзаһы. РСФСР‑ҙың халыҡ мәғарифы отличнигы (1967).

Биографияһы[үҙгәртергә | вики-тексты үҙгәртергә]

Нурислам Фәтхелислам улы Шәйхулов 1929 йылдың 16 февралендә Башҡорт АССР‑ының Стәрлетамаҡ кантоны[2] Сәйетбаба ауылында тыуған.

Колхозлашыу йылдарында ата-әсәһе Белорет районының Хоҙайбирҙе ауылына күсеп килә. Атаһы йәшләй вафат була, үҫмерҙең иңенә туғандарын ҡарау бурысы ята.

Мәктәпте тамамлағас, шунда уҡ хәрби башланғыс нигеҙҙәренән уҡыта, типографияла хәреф йыйыусы булып эшләй. Яҙыша башлай.

Райондың «Сталинсы» гәзите мөхәррире егеттә ижад осҡонон һиҙемләп, хәбәрсе итеп эшкә ала. Күпмелер ваҡыттан Нурислам Фәтҡулислам улы гәзиттең яуаплы секретары итеп тәғәйенләнә.

Ситтән тороп Белорет педагогия училищеһын тамамлай. Әүҙем журналист булараҡ таныла, төрлө жанрҙарҙа ижад итә.

Өйләнеп, ғаиләһе ишәйә башлағас, Белорет районының Егәҙе ҡасабаһына күсенә. 1968—1975 йылдарҙа Егәҙе ауыл Советы рәйесе булып эшләп, абруй ҡаҙана.

Оҫта скрипкасы, һәләтле рәссам, яҡшы фотограф була, төрлө баҫмаларға яҙыша[3].

Ижады[үҙгәртергә | вики-тексты үҙгәртергә]

Әҙәби әҫәрҙәр ижад итеүгә олпат йәшендә тотона. Тәүге китабы — «Шаулай Еҙем» — 1985 йылда донъя күрә. Повестар, хикәйәләр, нәҫерҙәрҙән торған «Һағындырыр һандуғасы» тигән йыйынтығы 1991 йылда сыға. Һуңғараҡ балалар өсөн «Хәүефле сәфәр» тигән мажаралары нәшер ителә. Суҡмуйыл: повестар, хикәйәләр. Өфө, 2009

Ғаиләһе[үҙгәртергә | вики-тексты үҙгәртергә]

Ғаиләһендә ете бала үҫә, барыһына ла юғары уҡыу йорттарын тамамларға ярҙам итә.

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

  • РСФСР‑ҙың халыҡ мәғарифы отличнигы (1967)

Хәтер[үҙгәртергә | вики-тексты үҙгәртергә]

  • Венер Исхаҡов. Дауылда ауған ҡарағай. «Башҡортостан» гәзите, 2014, 14 март[4].
  • Егәҙе ауылы урамына Нурислам Шәйхулов исеме бирелгән.
  • Ул йәшәгән йортҡа мемориаль таҡтаташ ҡуйылған.

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 1,2 1,3 Башкирская энциклопедияБашкирская энциклопедия, 2005. — 4344 с. — ISBN 978-5-88185-053-1
  2. Хәҙер Башҡортостан Республикаһының Ғафури районы
  3. Дауылда ауған ҡарағай [1]
  4. «Башҡортостан»" гәзите, 2014, 14 март (Тикшерелгән 18 февраль 2019)

Һылтанмалар[үҙгәртергә | вики-тексты үҙгәртергә]