Абитаева Йәмилә Зөлҡәфил ҡыҙы

Йәмилә Зөлҡәфил ҡыҙы Абитаева
	Йәмилә Зөлҡәфил ҡыҙы Абитаева
Тыуған ваҡыты:	23 ғинуар 1916
Тыуған урыны:	Һамар губернаһы, Быҙаулыҡ өйәҙе, Кесе Юлдаш ауылы
Вафат ваҡыты:	12 июнь 1994 (78 йәш)
Вафат урыны:	Башҡортостан, Өфө ҡалаһы
Һөнәре:	актриса
Гражданлығы:	СССР→ Рәсәй Федерацияһы
Әүҙем йылдары:	1936—1974
Театр:	Сибай драма театры
Рольдәре:	Ҡарлуғас
Спектаклдәре:	«Ҡарлуғас»
Наградалары:	Башҡорт АССР-ының атҡаҙанған артисы (1969)

Абитаева Йәмилә Зөлҡәфил ҡыҙы (23 ғинуар 1916 йыл — 12 июнь 1994 йыл) — театр актёры. 1954 йылдан СССР Театр эшмәкәрҙәре союзы ағзаһы. 1936–1974 йылдарҙа Баймаҡ колхоз-совхоз башҡорт театры (1968 йылдан — Сибай башҡорт драма театры) актёры. Башҡорт АССР-ының атҡаҙанған артисы (1969).

Биографияһы

Йәмилә Зөлҡәфил ҡыҙы Абитаева 1916 йылдың 23 ғинуарында Һамар губернаһы Быҙаулыҡ өйәҙе (хәҙерге Ырымбур өлкәһенең Ҡыҙыл Гвардия районы) Кесе Юлдаш ауылында тыуған.

1936—1974 йылдарҙа Баймаҡ колхоз-совхоз драма театрында (1968 йылдан — Сибай драма театры) актриса булып эшләй.

1994 йылдың 12 июнендә Өфө ҡалаһында вафат була.

Ҡарлуғас (Баязит Бикбайҙың «Ҡарлуғас» драмаһы; 1936 йылда дебют роле)
Ғәлимә (Мәжит Ғафуриның «Ҡара йөҙҙәр» повесы буйынса яҙылған Ғәйнан Әмири һәм Вәлиәхмәт Ғәлимовтың «Ҡара йөҙҙәр» драмаһы)
Таңсулпан (Ҡадир Даяндың «Таңсулпан» драмаһы)
Айһылыу (Сәғит Мифтаховтың «Һаҡмар» һәм «Дуҫлыҡ һәм мөхәббәт» драмалары)
Мәрзиә (Әнғәм Атнабаевтың «Ул ҡайтты» драмаһы)
Елена Кошевая (Александр Фадеевтың «Йәш гвардия» романы буйынса яҙылған Вәлиәхмәт Ғәлимовтың «Геройҙар» драмаһы)
Туҡтабикә (Мостай Кәримдең «Ҡыҙ урлау» драмаһы)

Улы Абыҙгилдин Абрек Әмир улы (1937—2013) — Рәсәй Федерацияһының (2009) һәм Татарстан Республикаһының (1995) халыҡ рәссамы^[2].