Бүләкова Ғәҙилә Мөҙәрис ҡыҙы
| Бүләкова Ғәҙилә Мөҙәрис ҡыҙы | |
| Исеме |
Ғәликәева Ғәҙилә Мөҙәрис ҡыҙы |
|---|---|
| Тыуған көнө | |
| Тыуған урыны | |
| Ил | |
| Эшләгән урыны |
Мәжит Ғафуриҙың мемориаль йорт- музейы ғилми хеҙмәткәре |
| Ғилми дәрәжәһе |
филология фәндәре кандидаты |
Бүләкова Ғәҙилә Мөҙәрис ҡыҙы (11 апрель 1957 йыл) — ғалим-әҙәбиәт белгесе, юғары мәктәп уҡытыусыһы. Филология фәндәре кандидаты (1990). Башҡортостан Республикаһының атҡаҙанған мәғариф хеҙмәткәре (2012).
Биографияһы
[үҙгәртергә | сығанаҡты үҙгәртеү]Ғәҙилә Мөҙәрис ҡыҙы Бүләкова (ҡыҙ фамилияһы Ғәликәева) 1957 йылдың 11 апрелендә Башҡорт АССР-ының Бөрйән районының Әбделмәмбәт (Ҡыпсаҡ) ауылында, икеһе лә ғүмере буйы уҡытыусы булып эшләгән Рәхилә Ирназарова менән Мөҙәрис Ғәликәевтәрҙең ишле, татыу ғаиләһендә бишенсе бала булып тыуған.
Тәүҙә тыуған ауылында һигеҙ йыллыҡ, унан Байназарҙа урта мәктәпте тамамлағас, Башҡорт дәүләт университетының филология факультетының башҡорт-рус бүлегенә уҡырға инә.
Бында уға Әхнәф Кирәев, Ким Әхмәтйәнов, Абдрахман Ғәлләмов, Нәғим Ишбулатов, Марат Зәйнуллин, Роберт Байымов, Тимерғәле Килмөхәмәтов, Әхмәт Сөләймәнов, Ғәли Сәйетбатталов, Вәли Псәнчин кеүек күренекле ғалимдарҙан белем алыу бәхете тейә.
Студент йылдарында тел ғилеме һәм драма түңәрәктәренә йөрөй. Студенттарҙың һәм йәш ғалимдарҙың ғилми конференцияларында ҡатнаша. Ғилми йыйынтыҡтарҙа мәҡәләләре баҫылып сыға.
Башҡорт-рус бүлеген уңышлы тамамлап, Бөрйән районы Иҫке Монасип урта мәктәбендә уҡытыусы булып эшләй. Күп тә тормай, уға СССР Фәндәр академияһы Башҡортостан филиалы Тарих, тел һәм әҙәбиәт институтына йүнәлтмә бирәләр һәм ул 1982 йылда аспирантураға уҡырға инә.
1990 йылда филология фәндәре докторы, профессор, күренекле яҙыусы Ғайса Хөсәйенов етәкселегендә «Башҡорт балалар прозаһында герой проблемаһы» тигән темаға кандидатлыҡ диссертацияһын уңышлы яҡлап, ошо уҡ институтта ғилми хеҙмәткәр булып эш башлай. Бер үк ваҡытта Башҡорт дәүләт педагогия институтының башланғыс белем биреү методикаһы кафедраһында дәрестәр алып бара.
1986—1990 йылдарҙа Тарих, тел һәм әҙәбиәт институтында ғилми хеҙмәткәр, 1990—1993 йылдарҙа Башҡорт дәүләт педагогия институтында өлкән уҡытыусы, 1993 йылдан әлегәсә БДУ-ның (ул ваҡытта БДПИ-ның) Сибай институтында өлкән уҡытыусы, доцент, профессор дәрәжәһендә, 1997 йылдан башҡорт әҙәбиәте һәм мәҙәниәте тарихы кафедраһы (хәҙер башҡорт филологияһы кафедраһы) мөдире булып эшләй.
Ғәҙилә Бүләковаға 2012 йылда «Башҡортостан Республикаһының атҡаҙанған мәғариф хеҙмәткәре» тигән маҡтаулы исем бирелә.
Мәжит Ғафуриҙың мемориаль йорт-музейы мөдире.
Ғилми эшмәкәрлеге
[үҙгәртергә | сығанаҡты үҙгәртеү]150-нән ашыу ғилми хеҙмәт, шул иҫәптән 3 монография авторы:
- Әҙибәнең әйтер һүҙе — Сибай, 2009;
- Сәсән һүҙе — Өфө: БДУ, 2010;
- Сәсәнмен, тип кем әйтмәҫ… — Өфө: Ғилем, 2012.
- Башҡортостандағы татар мәктәптәренең 1-се (Өфө: Китап, 1994, 2000), 2-се (Өфө: Китап, 1994, 2000), 3-сө (Өфө: Китап, 1993, 2002), 4-се (Өфө: Китап, 2008) класс уҡыусылары өсөн башҡорт балалар әҙәбиәте буйынса кластан тыш «Башҡортостан — тыуған ергенәм» тигән уҡыу китаптарының төҙөүсе-авторы (авторҙашы — Д.Ғ. Мырҙаҡаева).
Маҡтаулы исемдәре
[үҙгәртергә | сығанаҡты үҙгәртеү]- Башҡортостан Республикаһының атҡаҙанған мәғариф хеҙмәткәре (2012)
Һылтанмалар
[үҙгәртергә | сығанаҡты үҙгәртеү]- ҒӘМЛЕ, ҒӘҘЕЛ ҒӘҘИЛӘ 2019 йыл 23 февраль архивланған.
- Әсә. Педагог. Ғалимә 2019 йыл 21 февраль архивланған.
- Байрамығыҙ менән 2019 йыл 9 март архивланған..
- Милләтенең ғәҙел ҡыҙы(недоступная ссылка)