Миңлебаев Ғиләжетдин Фәсхетдин улы

Ғиләж Ғүмәрский
	Ғиләж Ғүмәрский
Исеме:	Миңлебаев Ғиләжетдин Фәсхетдин улы
Тыуған көнө:	1 апрель 1890
Тыуған урыны:	Өфө губернаһы Стәрлетамаҡ өйәҙе Иҫке Этекәй ауылы
Вафат булған көнө:	26 ноябрь 1967 (77 йәш)
Вафат булған урыны:	Өфө
Гражданлығы:	Рәсәй империяһы →; СССР
Эшмәкәрлеге:	драматург
Жанр:	пьеса
Әҫәрҙәре яҙылған тел:	Башҡорт теле

Википедияла Миңлебаев фамилиялы башҡа кешеләр тураһында мәҡәләләр бар.

Миңлебаев Ғиләжетдин Фәсхетдин улы, Ғиләж Ғүмәрский (1 апрель 1890 йыл — 26 ноябрь 1967 йыл) — драматург. 1910 сы йылдарҙан үҙешмәкәр театр коллективтарын ойоштороусы. 1930—1937 йылдарҙа Башҡортостан дәүләт нәшриәтенең район-ара бүлеге мөдире. Беренсе донъя һуғышында ҡатнашыусы. Сәйәси золом ҡорбаны.

Биографияһы

Ғиләжетдин Фәсхетдин улы Миңлебаев 1890 йылдың 1 апрелендә Өфө губернаһы Стәрлетамаҡ өйәҙе^[1] Иҫке Этекәй ауылында тыуған.

Ғосмания мәҙрәсәһендә уҡый (1903—07). 1917 йылдан алып Өфө, Стәрлетамаҡ ҡалаларында төрлө ойошма һәм учреждениеларында эшләй. 1930-37 йылдарҙа Башҡортостан дәүләт нәшриәтенең район-ара бүлеге мөдире. 1937 йылда репрессиялана, 1959 йыл аҡлана. 1910‑сы йылдарҙа үҙешмәкәр театр коллективтарын ойоштора, башҡорт һәм татар драматургтарының пьесаларын, үҙенең әҫәрҙәрен сәхнәләштерә.

Ижады

Уның «Уйламағанда ике никах» комедияһының нигеҙендә сауҙагәр ҡыҙы менән мәҙрәсәнең фәҡир мөғәллименең йәшерен никахы ята. «Һуғышта» драмаһы (икеһе лә — 1917) Беренсе донъя һуғышына арналған. Баҫылмаған «Аталар күҙ йәше», «Көнләшеү» һ. б. пьесалар авторы.

Иҫкәрмәләр

↑ ^1,0 ^1,1 Хәҙерге Башҡортостан Республикаһының Ауырғазы районы.

Һылтанмалар

Ғүмәрский Ғиләж // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 27 март 2019)

[Х-1] 1,0 ^1,1 Хәҙерге Башҡортостан Республикаһының Ауырғазы районы.

[1]