Ҡыуатов Сафа Солтанморат улы

Ҡыуатов Сафа Солтанморат улы
	Ҡыуатов Сафа Солтанморат улы
Зат	ир-ат
Гражданлыҡ	Совет Рәсәйе; СССР
Тыуған көнө	2 февраль 1919
Тыуған урыны	Үтәғол, Ейәнсура районы
Вафат булған көнө	21 август 1991 (72 йәш)
Һөнәр төрө	журналист
Маҡтаулы исемдәре һәм башҡа бүләктәре

Ҡыуатов Сафа Солтанморат улы (2 февраль 1919 йыл — 21 август 1991 йыл) — журналист. 1959 йылдан СССР Журналистар союзы ағзаһы. Бөйөк Ватан һуғышында ҡатнашыусы, капитан, 2-се разрядлы хәрби тәржемәсе. Ҡыуатовтар нәҫеленән^[1].

Биографияһы

Сафа Солтанморат улы Ҡыуатов 1919 йылдың 2 февралендә Ырымбур губернаһы Орск өйәҙе Ҡыуат‑Бикбирҙе (хәҙер Башҡортостан Республикаһының Ейәнсура районы) Үтәғол ауылында тыуған.

Тыуған ауылы мәктәбендә уҡый.

1939 йылдың 19 сентябрендә Ейәнсура район хәрби комиссариаты тарафынан Эшсе-Крәҫтиән Ҡыҙыл Армияһы сафына саҡырыла.

Хеҙмәт иткән урындары: Балтиҡ буйы хәрби округы 25 армия составындағы 19-сы айырым ракета бригадаһы, һуңынан — 1-се Алыҫ Көнсығыш фронты составындағы 25-се армия 110-сы нығытылған районында 1945 йылдың апреленән авгусына тиклем Япония милитаристарына ҡаршы һуғыштарҙа ҡатнаша.

Мәскәүҙә КПСС Үҙәк Комитеты ҡарамағындағы Юғары партия мәктәбен 1956 йылда тамамлай.

1938 йылдан «Ударсы» (хәҙер «Ейәнсура таңдары (гәзит)») гәзите хеҙмәткәре.

1947 йылдың 12 июнендә хәрби хеҙмәтен тамамлай.

1947 йылдан алып КПСС-тың Башҡортостан өлкә комитеты инструкторы, 1950—1953 йылдарҙа сектор мөдире.

1956 йылдан алып Башҡортостан китап нәшриәтенең баш мөхәррире, 1963 йылдан — директоры.

1971—1986 йылдарҙа Республика китапхана коллекторы директоры^[1].

Маҡтаулы исемдәре һәм башҡа бүләктәре

2-се дәрәжә Ватан һуғышы ордены (1985)
Ҡыҙыл Йондоҙ ордены (14.09.1945)
«Японияны еңгән өсөн» миҙалы (30.09.1945)
РСФСР‑ҙың атҡаҙанған мәҙәниәт хеҙмәткәре (1969)
Матбуғат отличнигы (1984)<ref>^[1].

Иҫкәрмәләр

↑ ^1,0 ^1,1 ^1,2 Ҡыуатов Сафа Солтанморат улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

Һылтанмалар

Ҡыуатов Сафа Солтанморат улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
Память народа. Куватов Сафи Султанмуратович
Дорога памяти. Куватов Сафа Султанмуратович 2021 йыл 21 октябрь архивланған.
Российская государственная библиотека. Куватов, Сафый Султанмуратович. Башкирия издает [Текст. - Уфа : [Башкнигоиздат], 1969. - 150 с]

[БЭ-1] 1,0 ^1,1 ^1,2 Ҡыуатов Сафа Солтанморат улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

[1]