Әминев Исмәғил Яҡуп улы

Әминев Исмәғил Яҡуп улы
	Әминев Исмәғил Яҡуп улы
Зат	ир-ат
Гражданлыҡ	Рәсәй империяһы; Совет Рәсәйе; СССР
Тыуған көнө	20 ғинуар 1906 (118 йәш)
Тыуған урыны	Иҫәнбай, Илеш районы
Һөнәр төрө	яугир
Хәрби звание	өлкән лейтенант[d] һәм Советская гвардия[d]
Һуғыш/алыш	Бөйөк Ватан һуғышы
Ғәскәр төрө	кавалерия[d]
Маҡтаулы исемдәре һәм башҡа бүләктәре

Әминев Исмәғил Яҡуп улы (рус. Аминев Исмагил Якуповичович; 20.01.1906 йыл — ?) — 16-сы гвардия дивизияһының гвардия өлкән лейтенанты. 148-се гвардия артиллерия-миномёт полкының эш башҡарыу мөдире^[1].

Биографияһы[үҙгәртергә | сығанаҡты үҙгәртеү]

Исмәғил Яҡуп улы Әминев 1906 йылдың 20 ғинуарында Өфө губернаһы Бөрө өйәҙе Ҡырғыҙ улусы (хәҙерге Башҡортостан Рнеспубликаһы Илеш районы) Иҫәнбай ауылында ярлы крәҫтиән ғаиләһендә тыуған.

Тәүҙә ул Көньяҡ Урал хәрби округының (ЮУВО) 31-се механизацияланған дивизияһы 780-се уҡсылар һәм 73-сө гвардия миномёт полктарында хеҙмәт иткән була.

1942 йылдың 8 ғинуарында Дүртөйлө район хәрби комиссариаты Эшсе-Крәҫтиән Ҡыҙыл Армияһының өлкән лейтенанты Әминевты яңы ойошторолған 112-се Башҡорт кавалерия дивизияһына хеҙмәткә саҡыра.

Төрлө осорҙарҙа төрлө званиеға эйә була: гвардия өлкөн лейтенанты, гвардия интендант хеҙмәте лейтенанты, 2-се ранг гвардия техник-интенданнты, администрация хеҙмәте өлкән лейтенанты.

16-сы гвардия дивизияһының гвардия өлкән лейтенанты Әминев Исмәғил Яҡуп улы 148-се гвардия артиллерия-миномёт полкының эш башҡарыу мөдире. Һуғыш яланында хәрби администрацияла кабинетта ғына эшләп ултырмай. 1943 йылдың июль айында күрһәткән батырлығы Ҡыҙыл Йондоҙ ордены менән билдәләнә.

Иптәш Исмәғил Яҡуп улы Әминев дивизия ойошторолғандан бирле хеҙмәт итә. Канцелярия эштәренә, иҫәп алып барыуһәм отчет биреүгә бик яуаплы ҡарай. Әминев Владимировка районында автоматтан 8 немецты үлтерҙе һәм, 11 кешенән торған төркөм менән 60-сы гвардия кавалерия полкының уң флангаһында тороп, дошмандың өс атакаһын ҡайтарҙы. Немецтар, 25 һалдат-офицерын юғалтып, тимер юл аръяғына сигенергә мәжбүр булды. Юлино-1 районындағы алышта, 5 яугирҙән торған дивизион идаралығы взводы менән, ике тапҡыр атакаға күтәрелде, 6 ошман һалдатын һәм офицерын үлтерҙе. Үҙенең ҡулы яраланды

^[2]

Маҡтаулы исемдәре һәм башҡа бүләктәре[үҙгәртергә | сығанаҡты үҙгәртеү]

II дәрәжә Ватан һуғышы ордены (3.11.1943)
ике Ҡыҙыл Йондоҙ ордены (20.07.1943, 8.07.1945)
«1941—1945 йылдарҙағы Бөйөк Ватан һуғышында Германияны еңгән өсөн» миҙалы (9.05.1945)
«Сталинградты обороналаған өсөн» миҙалы
«Варшаваны азат иткән өсөн» миҙалы
«Берлинды алған өсөн» миҙалы^[3]

Хәтер[үҙгәртергә | сығанаҡты үҙгәртеү]

Әминев Исмәғил Яҡуп улының исеме Башҡортостанда нәшер ителгән баҫмаларҙа^[4] һәм БР-ның Илеш районы Иҫәнебай ауылында Бөйөк Ватан һуғышында ҡатнашыусылар хөрмәтенә ҡуйылған һәйкәлдәге исемлеккә индерелгән.

Һылтанмалар[үҙгәртергә | сығанаҡты үҙгәртеү]

Иҫкәрмәләр[үҙгәртергә | сығанаҡты үҙгәртеү]

«Башҡорт атлы дивизияһы» порталы

[1] Шаймуратовцы. Аминев Исмагил Якупович

[2] [1]

[3] Память народа. Аминев Исмагил Якупович

[4] РГБ: Они вернулись с победой. Дюртюлинский район. т.5 Аминев Исмагил Якупович ISBN 5-295-03300-7

[1]

[2]

[3]

[4]