Водород

Водород / Hydrogenium (H) ►He
Атом номеры	1
Матдәнең тышҡы күренеше	төҫһөҙ, тәме булиаған газ
Атом үҙенсәлеге
Атом массаһы (моляр масса)	1,00794 а. м. б. (г/моль)
Атом радиусы	79 пм
Ионизация энергияһы (беренсе электрон)	1311,3 кДж/моль (эВ)
Электрон конфигурацияһы	1s1
Химик үҙенсәлеге
Ковалент радиусы	32 пм
Ион радиусы	54 (−1 e) пм
Электр тиҫкәрелеге (Полинг буйынса)	2,20
Электрод потенциалы
Оксидлашу дәрәжәһе	1, −1
Матдәнең термодинамик үҙенсәлеге
Тығыҙлыҡ	0,0000899 (при 273K (0 °C)) г/см³
Моляр йылы һыйҙырыусанлығы	14,235 Дж/(K•моль)
Йылы үткәреүсәнлек	0,1815 Вт/(м•K)
Эреү температураһы	14,01 K
Эреү йылылығы	0,117 кДж/моль
Ҡайнау температураһы	20,28 K
Парға әйләнеү йылылығы	0,904 кДж/моль
Моляр күләм	14,1 см³/моль
Матдәнең кристаллик рәшәткәһе
Рәшәткә төҙөлөшө	гексагональ
Рәшәткә параметрҙары	a=3,780 c=6,167 Å
Дебай температураһы	110 K

H	1
1,00794
1s1
Водород

Водоро́д (лат. Hydrogenium – Менделеевтың периодик таблицаһында беренсе элемент. Атом һаны — 1, сағыштырмаса атом массаһы — 1,0079. Тәбиғәттә водородтың 2 стабиль изотопы ¹H ( протий Н), ²H (дейтерий D) һәм 1 радиоактив изототы — ³H (тритий T) осрай. Бер изотопы — 4H яһалма юл менән алына. Водородтан алынған ябай матдә — Н₂ – еңел төҫһөҙ газ. Һауа йә кислород менән ҡатнашҡанда яныусан һәм шартлаусан ҡатнашма барлыҡҡа килә. Ағыуһыҙ. Этанол һәм тимер, никель, палладий, платина кеүек металдарҙа эреүсән.

Тарихы

Металдарға кислота менән тәҫьир иткәндә яныусан газ бүленеп сығыуын, химия фәне барлыҡҡа килгәндә, XVI—XVII быуаттарҙа уҡ белгәндәр. Флогистон түгел, водород бүленеп сығыуын Михаил Васильевич Ломоносов та күрһәткән. Инглиз физигы һәм химигы Генри Кавендиш 1766 йылда был газды тикшереп, «яныусан һауа» тип атай. «Яныусан һауа»ны яндырғанда һыу барлыҡҡа килә. Тик Кавендиш флогистон теорияһы яҡлы булғанға, дөрөҫ һығымта яһай алмай. Француз химигы Антуан Лавуазье инженер Ж. Менье менән берлектә махсус газометрҙар ҡулланып һыу синтезлай. Һуңынан һыуҙы ҡыҙҙырылған тимер өҫтөндә тарҡаталар. Шулай итеп, «яныусан газ» һыу составында бар һәм уны һыуҙан алып була, тип билдәләйҙәр.

Исеменең барлыҡҡа килеүе

Лавуазье водородҡа hydrogène (бор. грек. ὕδωρ — «һыу» һәм γεννάω — «тыуҙырыу») исемен бирә. «Водород» исемен 1824 йылда М. Ф. Соловьев тәҡдим итә.

Таралыуы

Йыһанда

Йыһанда иң таралған элемент — водород. Уның өлөшөнә бөтә атомдарҙың 92 %-ы тура килә (8% гелий атомдары, ҡалған элеметтарҙың өлөшө 0,1%-тан аҙыраҡ). Шулай итеп, водород — йондоҙҙарҙың һәм йондоҙ-ара газдың төп өлөшө. Йондоҙ температураһы шарттарында (мәҫәлән, Ҡояшта температура ~ 6000 °C) водород плазма хәлендә, йондоҙ арауығында ҙурлығы, тығыҙлығы, температураһы төрлө булған айырым атом, молекулалар болото хәлендә осрай.

Ер ҡабығында һәм организмдарҙа

Ер ҡабығында водород 1% самаһы, таралыуы буйынса 10-сы урында. Әммә организмда водородтың мөһимлеге масса өлөшө буйынса түгел, ә атом иҫәбе буйынса билдәләнә. Атом иҫәбе буйынса организмда водород өлөшө 17% (~ 52 % тәшкил иткән кислородтан ҡалышып икенсе урында). Ерҙәге барлыҡ водород ҡатнашмалар хәлендә (ябай матдә хәлендә 0,00005 % күләм).

Алыу

Сәнәғәттә водородты тәбиғи газ менән һыуҙан алалар. Был реакция юғары температурала үткәрелә. СН₄ + 2Н₂O = CO₂↑ + 4Н₂ −165 кДж

Сәнәғәттә

1.Тоҙ эретмәләренән электролиз:

2NaCl + 2H₂O → H₂↑ + 2NaOH + Cl₂

2. 1000 °C-та ҡыҙҙырылған кокс өҫтөнән һыу парҙарын үткәреп:

H₂O + C ⇄ H₂ + CO

3.Тәбиғи газдан: Һыу пары менән конверсия:

CH₄ + H₂O ⇄ CO + 3H₂ (1000 °C)

Кислород менән каталик окислау:

2CH₄ + O2 ⇄ 2CO + 4H₂

4. Нефть эшкәртеүҙә углеворородтарҙың крекинг и риформинг процесында.

Лабораторияла

1.Кислотаның металға тәҫьир итеүе. Был тәжрибәне шыйығайтылған тoҙ кислотаһы һәм цинк менән үткәрәләр:

Zn + 2HCl → ZnCl₂ + H₂↑

2.Кальцийҙың һыуға тәҫьир итеүе:

Ca + 2H₂O → Ca(OH)₂ + H₂↑

3. Гидридтарҙы гидролизлау:

NaH + H₂O → NaOH + H₂↑

4.Һелтеләрҙең цинк менән алюминға тәҫьир итеүе:

2Al + 2NaOH + 6H₂O → 2Na[Al(OH)₄] + 3H₂↑

Zn + 2KOH + 2H₂O → K₂[Zn(OH)₄] + H₂↑

5.Электролиза ярҙамында. Һелте һәм кислоталарҙың һыу эремәләрен электролизлағанда катодта водород бүленеп сыға. Миҫал:

2H₃O⁺ + 2e⁻ → H₂↑ + 2H₂O

Физик үҙенсәлектәре

Водород молекулаһы ике атомдан тора Н₂. Ғәҙәти шарттарҙа — төҫө, еҫе, тәме булмаған газ. Тығыҙлығы — 0,08987 г/л (н.ш.), ҡайнау температураһы — −252,76 °C, сағыштырмаса яныу йылылығы — 120.9×106 Дж/кг, һыуҙа аҙ эреүсән — 18,8 мл/л. Водород металдарҙа (Ni, Pt, Pd и һ.б.) эреүсән, 1 күләм палладийҙа 850 күләм водород эрей. Шыйыҡ хәлдә водород бик тар температура арауығында (−252,76 — −259,2 °C) була. Еңел, төҫһөҙ, ағыусан шыйыҡлыҡ. Тығыҙлығы (−253 °C) — 0,0708 г/см³ , үҙлелеге (вязкость) (−253 °C) — 13,8 спуаз. Ҡаты водород ( −262 °C) — ҡарға оҡшаған масса, иреү температураһы — −259,2 °C, тығыҙлығы — 0,0807 г/см³. Юғары баҫым аҫтында металл хәленә күсә.

Химик үҙенсәлеге

Водород молекулаһы Н₂ ныҡлы, реакцияға инеү өсөн күп энергия сарыф итергә кәрәк:

Н₂ = 2Н − 432 кДж

Шуға күрә ғәҙәти шарттарҙа водород бик әүҙем металдар менән тәҫьир итә, мәҫәлән, кальций менән кальций гидриды барлыҡҡа килтерә.

Ca + Н₂ = СаН₂

һәм металл булмағандарҙан тик фтор менән фтороводород барлыҡҡа килтерә:

F₂ + H₂ = 2HF

Күпселек металл һәм металл булмағандар менән юғары температурала һәм башҡа төрлө тәҫьир иткәндә, мәҫәлән, яҡтыртҡанда тәҫьир итешә:

О₂ + 2Н₂ = 2Н₂О

Ҡайһы бер оксидтарҙың кислородын «тартып ала»:

CuO + Н₂ = Cu + Н₂O

Окисланыу-ҡайтарылыу реакцияһында ҡайтарыу үҙенсәлеге.

N₂ + 3H₂ → 2NH₃

галогендар менән галогеноводород барлыҡҡа килә:

F₂ + H₂ → 2HF, теләһә ниндәй температурала реакция шартлау процесы менән үтә,

Cl₂ + H₂ → 2HCl, тик яҡтыла реакция шартлау процесы менән үтә.

Ҡором менән көслө йылытҡанда:

C + 2H₂ → CH₄

Һелтеле һәм һелтеле ер металдары менән тәҫьир итешеү

Әүҙем металдар менән гидрид барлыҡҡа килтерә:

2Na + H₂ → 2NaH

Ca + H₂ → CaH₂

Mg + H₂ → MgH₂

Гидридтар — тоҙға оҡшаған, еңел гидролизға бирелеүсе матдәләр:

CaH₂ + 2H₂O → Ca(OH)₂ + 2H₂↑

Метал оксидтары менән тәҫьир итешеүе (ҡағиҙә булараҡ, d-элементтар)

Оксидтар металдарға тиклем ҡайтарыла:

CuO + H₂ → Cu + H₂O

Fe₂O₃ + 3H₂ → 2Fe + 3H₂O

WO₃ + 3H₂ → W + 3H₂O

Органик ҡушылмаларҙы гидрирлау

Органик синтезда молекуляр водород органик ҡушылмаларҙы ҡайтарыу өсөн киң ҡулланыла. Был реакциялар «гидрир реакциялары» (реакции гидрирования) тип атала. Был реакцияларҙы катализатор ярҙамында юғары температура һәм баҫымда үткәрәләр. Каталик гидрир реакцияларында туйындырылмаған углеводородтарҙан туйындырылған углеводород барлыҡҡа килә. Мәҫәлән, алкен и алкиндан алкан барлыҡҡа килә.

$\mathsf{R\!\!-\!\!CH\!\!=\!\!CH\!\!-\!\!R'+H_2}\rightarrow\mathsf{R\!\!-\!\!CH_2\!\!-\!\!CH_2\!\!-\!\!R'}$

Ҡыҙыҡлы факттар

• Водород — Йыһанда иң таралған элемент (йыһандағы бөтә элементтарҙың 90%).
• Водород — еңел газ. 1 литр водород ауырлығы 0,08988 грамм .
• Хорват телендә водород Vodik тип атала. Был исемде филолог Богослав Шулек биргән.

Химик элементтарҙың периодик системаһы

Группа → Период ↓

IA

IIA

IIIB

IVB

VB

VIB

VIIB

VIIIB

IB

IIB

IIIA

IVA

VA

VIA

VIIA

VIIIA

1

1 H

2 He

2

3 Li

4 Be

5 B

6 C

7 N

8 O

9 F

10 Ne

3

11 Na

12 Mg

13 Al

14 Si

15 P

16 S

17 Cl

18 Ar

4

19 K

20 Ca

21 Sc

22 Ti

23 V

24 Cr

25 Mn

26 Fe

27 Co

28 Ni

29 Cu

30 Zn

31 Ga

32 Ge

33 As

34 Se

35 Br

36 Kr

5

37 Rb

38 Sr

39 Y

40 Zr

41 Nb

42 Mo

43 Tc

44 Ru

45 Rh

46 Pd

47 Ag

48 Cd

49 In

50 Sn

51 Sb

52 Te

53 I

54 Xe

6

55 Cs

56 Ba

*

72 Hf

73 Ta

74 W

75 Re

76 Os

77 Ir

78 Pt

79 Au

80 Hg

81 Tl

82 Pb

83 Bi

84 Po

85 At

86 Rn

7

87 Fr

88 Ra

**

104 Rf

105 Db

106 Sg

107 Bh

108 Hs

109 Mt

110 Ds

111 Rg

112 Cn

113 Uut

114 Uuq

115 Uup

116 Uuh

117 Uus

118 Uuo

Лантаноидтар *

57 La

58 Ce

59 Pr

60 Nd

61 Pm

62 Sm

63 Eu

64 Gd

65 Tb

66 Dy

67 Ho

68 Er

69 Tm

70 Yb

71 Lu

Актиноидтар **

89 Ac

90 Th

91 Pa

92 U

93 Np

94 Pu

95 Am

96 Cm

97 Bk

98 Cf

99 Es

100 Fm

101 Md

102 No

103 Lr

Химик элементтар ғаиләһе

Металл булмаған элементтар	Инерт газдар	Һелтеле металдар	Ярымметалдар- металоидтар	Галогендар
Металдар	Күсеүсе элементтар	Актанноидтар	Лантаноидтар	Һелтеле ер металдары