Арыҫланов Ғата Арыҫлан улы

Ғата Арыҫланов
	Ғата Арыҫланов
Тыуған ваҡыты:	24 июнь 1914
Тыуған урыны:	Өфө губернаһы, Бәләбәй өйәҙе, Ҡыпсаҡ-Асҡар ауылы
Вафат ваҡыты:	2 декабрь 2001 (87 йәш)
Вафат урыны:	Башҡортостан, Өфө ҡалаһы
Һөнәре:	актёр
Гражданлығы:	→
Әүҙем йылдары:	1940—1983
Амплуа:	мелодрама һәм музыкаль комедия лирик геройы
Театр:	Башҡорт дәүләт академия драма театры
Наградалары:	БАССР‑ҙың атҡаҙанған артисы (1956)

Википедияла Арыҫланов фамилиялы башҡа кешеләр тураһында мәҡәләләр бар.

Арыҫланов Ғата Арыҫлан улы (24 июнь 1914 йыл — 2 декабрь 2001 йыл) — башҡорт актёры, эстрада артисы. Башҡорт АССР‑ының атҡаҙанған артисы (1956). Театр эшмәкәрҙәре союзы ағзаһы (1955). Мәжит Ғафури исемендәге премия лауреаты (2006, үлгәндән һуң).

Биографияһы

1914 йылдың 24 июнендә Өфө губернаһы Бәләбәй өйәҙе (хәҙерге Башҡортостан Республикаһы Әлшәй районы) Ҡыпсаҡ-Асҡар ауылында тыуған^[1].

1932—1934 йылдарҙа Мәскәү консерваторияһының Башҡорт студияһында белем ала^[1].

Ҡыҙыл Армия сафында хеҙмәт итә. 1938 йылғы Хәсән күле буйында совет-япон ҡораллы бәрелештәрендә ҡатнаша^[2].

1940 йылда Башҡорт театр-художество училищеһын Булат Имашев һәм Ғәлләм Саттаров курсы буйынса тамамлай^[1].

1940 йылдан Яңауыл колхоз-совхоз театрында актёр булып эшләй^[1].

1941 йылдан — Башҡорт дәүләт филармонияһының һөйләү жанры артисы. Бөйөк Ватан һуғышы йылдарында йыш ҡына госпиталдәрҙә сығыш яһай^[2].

1949—1983 йылдарҙа Башҡорт дәүләт академия драма театры актёры. Бер үк ваҡытта Өфө ҡалаһының балалар йорттарының береһендә театр түңәрәген етәкләй^[2]. Башҡорт һөнәри эстрадаһы үҫешенә үҙ өлөшөн индерә^[1].

2001 йылдың 2 декабрендә Өфө ҡалаһында вафат була^[1].

Төп ролдәре

Хәлил («Ғәлиәбаныу», Мирхәйҙәр Фәйзи),
Ғәлимйән («Башмағым», Хәбибулла Ибраһимов),
Ғиззәт («Еҙнәкәй», Хәбибулла Ибраһимов),
Закир (Мәжит Ғафуриҙың «Ҡара йөҙҙәр» повесы буйынса Ғайнан Әмири һәм Вәлиәхмәт Ғәлимовтың «Ҡара йөҙҙәр» спектакле)
Ғәҙел («Бажалар», Ибраһим Абдуллин),
Зөфәр («Минең йырым», Ибраһим Абдуллин),
Гәрәй («Яңғыҙ ҡайын», Мостай Кәрим),
Мәжит Ғафури («Мәжит Ғафури», Сәйфи Ҡудаш).

Маҡтаулы исемдәре һәм бүләктәре

Башҡорт АССР‑ының атҡаҙанған артисы (1956),
Мәжит Ғафури исемендәге премия (2006, үлгәндән һуң).

Ғаиләһе

Ҡатыны — Арыҫланова Зәкиә Шәйҙулла ҡыҙы, Башҡорт АССР-ының халыҡ артисы (1974)^[2].

Иҫкәрмәләр

↑ ^1,0 ^1,1 ^1,2 ^1,3 ^1,4 ^1,5 Сәйетов Һ. С. Арыҫланов Ғата Арыҫлан улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
↑ ^2,0 ^2,1 ^2,2 ^2,3 Романов В. Он внес большой вклад в развитие башкирского театра (К 100-летию со дня рождения актера Гаты Арсланова) (билдәһеҙ). Башинформ (24 июнь 2014). Дата обращения: 7 август 2020.

[БЭ-1] 1,0 ^1,1 ^1,2 ^1,3 ^1,4 ^1,5 Сәйетов Һ. С. Арыҫланов Ғата Арыҫлан улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

[Романов-2] 2,0 ^2,1 ^2,2 ^2,3 Романов В. Он внес большой вклад в развитие башкирского театра (К 100-летию со дня рождения актера Гаты Арсланова) (билдәһеҙ). Башинформ (24 июнь 2014). Дата обращения: 7 август 2020.

[1]

[2]