Головин Алексей Степанович

Википедия — ирекле энциклопедия мәғлүмәте
Перейти к навигации Перейти к поиску
Алексей Степанович Головин
200px
Тыуған ваҡыты

1 ғинуар 1912({{padleft:1912|4|0}}-{{padleft:1|2|0}}-{{padleft:1|2|0}})

Тыуған урыны

Рәсәй империяһы Өфө губернаһы Златоуст өйәҙе [1] Митюшинск ҡасабаһы

Үлгән ваҡыты

5 май 1981({{padleft:1981|4|0}}-{{padleft:5|2|0}}-{{padleft:5|2|0}}) (69 йәш)

Вафат урыны

СССР, Волгоград ҡалаһы

Хеҙмәт иткән урыны

Совет Социалистик Республикалар Союзы СССР

Ғәскәр төрө

Ҡоро ер ғәскәрҙәре

Хеҙмәт итеү йылдары

19361937
19411945

Хәрби звание
Сержант
Часть

Калинин фронтындағы 3-сө удар армияның 63-сө айырым саңғы батальоны

Командалыҡ итеү

айырым саңғы батальонының
отделение командиры

Хәрби алыш/һуғыш

Бөйөк Ватан һуғышы

Наградалар һәм премиялар
Советтар Союзы Геройы
Ленин ордены
Отставкала

Дауахананың хужалыҡ эштәре мөдире

Головин Алексей Степанович (1 ғинуар 19125 май 1981) — Советтар Союзы Геройы (1943), Бөйөк Ватан һуғышында ҡатнашҡан яугир, Салауат районының почётлы гражданы[2]. 1943 йылдан ВКП(б) (КПСС) ағзаһы.

Биографияһы[үҙгәртергә | вики-тексты үҙгәртергә]

Алексей Степанович Головин 1912 йылдың 1 ғинуарында Өфө губернаһы Златоуст өйәҙе (хәҙер Башҡортостан Республикаһы Салауат районы) Митюшинск ҡасабаһында (сығанаҡтарҙа Митюшино ауылы тип тә атала) крәҫтиән ғаиләһендә тыуа. рус.

Туғыҙ йәшенән батраклыҡта йөрөй, мал көтә. Бер аҙ үҫкәс, атаһына балта эштәрендә ярҙам итә, Йүрүҙән йылғаһынан һал ағыҙа, белем алмай. 1930 йылда колхозда эшләй, уҡырға һәм яҙырға өйрәнә[3]. Армияға башланғыс белем менән килә, хеҙмәт ваҡытында 6 айлыҡ кесе командирҙар курсында уҡый. Демобилизациянан һуң 1937 йылда Бирҙәүешкә күсенә. 1939 йылда Көньяҡ-Урал тимер юлының «Вязовая» станцияһында (Силәбе өлкәһе) юлдарҙы тикшереүсе булып эшләй.

Ҡыҙыл Армия сафында — 19361937 йылдарҙа һәм 1941 йылдың июненән. Силәбе өлкәһенең Иван-Ҡатау райовоенкоматы тарафынан саҡырыла. 1942 йылдың майынан хәрби хәрәкәттәрҙә.

63-сө айырым саңғы батальоны командиры (3-сө удар армия, Калинин фронты), ВКП(б) ағзалығына кандидат А. С. Головин 1942 йылдың 20 майында Псков өлкәһенең Великолукск районы Ступино ауылы районында һөжүм итеүсе гитлерсыларҙы яҡын арағаса килтереп, уларға пулеметтан ут аса һәм ҡасырға мәжбүр итә. Дошман яу яланында һалдат һәм офицерҙарының 70 мәйетен ҡалдыра.

1942 йылдың 25 майҙа Пасино ауылы эргәһендәге алышта А. С. Головин граната ташлап дошман дзотын һәм унда булған 15 гитлерсыны юҡ итә. Был һуғышта ул шулай уҡ дошман һалдаттары булған тағы ике дзотты шартлата. Уның өлгөһөнә батальондың башҡа яугирҙары ла ҡушыла. Был һуғышта батальон дошмандың 28 дзотын, бер нисә тиҫтә һалдат һәм офицерын юҡ итә; Пасино ауылы немец-фашист илбаҫарҙарынан азат ителә.

1942 йылдың 24 июнендә сержант А. С. Головин, дошман тылындағы разведка төркөмө составында ете кешенән торған дошман төркөмөн юҡ итә, мөһим документтарҙы ҡулға төшөрә. Ошо алышта яралана.

Дауаланғандан һуң Калинин фронтында 93-сө уҡсылар дивизияһыь составында разведчик була.

СССР Юғары Советы Президиумының 1943 йылдың 30 ғинуарындағы Указы менән командованиеның хәрби заданиеларын өлгөлө үтәгәне, немец-фашист илбаҫарҙары менән һуғышта күрһәткән ҡаһарманлығы һәм батырлығы өсөн сержант Алексей Степанович Головинға Советтар Союзы Геройы исеме бирелә һәм Ленин ордены менән «Алтын Йондоҙ» миҙалы (№ 1040) тапшырыла[4].

1943 йылдың февралендә икенсе тапҡыр яраланғандан һуң, А. С. Головин БАССР-ҙың Оло Теләк районының Оло Теләк ауылына (хәҙерге Иглин районы) районвоенкоматына всеобуч инструкторы итеп ебәрелә.

1945 йылдан лейтенант А. С. Головин — запаста.

1950 йылдарҙа тиклем Оло Теләк дауаханаһында хужалыҡ эштәре мөдире булып эшләй.

Хаҡлы ялға сыҡҡас А. С. Головин герой-ҡала Волгоградҡа күсенә, унда 1981 йылдың 5 майында вафат була.

Волгоградта ерләнә.

Уның исеме Мәскәү ҡалаһындағы Поклонная тауының Мәңгелек Дан таҡтаһына индерелгән.

Советтар Союзы Геройы Алексей Степанович Головин исеме Бирҙәүеш урамдарының береһенә бирелгән.

Иҫкәрмәләр[үҙгәртергә | вики-тексты үҙгәртергә]

  1. хәҙер Башҡортостан Республикаһы Салауат районы
  2. Головин Алексей Степанович
  3. Головин Алексей Степанович
  4. Наградные документы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 682525/793756, д. 3/11, л. 5, 121, 122)ф. 33, оп. 682525/793756, д. 3/11, л. 5, 121, 122)

Һылтанмалар[үҙгәртергә | вики-тексты үҙгәртергә]