Джон Майтон

Википедия — ирекле энциклопедия мәғлүмәте
Перейти к навигации Перейти к поиску
Джон Майтон
Рәсем
Заты ир-ат
Гражданлығы Flag of Canada (Pantone).svg Канада
Тыуған көнө 2 октябрь 1957({{padleft:1957|4|0}}-{{padleft:10|2|0}}-{{padleft:2|2|0}})[1] (62 йәш)
Тыуған урыны Канада, Онтарио[d], Гамильтон[d]
Һөнәр төрө математик, драматург, актёр
Эш биреүсе Торонто университеты
Маҡтаулы исемдәре һәм башҡа бүләктәре
Уҡыу йорто Торонто университеты
Университет Макмастера[d]
Commons-logo.svg Джон Майтон Викимилектә

Джон Майтон (ингл. John Mighton; 6 октябрь 1957 йыл) — Канада яҙыусыһы, драматург, сценарист, математик, педагог, эшҡыуар һәм менеджер; математикала ҡыйынлыҡтар кисергән балаларҙы уҡытҡан JUMP Math (Junior Undiscovered Math Prodigies) ойошмаһын һәм программаһын ойоштороусы һәм уның етәксеһе. Джон шулай уҡ Филдс институтында эшләй[2][3][4][5].

Биографияһы[үҙгәртергә | вики-тексты үҙгәртергә]

Джон Майтон 1957 йылдың 6 октябрендә Канаданың Онтарио провинцияһындағы Гамильтон ҡалаһында тыуған[2][3].

Белем алыуы һәм драма әҫәрҙәре[үҙгәртергә | вики-тексты үҙгәртергә]

Ун бер йәштә математик булыу хыялын тыуҙырған ике китап уҡый[6]. Был фән уға мөғжизәле, матур һәм аңлауға ябай күренә[6]. Әммә һигеҙенсе синыфта уҡыған ваҡытта, математикала уңыштар өсөн уның таланттары түбән булғанға, уҡытусыһы малыйҙың теләгенә критик рәүештә ҡарай, һәм Джон үҙ хыялы тураһында мәңгегә оноторға хәл итә[6].

1978 йылда Торонто университетында бакалавр дәрәжәһен, аҙаҡтан Макмастер юғары уҡыу йортонда философия магистры дәрәжәһен ала[2][3][7].

Философия уның тәүге ҡыҙыҡһынған фәне була[2], Макмастер университетында философия буйынса лекциялар уҡый[4].

Яҙыусы эшмәкәрлегенә уны Сильвии Плат әҫәрҙәрен уҡыу дәртләндерә[2][3]. Джон Possible worlds[en], The Little Years, Body & Soul, Scientific Americans, A Short History of Night, Half Life пьесаларын һәм башҡа әҫәрҙәр яҙған.

1997 йылда IMDB версияһы буйынса 250 иң яҡшы фильмдар исемлегенә кергән «Умница Уилл Хантин» фильмында ҙур булмаған ролде башҡара[2].

Күренекле драма әҫәрҙәрен яҙыусы булып танлғас һәм бер-нисә бүләк алғас, Торонто университетына ҡайта, шунда 2000 йылда математиканан доктор диссертацияһын яҡлай[2][4].

2001 йылда Майтон «Possible Worlds»[en] фильмына үҙенең пьесаһы буйынса сценарий яҙа[2][4].

JUMP Math[үҙгәртергә | вики-тексты үҙгәртергә]

1998 йылда Джон Майтон бер үҙе өйөндә эшләгән математикаға уҡытыу программаһын башлап ебәрә[8][9]. Проект өсөн тәүге күргәҙмә материалдарын уның ҡыҙы Хлоя (ингл. Chloe) уйлап сығара[6][10]. 1999 йылда программа Junior Undiscovered Math Prodigies исемен ала[6]. Проектҡа Майтондың дуҫтары саҡырыла, һәм улар бер-нисә уҡыусылар төркөмдәре өсөн дүрт аҙналыҡ эксперименталь курстар үткәрә[6]. Тикшереүҙәрҙән һуң алынған күрһәткестәр Джон Майтонды дөйөм милли программа төҙөүгә дәртләндерә[6]. 2002 йылда Канадала JUMP Math исеме аҫтында хәйриә ойошмаһы теркәлә[8][11]. 2011 йылға шундай уҡ статусты АҠШ һәм Бөйөк Британия илдәрендә ала[8][9].

Джон Майтон шулай уҡ бер-нисә китап яҙа: «Мөмкинлек мифы: Һәр балала математик талант тәрбиәләү» (ингл. The Myth of Ability: Nurturing Mathematical Talent in Every Child; 2003) һәм «Әҙәпһеҙлек аҙағы еткән: Үҙебеҙҙә кеше потенциалын үҫтерәбеҙ» (ингл. The End of Ignorance: Multiplying Our Human Potential; 2007)[4].

Шәхси тормошо[үҙгәртергә | вики-тексты үҙгәртергә]

Ҡатыны Памела Синха (ингл. Pamela Sinha) һәм ҡыҙы Хлоя (ингл. Chloe) менән бергә Канадала Торонто ҡалаһында йәшәй[3][6].

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

Джон Майтон драма әҫәрҙәре яҙыу, театр, математика, педагогика һәм социаль эшҡыуарлыҡ өлкәһендәге өлөшө өсөн күп бүләктәр һәм премиялар ала[2].

1988 («Scientific Americans» өсөн) һәм 1989 («A Short History of Night» өсөн) йылдарҙа Дора Мейвор Мур (ингл. Dora Mavor Moore Award) исемендәге премияларға лайыҡ була[2].

1992 йылда «Possible Worlds»[en] һәм «A Short History of Night» пьесалары өсөн генерал-губернатор премияһын ала[2][3][4]. 2005 йылда ул «Half Life» драмаһы өсөн икенсе генерал-губернатор премияһына лайыҡ була[2][3][4].

Шул уҡ 1992 йылда «A Short History of Night» өсөн 25 мең АҠШ доллары кимәлендә Чалмерс премияһын (ингл. Floyd S. Chalmers Canadian Play Award) ала[3].

Быуындар теорияһын тикшереү өсөн постдокторантура NSERC грантын ала[3][7].

2004 йылда JUMP Math проекты менән социаль эшҡыуарлыҡ өлкәһендә Майтон эшен Ашока фонды билдәләп сыға[6]

2005 йылда 100 мең АҠШ доллары ҙурлығында Симиновичтар театр премияһына (ингл. Siminovitch Prize in Theatre) лайыҡ була[2][3][4].

2010 йылдың 30 июнендә Канада ордены офицерҙары сафына инә[3][12].

2015 йылда Шваба фонды Лжон Майтонды йыл эшҡыуары тип билдәләй[5].

Иҫкәрмәләр[үҙгәртергә | вики-тексты үҙгәртергә]

  1. SNAC — 2010.
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 John Mighton  (инг.). The Canadian Encyclopedia. 30 май 2015 тикшерелгән.
  3. 3,00 3,01 3,02 3,03 3,04 3,05 3,06 3,07 3,08 3,09 3,10 Mighton, John  (инг.). Canadian Theatre Encyclopedia. 30 май 2015 тикшерелгән.
  4. 4,0 4,1 4,2 4,3 4,4 4,5 4,6 4,7 John Mighton  (инг.). Playwrights Canada Press. 30 май 2015 тикшерелгән.
  5. 5,0 5,1 John Mighton  (инг.). Швабтың социаль эшҡыуарлыҡ фонды. 30 май 2015 тикшерелгән.
  6. 6,0 6,1 6,2 6,3 6,4 6,5 6,6 6,7 6,8 JOHN MIGHTON  (инг.). Ашока (фонд). 30 май 2015 тикшерелгән.
  7. 7,0 7,1 John Mighton  (инг.). Victoria College (University of Toronto). 30 май 2015 тикшерелгән.
  8. 8,0 8,1 8,2 Jump Math  (инг.). SiG. 30 май 2015 тикшерелгән. (pdf-версия).
  9. 9,0 9,1 Michael Phillips, Aswani Pulipaka JUMP MATH  (инг.). charityintelligence.ca (2012-08-31). 30 май 2015 тикшерелгән.
  10. Ronald J. Burke, Mary C. Mattis Women and Minorities in Science, Technology, Engineering, and Mathematics: Upping the Numbers — Edward Elgar Publishing, 2007. — Б. 13-14. — 379 б. — ISBN 1847206875, 9781847206879.
  11. Pamela Fitzgerald Column: Is mathematical ability just something you’re born with?  (инг.) (2012-10-18). — thejournal.ie. 30 май 2015 тикшерелгән.
  12. Governor General announces 74 new appointments to the Order of Canada  (инг.). The Governor General of Canada (2010-06-30). 30 май 2015 тикшерелгән.

Һылтанмалар[үҙгәртергә | вики-тексты үҙгәртергә]