Ноғманов Иҙрис Мөҙәрис улы
| Ноғманов Иҙрис Мөҙәрис улы | |
| Тыуған көнө: |
1 сентябрь 1952 (72 йәш) |
|---|---|
| Тыуған урыны: | |
| Гражданлығы: | |
| Эшмәкәрлеге: |
яҙыусы |
| Жанр: | |
| Әҫәрҙәре яҙылған тел: | |
Ноғманов Иҙрис Мөҙәрис улы (1 сентябрь 1952 йыл) — башҡорт яҙыусыһы. Әбйәлил районының И. Мырҙаҡаев-Балапанов исемендәге премияһы лауреаты.
Биографияһы
[үҙгәртергә | сығанаҡты үҙгәртеү]Иҙрис Ноғманов (Ноғманов Ринат Мөҙәрис улы) 1952 йылдың 1 сентябрендә Башҡорт АССР-ының Әбйәлил районының Әхмәт ауылында тыуған. Үҙ ауылында башланғыс мәктәпте тамамлағандан һуң Ҡырҙас, Ишҡол, Урал мәктәптәрендә уҡый. Урта белем тураһындағы аттестаты Асҡар мәктәбендә ала.
Әрме сафтарында хеҙмәт итеп ҡайтҡас, Ҡырҙас мәктәбендә эш юлын башлай. Баймаҡ ауыл хужалығы техникумын тамамлай. Ҡырҙас мал һимертеү комплексына баш агроном итеп тәғәйенләнә.
Иҙрис кесе йәштән ижадҡа тартыла, нәҫерҙәр, уймаҡ хикмәттәр, хикәйәләр яҙа, һуңынан повестарға, романдарға тотона, әҫәрҙәре абруйлы баҫмаларҙа донъя күрә. «Ауыл хикәйәләре» (2007), «Әсәйгә бүләк» (2008), «Ғүмерлек һағыш» (2009) кеүек китаптары баҫыла. «Һаҡмарбаш» исемле тарихи романы айырыуса ныҡ танылды[1]. 2014 йылдан Башҡортостан Яҙыусылар союзы ағзаһы.
Иҙрис Ноғмановтың әҫәрҙәре «Аманат», «Һәнәк», «Шоңҡар», «Ағиҙел» журналдарында, «Башҡортостан», «Йәшлек», «Киске Өфө» һәм район гәзиттәрендә баҫылды, автор үҙе «Аманат» журналы, «Йәшлек» гәзите редакцияларының лауреаты булды.
Китаптары
[үҙгәртергә | сығанаҡты үҙгәртеү]- Әсәйгә бүләк: Бала саҡ хаҡында хикәйәләр. Өфө: Китап, 2008.
- Һаҡмарбаш: Роман, хикәйәләр. Өфө: Китап, 2013.
- Ике ут араһында[2].
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- Әбйәлил районының И.Мырҙаҡаев-Балапанов исемендәге премияһы лауреаты[2].
Иҫкәрмәләр
[үҙгәртергә | сығанаҡты үҙгәртеү]- ↑ Нугуман Мусин. Да не погаснет творческий огонь. Информационно-публицистический еженедельник «Истоки», 2012, 11 апрель 2016 йыл 26 апрель архивланған. (рус.) (Тикшерелеү көнө: 2 сентябрь 2016)
- ↑ 2,0 2,1 Презентация книги Идриса Нугаманова. ОТДЕЛ КУЛЬТУРЫ МУНИЦИПАЛЬНОГО РАЙОНА АБЗЕЛИЛОВСКИЙ РАЙОН. Официальный сайт (рус.) (Тикшерелеү көнө: 2 сентябрь 2016)
Сығанаҡтар
[үҙгәртергә | сығанаҡты үҙгәртеү]- Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанное и дополненное второе издание. — Уфа: Китап, 2015. — 672 с. ISBN 978-5-295-06338-1 (рус.)