Аманат (журнал)

Википедия — ирекле энциклопедия мәғлүмәте
Перейти к навигации Перейти к поиску
Аманат
Нигеҙләү датаһы март 1929
Дәүләт Flag of Bashkortostan.svg Башҡортостан Республикаhы
Мөхәррир Ярмуллин Сәлмән Шакирйән улы
Әҫәрҙең теле башҡорт теле
Рәсми сайт amanatrb.ru

Аманат — Башҡортостан Республикаһының мәктәп йәшендәге балалар һәм үҫмерҙәр өсөн башҡорт телендә ай һайын сыға торған нәфис-публицистик журналы.

Баҫманың исемендәге «аманат» һүҙе — «васыят» тигән мәғәнәлә. Баҫма Башҡортостан халҡы, балалар тормошо, фән һәм техника, әҙәбиәт һәм сәнғәт, спорт өлкәһендәге ҡаҙаныштар тураһында яҙа, балалар ижады менән таныштыра. Журналда мәктәп тормошо, тәбиғәтте һаҡлау, буш ваҡытты ойоштороуға арналған бүлектәр бар.

Тарихы[үҙгәртергә | вики-тексты үҙгәртергә]

  • 1929 йылдың мартынан Башҡортостан пионерҙар ойошмаһының һәм РКСМ өлкә комитетының органы булараҡ «Керпе» исеме менән нәшер ителә. Журналды ойоштороусыһы һә беренсе мөхәррире М. Хәй була.
  • 1931 йылдың ғинуарынан баҫма «Пионер» исеме менән донъя күрә.
  • Бөйөк Ватан һуғышы йылдарында журналды сығарыу туҡтатыла, ул 1952 йылдың сентябренән яңынан нәшер ителә башлай.
  • 1991 йылдың апреленән журнал «Аманат» тип атала.

Рәшит Ниғмәти, Зәйнәб Биишева, Мостай Кәрим, Абдулхаҡ Игебаев, Фәүзиә Рәхимғолова кеүек күренекле әҙиптәр тәүге әҫәрҙәрен «Пионер» журналында баҫтырған.

Журналды Ырымбур, Һамар, Һарытау, Ҡурған, Силәбе өлкәләрендә, Татарстан һәм Ҡаҙағстанда алдырып уҡыйҙар.

Ҡаҙаныштары[үҙгәртергә | вики-тексты үҙгәртергә]

  • 2019 йылда журнал «Тылсымлы һүҙ» Бөтә Рәсәй балалар матбуғаты фестивалендә милли телдәге иң яҡшы баҫма тип аталды[1].
  • 1812-1814 йылдарҙағы Ватан һуғышында башҡорт халҡының ҡатнашыуын әүҙем яҡтыртҡаны һәм Башҡортостанда үҫеп килеүсе быуынды илһөйәрлек рухында тәрбиәләү эшенә ҙур өлөш индергәне өсөн «Аманат» журналы «Башҡорт халҡының хәрби даны» миҙалы менән бүләкләнде. «Төньяҡ амурҙары» хәрби-тарихи клубы етәксеһе Илдар Шәйәхмәтов баҫманың баш мөхәррире Сәлмән Ярмуллинға награда, башҡорт һәм урыҫ телдәрендә таныҡлыҡ тапшырҙы. Был тантана 2015 йылдың 5 октябрендә Өфөлә, «Башинформ» агентлығының матбуғат конференциялары залында үтте[2].

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]