Коренчевский Владимир Георгиевич

Википедия — ирекле энциклопедия мәғлүмәте
Перейти к навигации Перейти к поиску
Коренчевский Владимир Георгиевич
Заты ир-ат
Гражданлығы Flag of Russia.svg Рәсәй империяһы
Flag of the United Kingdom.svg Бөйөк Британия
Тыуған көнө 15 ғинуар 1880({{padleft:1880|4|0}}-{{padleft:1|2|0}}-{{padleft:15|2|0}})
Тыуған урыны Рәсәй империяһы, Санкт-Петербург
Вафат булған көнө 9 июль 1959({{padleft:1959|4|0}}-{{padleft:7|2|0}}-{{padleft:9|2|0}}) (79 йәш)
Вафат булған урыны Бөйөк Британия, Лондон графлығы[d], Лондон
Һөнәр төрө патолог, геронтолог, фармаколог, бактериолог
Эшмәкәрлек төрө патология[d], геронтология[d], Фармакология һәм Бактериология
Эш биреүсе Мәскәү университетының медицина факультеты[d]
Институт экспериментальной медицины[d]
Императорская медико-хирургическая академия[d]
Таврический университет[d]
Листеровский институт превентивной медицины[d]
Ойошма йәки клуб ағзаһы Русское студенческое христианское движение[d]
Уҡыу йорто Военно-медицинская академия имени С. М. Кирова[d]
Ғилми дәрәжә медицина докторы[d] (1909)
Commons-logo.svg Коренчевский Владимир Георгиевич Викимилектә

Коренчевский Владимир Георгиевич (15 ғинуар 1880 йыл9 июль 1959 йыл) — Британия һәм Рәсәй патологы, геронтолог, фармаколог һәм бактериолог.

Биографияһы[үҙгәртергә | вики-тексты үҙгәртергә]

Коренчевский Владимир Георгиевич 1880 йылдың 15 ғинуарында Санкт-Петербургта тыуған[1]

Икенсе Вилен гимназияһында уҡый (1890—1891). 1898 йылда Коренчевский Рига Александров гимназияһын көмөш миҙал менән тамамлай һәм Санкт-Петербургтағы Император Хәрби-медицина академияһына уҡырға инә, 1903 йылда уны ҡыҙыл диплом менән тамамлай[1]. Академияла уҡыған осоронда Николай Краковтың фармакология лабораторияһында «Сравнительно-фармакологические действия ядов на одноклеточных животных» эшен башҡарып, Тучемский исемендәге алтын миҙалға лайыҡ була[2].

1903 йылдың ноябренән алып — Мәскәүҙә 4-се Несвиж гренадер полкының кесе табибы була[1]. Уҡыуын тамамлағандан һуң Коренчевский рус-япон һуғышында (1904—1905) ҡатнаша, 1-се Харбин йыйылма госпиталендә ординатор һәм химия-бактериология лабраторияһында мөдир булып эшләй. Монголияла чума усағын бөтөрөүҙә ҡатнаша. 1904 йылда Харбин хәрби-санитар йәмғиәтендә секретарь була. Һуғыштан һуң Мәскәү ҡалаһына күсеп килә һәм Мәскәү университетының медицина факультетында эшләй башлай. Профессор Георгий Габричесвкийҙа бактериология буйынса стажировка үтә. 1906 йылда Мәскәүҙә ҡарттар өсөн Рус йортона барғанда Коренчевский геронтология менән ҡыҙыҡһына башлай[2].

Габричевский үлгәндән һуң Коренчевский патология проблематикаһы менән шөғөлләнә башлай. 1908 йылда Мәскәү университетының эксперименталь һәм дөйөм патология кафедраһы ассистенты сифатында раҫлана. 1908 йылдың йәйендә Парижда Пастер институтында Илья Мечников лабраторияһында стажировка үтә[2].

Репинола Коренчевский дачаһы

Владимир Коренчевский 1909 йылда «К учению о желудочно-кишечном самоотравлении» темаһы буйынса докторлыҡ диссертацияһын яҡлай һәм Мәскәү университетының дөйөм һәм эксперименталь патология кафедраһында приват-доцент булып эшләй[2]. Бер йыл үткәс, 1910 йылда, Иван Павлов Коренчевскийҙы Эксперименталь медицина институтына һәм Хәрби-медицина академияһы физиология кафедраһының Физиология бүлегенә эшкә саҡыра. Алты ай дауамында «Биология фәндәре архивына» өс тикшеренеү эше баҫтырып сығара: «Влияние экспериментального малокровия на отделение и состав желчи», «Влияние желчно-кислых солей в их комбинации с энтерокиназой на ферменты панкреатической железы» һәм «Влияние экспериментального малокровия на отделение и состав поджелудочного сока».

Һуңынан ғалим Мәскәүгә ҡайта, унда йыл дауамында Мәскәү университетының хеҙмәткәре була. 1912 йылдың ғинуарында Хәрби-медицина академияһының дөйөм һәм нормаль патология кафедраһының экстраординар профессоры итеп һайлана[2].

Беренсе донъя һуғышы ваҡытында Ҡыҙыл тәре йәмғиәтенең склад советы ағзаһы сифатында эшләй. 1915 йылда Психоневрология институтында беренсе дөйөм патология кафедраһына нигеҙ һала. 1916 йылдан — статский советник. Октябрь революцияһынан һуң Хәрби-медицина академияһының хужалыҡ комитеты ағзаһы була. Мәғариф буйынса Халыҡ комиссариаты ғилми-медицина бүлеге ҡарамағында аңлатыу лекцияларын үткәреүҙә ҡатнаша[1].

1919 йылдың апрелендә Севастополгә командировкаға ебәрелә, унда биология станцияһында эшләй. Ҡырымда Коренчевский Аҡ армияғы ҡушыла. Санитар мәсьәләләр буйынса Антон Деникиндың генералы ярҙамсыһы була. 1919 йылдың 22 июлендә — Рәсәй Көньяғы Ҡораллы Көстәренең Медицина советы. Шул уҡ ваҡытта ғалим Таврия университетының приват-доценты була, унда медицина факультетында уҡыта[2][3].

1920 йылдың мартында ғаиләһе менән бергә «Габсбург» пароходында Новороссийсктан Салоники ҡалаһына эвакуацияға килә, ә унан Власотинец һәм Вранск-Баняға барып етә. Коренчевский Сербтар, хорваттар һәм словендар короллегендә эшкә урынлаша алмай һәм Бөйөк Британияға китә, унда британ гражданлығын ҡабул итә. Эмиграцияла Коренчевский Бөйөк Британияның Рус академик төркөмөн ойоштороусыларҙың береһе була. 1921 йылда Прагала Рус академик ойошмаларҙың 1-се съезында был төркөмдөң вәкиле була[1]. 1928 йылда Белградта Рус академик ойошмаларҙың 4-се съезында Коренчевскийҙы ойошманың рәйесе итеп һайлайҙар[2]. Рус студенттархристиан хәрәкәтенең һәм уның Лондон түңәрәгенең ағзаһылондон[4].

1920 йылдан 1945 йылға тиклем Медицина тикшеренеү үҙәгендә эшләй һәм Листеров превентив медицина институтында өлкән ғилми хеҙмәткәр булып эшләй. Витаминдар һәм гормондарҙы өйрәнеү барышында 100-ҙән ашыу ғилми мәҡәлә әҙерләй, улар АҠШ һәм Бөйөк Британия журналдарында баҫылып сыға[2].

1939 йылдың йәйендә «Ҡартайыуҙы өйрәнеү клубына» нигеҙ һала, һуңғараҡ ул «Британское общество по изучению старения[en]» тип атала. 1945 йылда Оксфорд геронтология лабораторияһын ойоштора. Лаборатория башта зоология һәм анатомия бүлегендә, ә аҙаҡ — Оксфорд университетының физиология лабораторияһында урынлаша. 1952 йылда Коренчевский лаборатория директоры вазифаһынан китеү менән, ул Лондондың Изге Бартоломью госпиталенә күсерелә[2].

Халыҡ-ара геронтология ассоциацияһына нигеҙ һала. 1950 йылда беренсе халыҡ-ара геронтологтар конгресында Коренчевскийҙы идаралыҡтың ғүмерлек ағзаһы итеп һайлайҙар[1][2]

1959 йылдың 9 июлендә Лондонда вафат була.

Ғаиләһе[үҙгәртергә | вики-тексты үҙгәртергә]

Ҡатын — Женни Альфредовна (1875). Ҡыҙҙары — Зинаида (1907) һәм Марина (1911)[1].

Иҫкәрмәләр[үҙгәртергә | вики-тексты үҙгәртергә]

Комментарий
Сығанаҡтар
  1. 1,0 1,1 1,2 1,3 1,4 1,5 1,6 Сорокина М. Ю. Коренчевский, Владимир Георгиевич // Некрополь Российского научного зарубежья
  2. 2,0 2,1 2,2 2,3 2,4 2,5 2,6 2,7 2,8 2,9 Т. Ульянкина. Коренчевский, Владимир Георгиевич // Международная военно-историческая ассоциация
  3. Кравчук, А. (2018). История Крымского федерального университета имени В. И. Вернадского в документах и фотографиях / Министерство Науки и Высшего Образования Российской Федерации, КФУ Им. В. И. Вернадского, [А. А. Непомнящий, А. С. Кравчук]. Белгород : КОНСТАНТА, 2018. 352 с. — с. 21
  4. Коренчевский Владимир Георгиевич // Религиозные Деятели Русской Эмиграции

Әҙәбиәт[үҙгәртергә | вики-тексты үҙгәртергә]

  • Хавинсон В. Х., Романов В. В., Коровин А. Е., Ульянкина Т. В. Коренчевский Владимир Георгиевич — выдающийся отечественный геронтолог и патофизиолог, профессор Императорской военно-медицинской академии. // Клиническая патофизиология. — 2002. — № 1. — С. 60-64.

Һылтанмалар[үҙгәртергә | вики-тексты үҙгәртергә]