Латин Америкаһы әҙәбиәте

Википедия — ирекле энциклопедия мәғлүмәте
Перейти к навигации Перейти к поиску

Латин Америкаһы әҙәбиәте — төрлө телдәрҙә, шул иҫәптән испан, португал, Көньяҡ Америка һәм Месоамериканың индеец телдәрендә, Латин Америкаһы әҙәбиәтенең һөйләү һәм яҙма әҫәрҙәре[1]. Шулай уҡ Латин Америкаһы әҙәбиәтенә испан телендә яҙылған Америка Ҡушма Штаттары әҙәбиәтен индерәләр.

XX быуаттың икенсе яртыһында Латин Америкаһы сағыштырмаса популярлыҡ яулай, был бигерәктә «тылсымлы реализм» тип исемләнгән жанрҙың үҫешенә бәйле. Латин Америкаһы бумы — донъяла Латин Америкаһы авторҙарына көслө ҡыҙыҡһыныуҙың артыуы — Парагвайҙан Аугусто Роа Бастос, Аргентинанан Хорхе Луис Борхес, Эрнесто Сабато һәм Хулио Кортасар, Мексиканан Карлос Фуэнтос, Перунан Марио Варгас Льос, Чилиҙан Пабло Неруда, Колумбиянан Габриэль Гарсиа Маркес һымаҡ авторҙарға билдәлелек килтерә[2].

Латин Америкаһы бумы төбәктең артабанғы быуын яҙыусыларының (пост-бум), шул иҫәптән Роберто Боланьо, Изабель Альенде, Элена Понятовска һәм Луиса Валенсуэла һымаҡ авторҙарҙың уңыштарына юл асҡан.

Алты Латин Америкаһы авторҙары әҙәбиәт буйынса Нобель премияһына эйә булды: Чили шағирәһе Габриэла Мистраль (1945), Гватемала прозаигы Мигель Анхель Астуриас (1967), Чили шағиры Пабло Неруда (1971), Колумбия прозаигы Габриэль Гарсиа Маркес (1982), Мексика шағиры Октавио Пас (1990) Һәм Перу прозаигы Марио Варгас Льос (2010)[3].

Шулай уҡ ҡарағыҙ[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

  1. Латин Америкаһы әҙәбиәте — Кругосвет энциклопедияһынан
  2. Martin, Gerald (1984), "«Boom, Yes; 'New' Novel, No: Further Reflections on the Optical Illusions of the 1960s in Latin America»", Bulletin of Latin American Research (Blackwell Publishing) . — Т. 3 (2): 53–63, DOI 10.2307/3338252 
  3. All Nobel Prizes in Literature. Nobelprize.org. Nobel Media AB 2014 (6 Oct 2014). 7 октябрь 2014 тикшерелгән.

Һылтанмалар[үҙгәртергә | вики-тексты үҙгәртергә]

Испано-американская литература в Литературной энциклопедииҠалып:Мёртвая ссылка