Абдуллин Мазһар Ғиләжетдин улы

Мазһар Абдуллин
	Мазһар Абдуллин
Исеме:	Абдуллин Мазһар Ғиләжетдин улы
Тыуған көнө:	29 декабрь 1912
Тыуған урыны:	Өфө губернаһы Златоуст өйәҙе (хәҙер Башҡортостан Республикаһының Салауат районы) 1-се Иҙелбай ауылы
Вафат булған көнө:	25 август 1942 (29 йәш)
Вафат булған урыны:	Калинин өлкәһе Зубцев районы Воригино ауылы
Гражданлығы:	Рәсәй империяһы → СССР
Дебют:	«Тормош» (1933)

Википедияла Абдуллин фамилиялы башҡа кешеләр тураһында мәҡәләләр бар.

Абдуллин Мазһар Ғиләжетдин улы (29 декабрь 1912 йыл — 25 август 1942 йыл) — Бөйөк Ватан һуғышында батырҙарса һәләк булған башҡорт совет яҙыусыһы.

Биографияһы

Мазһар Ғиләжетдин улы Абдуллин 1912 йылдың 29 декабрендә Өфө губернаһы Златоуст өйәҙенең^[1] 1-се Иҙелбай ауылында ярлы крәҫтиән ғәиләһендә тыуған.

Ауылда башланғыс белем алғандан һуң, 1924—1930 йылдарҙа Өфөлә Ленин мәктәбендә (хәҙер Рәми Ғарипов исемендәге 1-се Башҡорт республика гимназия-интернаты уҡый, унан һуң Мәскәүҙә Журналистарҙың коммунистик институтын тамамлай.

1935—1937 йылдарҙа Ҡыҙыл Армияла хәрби хеҙмәттә була. Ҡайтҡас, Башҡортостан китап нәшриәтендә — мөхәррир, «Ҡыҙыл Башҡортостан» газетаһы редакцияһында мәҙәниәт һәм әҙәбиәт бүлеге мөдире булып эшләй.

Бөйөк Ватан һуғышы башланыу менән, Мазһар Абдуллин яңынан хәрби хеҙмәткә алына. Танкистар мәктәбен тамамлағас, Мәскәү өсөн барған ҡаты бәрелештәрҙә ҡатнаша. Ул 1942 йылдың 25 авгусында Калинин өлкәһе Зубцев районы Воригино ауылы янында батырҙарса һәләк була.

Ижады

Мазһар Абдуллин ХХ быуаттың 30-сы йылдарында шиғырҙары, хикәйә һәм очерктары менән таныла. Уның «Тормош» һәм «Кимәл» исемле китаптары донъя күргән.

Хәтер

Он не вернулся из боя (К 100-летию со дня рождения поэта Мазгара Абдуллина). «Башинформ» мәғлүмәт агентлығы, 2012, 29 декабрь^[2].

Иҫкәрмәләр

↑ хәҙер Башҡортостан Республикаһының Салауат районы
↑ [Он не вернулся из боя (К 100-летию со дня рождения поэта Мазгара Абдуллина). ИА «Башинформ», 2012, 29 декабрь] (рус.) (Тикшерелеү көнө: 22 декабрь 2016)

Сығанаҡтар

Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанное и дополненное второе издание. — Уфа: Китап, 2015. — 672 с. ISBN 978-5-295-06338-1 (рус.) (Тикшерелеү көнө: 22 декабрь 2016)
Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с. (рус.)
Ғәйнуллин М. Ф., Хөсәйенов Ғ.Б. Совет Башҡортостаны яҙыусылары. Биобиблиографик белешмә. Тулыландырылған, төҙәтелгән икенсе баҫма. — Өфө: Башҡортостан китап нәшриәте, 1988. — 400 бит.
Гайнуллин М. Ф., Хусаинов Г. Б. Писатели Советской Башкирии. Биобиблиографический справочник / Оформление А. Королевского. — Уфа: Башкирское книжное издательство, 1977. — 416 стр. (рус.)

Һылтанмалар

Абдуллин Мазһар Ғиләжетдин улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 26 декабрь 2022)
З. Биишева исемендәге Башкортостан «Китап» нәшриәте сайты 2016 йыл 7 март архивланған. (рус.)
Он не вернулся из боя. К 100-летию со дня рождения поэта Мазгара Абдуллина

[1] хәҙер Башҡортостан Республикаһының Салауат районы

[2] [Он не вернулся из боя (К 100-летию со дня рождения поэта Мазгара Абдуллина). ИА «Башинформ», 2012, 29 декабрь] (рус.) (Тикшерелеү көнө: 22 декабрь 2016)

[1]

[2]