Пичугин Юрий Александрович

Пичугин Юрий Александрович
Зат	ир-ат
Хеҙмәт итеүе	СССР
Тыуған көнө	8 ғинуар 1923({{padleft:1923|4|0}}-{{padleft:1|2|0}}-{{padleft:8|2|0}})
Тыуған урыны	Өфө, РСФСР, СССР
Вафат булған көнө	3 февраль 2000({{padleft:2000|4|0}}-{{padleft:2|2|0}}-{{padleft:3|2|0}}) (77 йәш)
Вафат булған урыны	Мәскәү, Рәсәй
Ерләнгән урыны	Троекуров зыяраты[d]
Хәрби звание	генерал-полковник[d]
Маҡтаулы исемдәре һәм башҡа бүләктәре

Пичугин Юрий Александрович (8 ғинуар 1923 йыл — 3 февраль 2000 йыл) — СССР-ҙың хәрби эшмәкәре, генерал-полковник-инженер (25.10.1979, 1984 йылдан — запаста). Ракета ҡоралдары баш идаралығы начальнигы — Стратегик тәғәйенләнештәге ракета ғәскәрҙәре Баш командующийының ҡоралланыу буйынса урынбаҫары (1975—1984), Ленин премияһы лауреаты (1976). Бөйөк Ватан һуғышында ҡатнашыусы.

Биографияһы

Юрий Александрович Пичугин 1923 йылдың 8 ғинуарында Өфө ҡалаһында тыуған.

1941 йылдың июленән СССР Ҡораллы Көстәрендә хеҙмәт итә.

1942 йылда Смоленск артиллерия училищеһында тиҙләтелгән курс, 1953 йылда — Ф. Э. Дзержинский исемендәге Артиллерия академияһын тамамлай.

Бөйөк Ватан һуғышы йылдарында взвод, батарея, Брянск, Үҙәк, 1-се, 2-се, 3-сө Белоруссия фронттарында артиллерия дивизионы командиры була.

Һуғыштан һуң 1953 йылдың декабренән Үҙәк дәүләт полигонында («Капустин Яр») — өлкән офицер-һынаусы, бүлек начальнигы, һынау идаралығы начальнигы урынбаҫары, полигон начальнигы урынбаҫары булып хеҙмәт итә. 1973 йылдың апреленән 1975 йылдың декабренә тиклем — Капустин Яр полигоны начальнигы.

1975 йылда Пичугин Юрий Александрович ракета ҡоралдары баш идаралығы начальнигы — Стратегик тәғәйенләнештәге ракета ғәскәрҙәре Баш командующийының ҡоралланыу буйынса урынбаҫары итеп тәғәйенләнә. Стратегик тәғәйенләнештәге ракета ғәскәрҙәре Хәрби советы ағзаһы (29.12.1975 — 16.09.1984).

1984 йылдың сентябрь айынан — запаста. Мәскәүҙә йәшәй, СССР-ҙың Дөйөм машиналар эшләү министрлығында баш белгес булып эшләй.

2000 йылдың 3 февралендә вафат була. Мәскәүҙә Троекуров зыяратында ерләнгән.

Маҡтаулы исемдәре һәм башҡа бүләктәре

• Ленин ордены (1984),
• Октябрь Революцияһы ордены (1979),
• Ҡыҙыл Байраҡ ордены (1945),
• Александр Невский ордены (1945),
• 1-се дәрәжә (1985) Ватан һуғышы ордены,
• 2-се дәрәжә (1943) Ватан һуғышы ордены,
• Хеҙмәт Ҡыҙыл Байраҡ ордены (1974),
• ике Ҡыҙыл Йондоҙ ордены (1943, 1956),
• «Почёт Билдәһе» ордены (1968),
• миҙалдар.
• Ленин премияһы лауреаты (1976).

Әҙәбиәт

• Военный энциклопедический словарь ракетных войск стратегического назначения / Министерство обороны РФ; Гл. ред.: Сергеев Игорь Дмитриевич, Яковле Владимир Николаевич (военачальник), Соловцов Николай Евгеньевич. — М.: Большая Российская энциклопедия, 1999. — 632 с. — 8500 экз. — ISBN 5-85270-315-X.. — С.367.

Һылтанмалар

• Пичугин Юрий Александрович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 7 ғинуар 2023)
• http://www.rtc.ru/encyk/biogr-book/15P/2258.shtml 2014 йыл 9 март архивланған.
• http://encyclopedia.mil.ru/encyclopedia/dictionary/details.htm?id=14552@morfDictionary