Кәлимуллин Сәмиғулла Мәсифулла улы

Кәлимуллин Сәмиғулла Мәсифулла улы
Зат	ир-ат
Гражданлыҡ	СССР
Хеҙмәт итеүе	СССР
Тыуған көнө	25 август 1914({{padleft:1914|4|0}}-{{padleft:8|2|0}}-{{padleft:25|2|0}})
Тыуған урыны	Баҡал (Силәбе өлкәһе), Һатҡы районы, Рәсәй
Вафат булған көнө	19 сентябрь 1989({{padleft:1989|4|0}}-{{padleft:9|2|0}}-{{padleft:19|2|0}}) (75 йәш)
Вафат булған урыны	Өфө, РСФСР, СССР
Һөнәр төрө	рәссам
Уҡыу йорто	Өфө сәнғәт училищеһы
Һуғыш/алыш	Бөйөк Ватан һуғышы
Авторлыҡ хоҡуҡтары статусы	эштәре авторлыҡ хоҡуҡтары менән яҡланған[d]

Кәлимуллин Сәмиғулла Мәсифулла улы (25 август 1914 йыл — 19 сентябрь 1989 йыл) — рәссам-сәхнә биҙәүсе. 1946—1974 йылдарҙа Башҡорт дәүләт академия драма театры рәссамы. 1954 йылдан СССР-ҙың Рәссамдар, 1947 йылдан — СССР-ҙың Театр эшмәкәрҙәре союзы ағзаһы. Бөйөк Ватан һуғышында ҡатнашыусы. Башҡорт АССР-ының атҡаҙанған сәнғәт эшмәкәре (1955).

Биографияһы

Сәмиғулла Мәсифулла улы Кәлимуллин 1914 йылдың 25 авгусында Өфө губернаһының Златоуст өйәҙе Баҡал ҡаҙна руднигы ҡасабаһында (хәҙер Силәбе өлкәһенең Баҡал ҡалаһы) тыуған.

1940 йылда Өфө сәнғәт училищеһын тамамлай һәм Баймаҡ колхоз-совхоз театрының директоры була.

Бөйөк Ватан һуғышы башланғас, фронтҡа китә. Кесе лейтенант булып запасҡа ҡайта.

1946 йылдан 1974 йылға тиклем Өфөлә Башҡорт дәүләт академия драма театрында рәссам булып эшләй.

Театрҙа Сәмиғулла Кәлимуллин 30-ға яҡын спектаклде биҙәй, шул иҫәпкә Уильям Шекспирҙың «Отелло» (1954), Лев Толстойҙың «Тере мәйет» (1958); Әнғәм Атнабаевтың «Ул ҡайтты» (1960), Ибраһим Абдуллиндың «Онотолған ант» (1967); Зәйнәб Биишеваның «Нәҙер» (1974), Мостай Кәримдең «Ҡыҙ урлау» (1958) әҫәрҙәренә ҡуйылған спектаклдәре лә инә.

Рәссамдың эштәре Өфөлә М. В. Нестеров исемендәге Башҡорт дәүләт художество музейында, Мәскәүҙә А. А. Бахрушин исемендәге театр музейында һаҡлана.

Күргәҙмәләре

Сәмиғулла Мәсифулла улы 1938 йылдан алып күргәҙмәләрҙә ҡатнаша. Мәскәүҙә башҡорт әҙәбиәте һәм сәнғәте декадаһында (1955), Ленинградта БАССР мәҙәниәте көндәрендәге күргәҙмәләрҙә ҡатнаша (1969).

Өфөләге шәхси күргәҙмәләре (1964, 1973).

Маҡтаулы исемдәре һәм башҡа бүләктәре

• БАССР-ҙың атҡаҙанған сәнғәт эшмәкәре (1955).

Һылтанмалар

• Театральная энциклопедия
• Кәлимуллин Сәмиғулла Мәсифулла улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
• Региональное отделение Всероссийской творческой общественной организации «Союз художников России» Республики Башкортостан