Тимерғәлина Шәрифә Тимерғәзи ҡыҙы

Тимерғәлина Шәрифә Тимерғәзи ҡыҙы
	Тимерғәлина Шәрифә Тимерғәзи ҡыҙы
Зат	ҡатын-ҡыҙ
Гражданлыҡ	СССР
Тыуған көнө	31 ғинуар 1910
Тыуған урыны	Ҡәнзәфәр, Рәсәй
Вафат булған көнө	26 февраль 1939 (29 йәш)
Вафат булған урыны	Мәскәү, СССР
Ерләнгән урыны	Мәскәү
Һөнәр төрө	сәйәсмән
Биләгән вазифаһы	СССР Юғары Советы депутаты[d]
Сәйәси фирҡә ағзаһы	Советтар Союзы Коммунистар партияһы
Ҡатнашыусы	ВКП(б)-ның XVII съезы[d]

Википедияла Тимерғәлина фамилиялы башҡа кешеләр тураһында мәҡәләләр бар.

Тимерғәлина Шәрифә Тимерғәзи ҡыҙы (31 ғинуар 1910 йыл — 26 февраль 1939 йыл) — йәмәғәт эшмәкәре. 1931—1936 йылдарҙа РКСМ-дың Башҡортостан өлкә комитетының беренсе секретары, 1936—1938 йылдарҙа РКСМ Үҙәк Комитетының бүлек мөдире урынбаҫары һәм мөдире, Үҙәк Комитет секретары. СССР-ҙың 1-се саҡырылыш Юғары Советы депутаты. 1931 йылдан ВКП(б) ағзаһы. Сәйәси золом ҡорбаны.

Биографияһы

Шәрифә Тимерғәзи ҡыҙы Тимерғәлина 1910 йылдың 31 ғинуарында Пермь губернаһы Шадринск өйәҙе (хәҙерге Силәбе өлкәһе Ҡоншаҡ районы) Ҡәнзәфәр ауылында тыуған. Милләте — башҡорт^[1].

1929 йыл — Өфөләге В. И. Ленин исемендәге мәктәпте тамамлаған^[2].

Башҡортостан өлкә йәш пионерҙар бюроһы рәйесе урынбаҫары, рәйесе (1929—1931).

РКСМ-дың Башҡортостан өлкә комитетының беренсе секретары (1931—1936), РКСМ Үҙәк Комитетының уҡыусы йәштәр бүлеге мөдире урынбаҫары һәм мөдире.

1934 йылда Парижда Һуғышҡа ҡаршы ҡатын-ҡыҙҙар конгресында ҡатнаша.

1936 йылдан Мәскәүҙә РКСМ Үҙәк Комитетында уҡыусы йәштәр бүлеге мөдире, ә 1937 йылдан йәш ҡатын-ҡыҙҙар араһында эштәр буйынса секретарь вазифаларын үтәй. «Детиздат» нәшриәтендә милли әҙәбиәт секторын мөхәррире булып эшләй^[1].

1937 йылдың декабрендә СССР-ҙың 1-се саҡырылыш Юғары Советы депутаты итеп һайлана.

1938 йылдың 29 ноябрендә ҡулға алына, контрреволюцион буржуаз-милли ойошмала ҡатнашыуҙа ғәйепләнә һәм 1939 йылдың 26 февралендә атыла. 1956 йылдың 21 июлендә аҡлана^[1].

Хәтер

Тыуған ауылы Ҡәнзәфәрҙә Шәрифә Тимерғәлинаға һәйкәл ҡуйылған, район үҙәге Ҡоншаҡ ауылында уның исеме бер урамға бирелгән.

Иҫкәрмәләр

↑ ^1,0 ^1,1 ^1,2 Тимиргалина Шарифа Тимиргазиевна // Москва, расстрельные списки - Донской крематорий.
↑ Выпускница 1929 года Шарифа Тимергалина

Әҙәбиәт

Иргалин Г. Д. Вожак комсомола.// Возвращенные имена. — Уфа, 1991.

Һылтанмалар

Тимерғәлина Шәрифә Тимерғәзи ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
Михаил Хабиров — История Кунашакского района хранит немало ярких имен земляков. Вечерний Челябинск, 21 Сентября 2015
Юрий Узиков — Краеведческий калейдоскоп, «Бельские просторы» № 3’08
http://guides.rusarchives.ru/browse/guidebook.html?bid=408&sid=1249916 2014 йыл 3 сентябрь архивланған.
Минигалей Якупов. «Мы — ленинцы».

[Книга_памяти-1] 1,0 ^1,1 ^1,2 Тимиргалина Шарифа Тимиргазиевна // Москва, расстрельные списки - Донской крематорий.

[2] Выпускница 1929 года Шарифа Тимергалина

[1]

[2]