Түлебаев Мөхәмәт Усман улы
| Түлебаев Мөхәмәт Усман улы | |
 |
Түлебаев Мөхәмәт Усман улы (25 ғинуар 1945 йыл) — ветеран-педагог, ҡурайсы. 1963—1965 йылдарҙа һәм 1970 йылдан Белорет районы Шығай урта мәктәбе уҡытыусыһы, шул иҫәптән 1970—2007 йылдарҙа мәктәптәге ҡурай түңәрәге етәксеһе. Башҡорт АССР-ының атҡаҙанған мәҙәниәт хеҙмәткәре (1986). Бөтә Союз үҙешмәкәр сәнғәт ижады смотры (1985), халыҡ ижады фестивале (1987; икеһе лә — Мәскәү), Ишмулла Дилмөхәмәтов исемендәге призға Республика ҡурайсылар конкурсы (Йылайыр районы Иҫке Яҡуп ауылы, 1990; Гран-при), Төбәк ара ҡурай байрамы (Октябрьский ҡалаһы, 2005; Гран-при) лауреаты.
Биографияһы
[үҙгәртергә | сығанаҡты үҙгәртеү]Мөхәмәт Усман улы Түлебаев 1945 йылдың 25 ғинуарында Башҡорт АССР-ының Белорет районы Түбәнге Сермән (хәҙер Сермән) ауылында тыуған. Ошо ауылда урта мәктәп тамамлай, артабан Башҡорт дәүләт университетында уҡый. Юғары һөнәри белем алғас, тыуған ауылына биология уҡытыусыһы булып эшкә ҡайта. 1972 йылдан Шығай урта мәктәбендә мәктәп лесничествоһын етәкләй, 40 йылдан ашыу биология фәненән уҡыта. Уның уҡыусылары республика конкурстарында ҙур һөҙөмтәләргә ирешә. 2003 йылда уның ике уҡыусыһы Мәскәүҙә үткәрелгән йәш урмансылар съезында ҡатнаша.
Ижад юлы
[үҙгәртергә | сығанаҡты үҙгәртеү]Республикала танылған ҡурайсы. 1974 йылда Төркиә, Сүриә, Мысыр, Франция, Бельгия илдәре сәхнәләрендә башҡорт моңон яңғырата, 1997 йылда Италия, Голландия, Мальта утрауҙары, 1991 йылда Германия, Швейцария, Франция сәхнәләрендә сығыш яһай. Данлыҡлы ҡурайсы 2000 йылда Сермән ауылының «Хәтирә» халыҡ фольклор ансамбле менән Парижда булып, уларҙың сығыштарын ҡурай моңо менән биҙәй.
Шығай «Өлкәр» башҡорт мәҙәни үҙәгендә эшләп килгән «Гөлнәзирә» халыҡ фольклор ансамбле ағзаһы. Өс тапҡыр Гран-При яулай. Мөхәмәт Туләбаев 1990 йылда Ишмулла Дилмөхәмәтов призына ҡурайсыларҙың республика ярышында, 2005 йылда Октябрьский «Ҡурай» байрамында төп приздарға лайыҡ була. 1991 йылда ЮНЕСКО ҡарары менән Германия, Франция, Швейцария, Голландия, Бельгия илдәрендә үткәрелгән «Бөйөк ебәк юлы» халыҡ-ара фольклор фестивалендә, 2000 йылда Японияла үткәрелгән «ВАШШОИ-2000» Бөтә донъя фольклор фестивалендә ҡатнаша. Мөхәмәт Түләбаев- боронғо ҡурайсыларҙың быуаттар төпкөлөнән килгән башҡарыу алымдарын, күкрәк моңон, тарихы менән көйҙәрен, традицияларын һаҡлаған һәм тап үҙенсә күкрәккә һалып уйнаған уникаль ҡурайсыларҙың береһе.
Маҡтаулы исемдәре һәм башҡа бүләктәре
[үҙгәртергә | сығанаҡты үҙгәртеү]- Башҡортостандың атҡаҙанған мәҙәниәт хеҙмәткәре (1986)
- Халыҡ мағарифы отличнигы
- Бөтә Союз үҙешмәкәр ижад смотры лауреаты (1985; Мәскәү)
- Халыҡ ижады фестивале лауреаты (1987; Мәскәү)
- Ишмулла Дилмөхәмәтов исемендәге призға республика ҡурайсылар конкурсы лауреаты (Иҫке Яҡуп (Йылайыр районы), 1990; Гран-при)
- Йомабай Иҫәнбаев исемендәге призға республика ҡурайсылар конкурсы лауреаты (Аҡъяр, 2016; Гран-при)
- (Октябрьский, 2005; Гран-при)[1]
Сығанаҡтар
[үҙгәртергә | сығанаҡты үҙгәртеү]- Түлебаев Мөхәмәт Усман улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.
- Күп илдәрҙе күргән ҡурайсы — «Йәншишмә», 2017, 3 ноябрь(недоступная ссылка)
- Аҡбулатова Ф.Күктәр яуап бирҙе башҡорт моңона. — «Ағиҙел»
- Обладателем Гран-при Республиканского конкурса кураистов имени Юмабая Исянбаева стал Мухамет Тулебаев(недоступная ссылка)
Видеояҙмалары
[үҙгәртергә | сығанаҡты үҙгәртеү]- YouTube сайтында Видео Аҡһаҡ ҡола
- YouTube сайтында Видео Известному кураисту Мухамету Тулебаеву — 70 лет
- YouTube сайтында Видео Ҡалды
- YouTube сайтында Видео Мухамет Тулебаев — лучший кураист
- YouTube сайтында Видео Оло Урал
- YouTube сайтында Видео Хазина
- YouTube сайтында Видео Һандуғас
Иҫкәрмәләр
[үҙгәртергә | сығанаҡты үҙгәртеү]- ↑ ҡурай байрамы лауреаты(недоступная ссылка)