Фәйзуллин Хисаметдин Шәрип улы

	Хисаметдин Шәрип улы Фәйзуллин
Тыуған көнө	1890
Тыуған урыны	Ырымбур губернаһы Троицк өйәҙе (хәҙерге Силәбе өлкәһенең Сыбаркүл районы) Атйетәр ауылы
Вафат булған көнө	1 март 1938
Вафат булған урыны	Башҡорт АССР-ы; Өфө ҡалаһы
Гражданлығы
Подданлығы	Рәсәй империяһы
Тормош иптәше	Е. В. Фәйзуллина
Наградалары һәм премиялары
	Шаблон: просмотр • обсуждение • править

Википедияла Фәйзуллин фамилиялы башҡа кешеләр тураһында мәҡәләләр бар.

Фәйзуллин Хисаметдин Шәрип улы (1890 — 1 март 1938) — хәрби эшмәкәр. Сәйәси золом ҡорбаны.

Биографияһы

Хисаметдин Шәрип улы Фәйзуллин 1890 йылда Ырымбур губернаһы Троицк өйәҙе (хәҙерге Силәбе өлкәһенең Сыбаркүл районы) Атйетәр ауылында тыуған^[1]. Милләте башҡорт^[2].

Йәш сағынан Троицк ҡалаһында ялланып эшләй. Троицкиҙағы рус мәктәбенең өс синыфын тамамлай. Әрмегә алынып, Ырымбур казак полкында хеҙмәт итә^[1].

Граждандар һуғышы башланғас, Башҡорт армияһына мобилизациялана. 1919 йылдың февралендә тиф менән ауырып китә. 1919 йылдың йәйендә йәнә башҡорт ғәскәре составында, Стәрлетамаҡ ҡалаһында башҡорт запас частарында хеҙмәт итә башлай^[1].

1920 йылдың йәйендә Совет-поляк һуғышында ҡатнашҡан Муса Мортазиндың кавалерия бригадаһына ебәрелә. Бында 27-се Башҡорт кавалерия полкы командирының ярҙамсыһы итеп тәғәйенләнә, һуңыраҡ ошо кавалерия полкы менән командалыҡ итә башлай. 1920 йылдың көҙөндә Семен Петлюраның ғәскәрен ҡыйратыуҙа ҡатнаша. Волочиск янындағы алышта күрһәткән батырлығы өсөн Ҡыҙыл Байраҡ орденына лайыҡ була^[1].

Һуғыш тамамланғас, 2-се Башҡорт кавалерия полкы менән етәкселек итә. 1921 йылдың мартында яңы ойошторолған 17-се башҡорт эскадроны командиры итеп тәғәйенләнә. 1921 йылдың ноябренә тиклем Румыния сигендә хеҙмәт итә. 1921 йылдың көҙөнән 7-се Червонный казак кавалерия полкы командирының ярҙамсыһы булып хеҙмәт итә^[1].

1926—1927 йылдарҙа Ленинградта Юғары кавалерия мәктәбендә уҡый, һуңынан Куйбышев ҡалаһында Ҡыҙыл Армияның команда составы курстарын тамамлай. Новочеркасск ҡалаһында полк мәктәбе начальнигы булып хеҙмәт итә. Башҡорт АССР-ы Осоавиахимында (хәҙерге РОСТО) хәрби әҙерлек начальнигы вазифаһын башҡара^[1].

1937 йылдың 9 октябрендә ҡулға алына, 1938 йылдың 1 мартында атыла. 1957 йылдың 18 февралендә аҡлана^[2].

Иҫкәрмәләр

↑ ^1,0 ^1,1 ^1,2 ^1,3 ^1,4 ^1,5 Ярмуллин А. Ш. Башҡорт армияһы тарихынан. — Өфө: Китап, 2012. — С. 200–202. — 280 с. — ISBN 978-5-295-05503-4.
↑ ^2,0 ^2,1 Файзуллин Хисаметдин (билдәһеҙ). Книга памяти жертв политических репрессий Республики Башкортостан.

Әҙәбиәт

Ярмуллин А. Ш. Комбриг Мортазин һәм уның яуҙаштары. — Өфө, 2011. — 105 бит. — 39-41 биттәр.

[Ярмуллин_А._Ш.-1] 1,0 ^1,1 ^1,2 ^1,3 ^1,4 ^1,5 Ярмуллин А. Ш. Башҡорт армияһы тарихынан. — Өфө: Китап, 2012. — С. 200–202. — 280 с. — ISBN 978-5-295-05503-4.

[Книга_памяти_РБ-2] 2,0 ^2,1 Файзуллин Хисаметдин (билдәһеҙ). Книга памяти жертв политических репрессий Республики Башкортостан.

[1]

[2]