Шәйхетдинов Вәғиз Ғәйнелғилем улы

Википедия — ирекле энциклопедия мәғлүмәте
Перейти к навигации Перейти к поиску
Шәйхетдинов Вәғиз Ғәйнелғилем улы
Рәсем
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 8 март 1955({{padleft:1955|4|0}}-{{padleft:3|2|0}}-{{padleft:8|2|0}}) (65 йәш)
Тыуған урыны СССР, РСФСР, Башҡорт АССР-ы, Бүздәк районы, Кәпәй-Ҡобау
Һөнәр төрө рәссам
Уҡыу йорто Мифтахетдин Аҡмулла исемендәге Башҡорт дәүләт педагогия университеты

Шәйхетдинов Вәғиз Ғәйнелғилем улы (8 март 1955 йыл, Кәпәй-Ҡобау ауылы, Бүздәк районы, БАССР, РСФСР, СССР) — Рәсәй рәссамы. Башҡортостан Республикаһының атҡаҙанған рәссамы (2012), СССР Рәссамдар союзының йәштәр бүлеге ағзаһы (1986), РФ Рәссамдар союзы ағзаһы (1995)[1]. Рәссам Вәкил Шайхетдиновтың энеһе.

Биографияһы[үҙгәртергә | вики-тексты үҙгәртергә]

Шәйхетдинов Вәғиз Ғәйнелғилем улы 1955 йылдың 8 мартында БАССР-ҙың Бүздәк районы Кәпәй-Ҡобау ауылында тыуа. 1980 йылда Өфө ҡалаһында БДПИ-ҙың художество-графика факультетында  рәсем сәнғәте буйынса диплом яҡлай. Һәм шул уҡ йылдан алып — республика, зона, төбәк, Бөтә Рәсәй, Бөтә Союз, сит ил, халыҡ-ара (20-нән ашыу) күргәҙмәлә (Октябрьский, Өфө, Казань, Чебоксар, Лефкос — Кипр) ҡатнаша. Рәссамдың картиналары М. В. Нестеров исемендәге Башҡорт дәүләт художество музейында, Өфө ҡала мэрияһы галереяһында, Мәскәүҙә Геология министрлығында, Башҡортостан Республикаһы Дәүләт Йыйылышы — Ҡоролтайҙа, Башҡортостан Республикаһы Эске эштәр министрлығы музейында, Рудольф Нуреев музейында (Башҡорт дәүләт опера һәм балет театры), «Нур» театры музейында, Башҡорт дәүләт университетының портреттар галереяһында, Бүздәк районы музейында, Парижда ЮНЕСКО-ның штаб-фатирында[1], Кипрҙың Лефкос ҡалаһында Хәҙерге заман сәнғәт музейында (Никосия)[2] һәм Рәсәй, Германия, Төркиә, Югославия, Франция[3] ҡалаларында шәхси коллекцияларҙа һаҡлана. «Урал» фонды рәссамдың художество эштәренән тупланған юбилей альбомы нәшер ителә. Унда кеше яҙмыштары тарихы, тыуған яҡ матурлығы сағыла[4]. 90-сы йылдар башында, абстракция популяр булғанда, Вәғиз Шәйхетдиновтың иртә эштәре абстракцияға нығыраҡ тартылһа, һуңыраҡ ижадында ул тормош ысынбарлығына мөрәжәғәт итә[5]. Әлеге ваҡытта Өфө ҡалаһында йәшәй һәм эшләй.

Һайланма хеҙмәттәре[үҙгәртергә | вики-тексты үҙгәртергә]

«Автопортрет» (1979), «Әсә портреты» (1985), «Атай портреты» (1985), «Мираҫ» (1988), «Ҡандракүл. Һыуыҡ һәм ҡояш» (2002), «Ауылым» (2005), «Сипайлово тауы» (2012), «Шихандар» (2008), «65-се байрам» (2010), «Перекати поле» (2007), «Рудольф Нуриев. Ҡайтыу» диптихы (2012), һәм башҡалар.

Маҡтаулы исемдәре һәм бүләктәре[үҙгәртергә | вики-тексты үҙгәртергә]

  • 1987 йыл — художество биҙәү өсөн СССР Геология министрлығы рәхмәте.
  • 2006 йыл — «Ҡандракүл. Һыуыҡ һәм ҡояш» картинаһы өсөн Рәсәй Рәссамдар берлеге дипломы.
  • 2008 йыл — «Йәйге көн» картинаһы өсөн Рәсәй Рәссамдар берлеге дипломы.

— Бөтә донъя татарҙары конгресының рәхмәт хаты, Ҡазан.

  • 2009 йыл — портреттар серияһы өсөн «БР буйынса Эске эштәр министрлығына 90 йыл» иҫтәлекле юбилей миҙалы.

— БР Мәҙәниәт министрлығының рәхмәт хаты.

  • 2012 йыл — Башҡортостан Республикаһының Мәҙәниәт министрлығы дипломы, «Рәсәй Рәссамдар берлеге» Башҡортостан бүлексәһенең «Төньяҡ амурҙары» картинаһы өсөн дипломы.

— Башҡортостандың атҡаҙанған рәссамы.

— «Рәсәй Рәссамдар берлеге» Ырымбур бүлексәһенең һәм Мәҙәниәт министрлығының дипломы

— БР Эске эштәр министрлығының рәхмәт хаты.

  • 2015 йыл — БР Эске эштәр министрлығының Маҡтау ҡағыҙы.
  • 2019 йыл — «Көмөш асҡыс» премияһы (Кипрҙың Яҡын Көнсығыш университеты), Лефкос ҡалаһы.

Иҫкәрмәләр[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]