Юревич Эдуард Иванович
| Юревич Эдуард Иванович | |
| Зат | ир-ат |
|---|---|
| Тыуған көнө | 15 апрель 1888 |
| Тыуған урыны | Лифлянд губернаһы, Рәсәй империяһы |
| Вафат булған көнө | 16 сентябрь 1958 (70 йәш) |
| Вафат булған урыны | Рига, Латвия ССР-ы[d], СССР |
| Һөнәр төрө | сәйәсмән |
| Сәйәси фирҡә ағзаһы | Советтар Союзы Коммунистар партияһы |
| Ҡатнашыусы | ВКП(б)-ның XVII съезы[d] |
| Маҡтаулы исемдәре һәм башҡа бүләктәре |
 |
Юревич Эдуард Иванович (15 апрель 1888 йыл — 16 сентябрь 1958 йыл) — совет партия‑дәүләт эшмәкәре. 1913 йылдан РСДРП(б) ағзаһы. 1927 йылдың февраленән — 1929 йылдың февраленә тиклем ВКП(б)-ның Башҡортостан өлкә комитетының яуаплы (1-се) секретары.
Биографияһы
[үҙгәртергә | сығанаҡты үҙгәртеү]Юревич Эдуард Иванович 1888 йылда эшселәр ғаиләһендә Лифлянд губернаһының Рига өйәҙе Катлакалн улусында тыуған.
1913 йылдан РСДРП(б) ағзаһы. Партияға ингәндән һуң Ригала (Латвия) йәшерен түңәрәктәрҙә эшләй. 1914 йылда армияға саҡырыла, 3 айҙан ҡулға алына һәм 4 йылға каторгаға хөкөм ителә.
Бөйөк Октябрь социалистик революцияһы ваҡытында Мәскәүҙә Хамовническ районында Ҡыҙыл гвардияһын ойоштороу менән шөғөлләнә.
1917—1919 йылдарҙа — Мәскәү Советы башҡарма комитетының һәм РСДРП(б) Мәскәү партия комитетының ағзаһы. РСФСР-ҙың сберкассалары идаралығы комиссары (1918).
1919—1920 йылдарҙа Латвияла подпольела эшләй, ҡулға алына һәм РСФСР-ға ҡыуыла. Латвия Компартияһы Үҙәк комитетының сит ил бюроһы хеҙмәткәре була, «Циняс атбалсс» («Эхо борьбы») гәзите редакторы була. 1920—1921 йылдарҙа — Псков РКП(б) губерна комитетының контроль комиссия рәйесе, һуңынан Псков РКП (б) өлкә комитетының ойоштороу бүлеге мөдирe урынбаҫары. 1922—1926 йылдарҙа Мәскәүҙә партия эшендә була. 1927 йылдан 1929 йылдың феврaленә тиклем ВКП(б)-ның Башҡортостан өлкә комитетының яуаплы (1) секретары. 1930—1935 йылдарҙа Химиктар союзы Үҙәк комитетының рәйесе, ВЦСПС Президиумы ағзаһы.
1935 йылдан алып СССР-ҙың ауыр сәнәғәт халыҡ комиссариатында эшләй, Латвия азат ителгәндән һуң, 1944 йылдан — Латвия Компартияһы Лиепай ҡала комитетының 1-се секретары, КП (б) Үҙәк комитетының сектор мөдире. Латвия Ауыл хужалығы академияһының марксизм-ленинизм уҡытыусыһы (1948−1958).
ВКП(б)-ның Үҙәк ревизия комиссияһы ағзаһы (1927—1934). ВКП (б)Үҙәк комитеты янындағы Партия контроле комиссияһы ағзаһы) (1934—1939). Партияның XII−XVII съездары делегаты.
1958 йылда вафат була.
Һылтанмалар
[үҙгәртергә | сығанаҡты үҙгәртеү]- Юревич Эдуард Иванович // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 14 апрель 2023)
- Справочник по истории Коммунистической партии и Советского Союза 1898—1991
- http://dic.academic.ru/dic.nsf/enc_biography/133265/%D0%AE%D1%80%D0%B5%D0%B2%D0%B8%D1%87