Ғәниев Камил Сәмиғулла улы

Ғәниев Камил Сәмиғулла улы
Зат	ир-ат
Хеҙмәт итеүе	СССР
Тыуған көнө	10 ғинуар 1922({{padleft:1922|4|0}}-{{padleft:1|2|0}}-{{padleft:10|2|0}})
Тыуған урыны	Үрге Бишенде, Туймазы районы
Вафат булған көнө	12 декабрь 1992({{padleft:1992|4|0}}-{{padleft:12|2|0}}-{{padleft:12|2|0}}) (70 йәш)
Вафат булған урыны	Мәскәү, Рәсәй
Һөнәр төрө	полководец
Уҡыу йорто	Рәсәй Федерацияһы Ҡораллы Көстәре Генераль штабы Хәрби академияһы[d]
Сәйәси фирҡә ағзаһы	Советтар Союзы Коммунистар партияһы
Маҡтаулы исемдәре һәм башҡа бүләктәре

Генерал-лейтенант Камил Ғәниев

Ғәниев Камил Сәмиғулла улы (10 ғинуар 1922 йыл — 7 декабрь 1992 йыл) — СССР-ҙың хәрби эшмәкәре. Бөйөк Ватан һуғышында ҡатнашыусы. Армия командующийы, генерал-лейтенант (1984). Ленин, Ҡыҙыл Байраҡ, ике 1-се дәрәжә Ватан һуғышы, ике Ҡыҙыл Йондоҙ, 3-сө дәрәжә «СССР Ҡораллы Көстәрендә Ватанға хеҙмәт иткән өсөн» ордендары кавалеры.

Биографияһы

Камил Сәмиғулла улы Ғәниев 1922 йылдың 10 ғинуарында Башҡорт АССР-ының Бәләбәй кантоны Үрге Бишенде ауылында тыуған. Милләте башҡорт.

Түбәнге Троицк ауылында йәшәгән. 1943 йылдан ВКП(б) ағзаһы.

1939 йылдан Эшсе-Крәҫтиән Ҡыҙыл Армияһында хеҙмәт итә. 1941 йылдың июленән Көнбайыш фронтта һуғыша.

1943 йылда — Көнбайыш фронтта 104-се танк дивизияһы 145-се танк батальонының элемтә взводы командиры, өлкән лейтенант. 1942 йылда яралана.

Көнбайыш фронты 33-сө армияһы ғәскәри берләшмәһенең 1942 йылдың 22 сентябрендәге 529-сы приказы нигеҙендә 104-се танк дивизияһы 145-се танк батальонының элемтә взводы командиры өлкән лейтенант Ғәниев «Һуғыштағы батырлыҡтары өсөн» миҙалы менән бүләкләнә.

Көнбайыш фронты 33-сө армияһы ғәскәри берләшмәһенең 1942 йылдың 7 сентябрендәге 963-сө приказы нигеҙендә 104-се танк дивизияһы 145-се танк батальонының элемтә взводы командиры өлкән лейтенант Ғәниев Ҡыҙыл Байраҡ ордены менән бүләкләнә.

2-се Белорус фронты 5-се армияһы ғәскәри берләшмәһенең 1944 йылдың 17 ғинуарындағы 4-се приказы нигеҙендә 43-сө гвардия танк бригадаһының 2-се батальоны командиры урынбаҫары Ғәниев 1-се дәрәжә Ватан һуғышы ордены менән бүләкләнә.

2-се Белорус фронты 49-сы армияһы ғәскәри берләшмәһенең 1944 йылдың 31 июлендәге 19-сы һанлы приказы нигеҙендә 43-сө гвардия танк бригадаһының 2-се полкы командиры урынбаҫары гвардия капитаны Ғәниев Ҡыҙыл Йондоҙ ордены менән бүләкләнә.

Һуғышты гвардия майоры званиеһында тамамлай, И. В, Сталин исемендәге БТ һәм МВ Хәрби Академияһы тыңлаусыһы була.

Уҡыуҙы тамамлағандан һуң — 3-сө Белорус фронтының 101-се гвардия танк полкы командиры урынбаҫары.

Төркөстан хәрби округында хеҙмәт итә. Генераль штабтың Хәрби академияһын тамамлай.

5-се армия (2-се формирование) командующийы итеп тәғәйенләнә.

Артабан Урта Азия хәрби округы командующийының 1-се урынбаҫары итеп тәғәйенләнә. Медеолағы шыуғынды бөтөрөү ваҡытында Алма-Ата ҡалаһын ҡотҡарыу буйынса эштәр начальнигы вазифаһын да башҡара.

1985 йылда 1-се дәрәжә Ватан һуғышы ордены менән бүләкләнә.

Генераль штабтың Хәрби академияһында факультет начальнигы итеп тә тәғәйенләнә.

РСФСР-ҙың 7-се саҡырылыш Юғары Советы депутаты итеп һайлана.

1992 йылдың 12 декабрендә Мәскәүҙә вафат булған.

Наградалары

• Ҡыҙыл Байраҡ ордены (1942);
• «Һуғыштағы батырлыҡтары өсөн» миҙалы (1942);
• Ике тапҡыр 1-се дәрәжә Ватан һуғышы ордены (1944, 1985);
• Ҡыҙыл Йондоҙ ордены (1944);
• «1941-1945 йылдарҙа Бөйөк Ватан һуғышында Германияны еңгән өсөн» миҙалы.

Һылтанмалар

• Бикмеев М. А. Ганеев Камиль Самигуллович // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.