Башҡортостан юлдаш телевидениеһы

Башҡортостан юлдаш телевидениеһы
рус. Башкирское спутниковое телевидение
Ил	Башҡортостан
Тапшырыу зонаһы	Башҡортостан, Рәсәй, Удмурт Республикаһы, Татарстан, Ырымбур өлкәһе
Эшләй башланған ваҡыт	2002
Етәксеһе	Рөстәм Зәрәфетдинов
Сайт	www.tv-rb.ru

Башҡортостан юлдаш телевидениеһы (рус. Башкирское спутниковое телевидение, БСТ) — Башҡортостан Республикаһының дәүләт телеканалы. Тапшырыуҙары тәүлегенә 18 сәғәт дауамында сыға.

Дөйөм мәғлүмәт

Тапшырыуҙар Башҡортостандың рәсми дәүләт телдәре булған (башҡорт һәм урыҫ телдәрендә эфирға сыға. Ижади хеҙмәткәрҙәр ҡайһы бер тематик һәм маҡсатлы тапшырыуҙарҙы шулай уҡ республикала йәшәгән башҡа милләттәр телдәрендә лә әҙерләй.

Эфирға сыҡҡан тапшырыуҙар һаны — 50-нән ашыу; улар төрлө йәшәйеш өлкәләренә — сәйәсәт, иҡтисад, мәҙәниәт һәм сәнғәт, йәмғиәт булмышына бағышлана, шулай уҡ күңел асыу һәм интерактив йүнәлеш-жанрҙарын биләй.

Канал 2002 йылда эшләй башланы; бығаса Башҡортостан урынлы телевидениеһы башҡа исемдәр йөрөттө: 1959 йылдан эфирға сығып килгән урындағы телевидение тапшырыуҙарҙы Башҡорт телевидение студияһы әҙерләп килде.

Сигнал таратыу саралары

Башҡортостан халҡына БСТ тапшырыуҙарын еткереү өсөн республиканың төбәктәрендә 400-ҙән ашыу ретранслятор төҙөлдө; улар күбеһенсә дециметр йышлыҡтарында эшләй, ҡеүәте 1 Вт-тан 5 КВт-ҡаса. Һуңыраҡ ретрансляторҙар шулай уҡ Силәбе өлкәһенең Арғаяш һәм Ҡоншаҡ райондарында ла ҡуйыылыыды.

Рәсәйҙең Башҡортостан менән күрше субъекттары: Ырымбур, Һамар, Силәбе, Свердловск һәм Төмән өлкәләрендә, Татарстан менән Удмуртия республикаларында БСТ тапшырыуҙарын кабель селтәрҙәре аша ҡарап була.

Тапшырыуҙар шулай уҡ Ямал-401 спутнигы аша таратыла.

Ҡаҙаныштары

• 2016 йыл йомғаҡтары буйынса Башҡортостан юлдаш телевидениеһы МЕДИАТЭК Бөтә Рәсәй премияһының дипломына лайыҡ булды. Яғыулыҡ-энергетика комплексы тармағында яңы технологиялар индереү темаһын әүҙем һәм профессиональ яҡтыртҡаны өсөн Башҡортостан юлдаш телеканалы илдең төбәк телекомпаниялары араһында өсөнсө урын алды.
• Башҡортостан юлдаш телеканалы 2016 йылда Башҡортостанда Бөтә Рәсәй ауыл хужалығы иҫәбен алыуҙы яҡтыртыу буйынса иң яҡшы киң мәғлүмәт сараларының береһе тип танылды.

Даими тапшырыуҙар

• • Мәғлүмәт-аналитик
    • «Асыҡларға ваҡыт» ток-шоу -
    • Ысынлап та
    • Һүҙһеҙ ҡараш
    • Телеүҙәк
  • Мәҙәни-мәғариф
    • Автограф
    • Башҡорттар — Бөтә донъя башҡорттары тормошонан мөһим ваҡиғалар, факттар, проблемалар яҡтыртыла. Шәмбе көн кисен 19 cәғәт 30 минутта эфирға сыға, йәкшәмбе көн төш ваҡытында 13 cәғәт 30 минутта ҡабатлана.
    • Бәхетнәмә
    • Белергә кәрәк
    • Замандаштар
    • Орнамент
    • Шәмбе. Төнгө канал
    • Өсөнсө ҡыңғырау
  • Музыкаль
    • Байыҡ
    • Башҡорт йыры
    • Дарман
    • Йырым булһын бүләгем
    • Концерттар
    • Муз-баҙар
    • Тылсымлы ҡурай
  • Танып белеү һәм күңел асыу
    • Алтын тирмә
    • Арыҫлан
    • Башҡорт телен өйрәнәм
    • Күңелле йәшәбеҙ
    • Ҡайтайым ауылыма
    • Сәләм
    • Тәмле
    • Танышайыҡ
    • Уңған килен
  • Балалар өсөн «Тамыр» телеканалы тапшырыуҙары
    • Әкиәт байрамы
    • Борсаҡ
    • Байтус
    • Бауырһаҡ
    • Тау - тау хәбәр
    • Ғәләмәт донъя
    • Йырлы кәрәҙ
    • Семәр
    • Сәңгелдәк
    • Шәп арба
    • Сулпыдар
    • Шатлыҡ йыры
    • ӘЮЯ ҡаласығы
  • Дини
    • Йома

Тапшырыуҙарҙа ҡатнашыусылар

Учалы филармонияһының «Хазина» башҡорт фольклор ансамбле коллективы Башҡортостан юлдаш телевидениеһының «Бәхетнамә», «Сәләм», «Алтын тирмә» программаһында сығыш яһаны.

Етәкселәре

• 03.2017: Рөстәм Зәрәфетдинов.
• 05.2011—03.2017: Яҡупов Ғалим Миниғали улы