Мухачёв Аркадий Васильевич

Мухачёв Аркадий Васильевич
	Мухачёв Аркадий Васильевич
Зат	ир-ат
Гражданлыҡ	СССР
Хеҙмәт итеүе	СССР
Тыуған көнө	14 август 1910
Тыуған урыны	Ҡыҫынды, Стәрлетамаҡ өйәҙе, Өфө губернаһы, Рәсәй империяһы
Вафат булған көнө	21 декабрь 1958 (48 йәш)
Вафат булған урыны	Ҡыҫынды, Архангел районы, Башҡорт АССР-ы, РСФСР, СССР
Ерләнгән урыны	Ҡыҫынды
Сәйәси фирҡә ағзаһы	Советтар Союзы Коммунистар партияһы
Һуғыш/алыш	Бөйөк Ватан һуғышы
Ғәскәр төрө	пехота[d]
Маҡтаулы исемдәре һәм башҡа бүләктәре

Мухачёв Аркадий Васильевич (14 август 1910 йыл — 21 декабрь 1958 йыл) — Бөйөк Ватан һуғышы яугире, уҡсылар полкының взвод командиры ярҙамсыһы, гвардия старшинаһы. Дан орденының тулы кавалеры.

Биографияһы

Аркадий Васильевич Мухачёв 1910 йылдың 14 авгусында Өфө губернаһы Стәрлетамаҡ өйәҙе^[1] Ҡыҫынды ауылында крәҫтиән ғаиләһендә тыған. Урыҫ. 1944 йылдан КПСС ағзаһы. Һуғышҡа тиклем 7 класты тамамлай һәм колхозда эшләй. Эшсе-крәҫтиән Ҡыҙыл армияһында — 1941 йылдан. Фронтта — 1942 йылдың июленән.

172-се гвардия уҡсылар полкы взводы командиры ярҙамсыһы (57-се гвардия уҡсылар дивизияһы, 8--се гвардия армияһы) гвардия старшинаһы Мухачёв А. В. 1944 йылдың 10-13 майында, Овидиополь (Украина) ҡалаһынан төньяҡтараҡ дошманға ҡаршы һөжүм ваҡытында, дошмандың күп һанлы контрһөжүмен ҡаҡлыҡтырғанда, автоматтан атып 26 гитлеровсыны ҡырып һала. 1944 йылдың 22 майында 3-сө дәрәжә Дан ордены менән бүләкләнә.

Тәьминәт взводы командиры гвардия старшинаһы Мухачёв А. В. 1944 йылдың 1 авгусында Магнушев ҡалаһы янында, дошман уты аҫтында штрумлау группаһын, ҡорал һәм аҙыҡ-түлекте Висла йылғаһының һул яҡ ярына сығырыуға өлгәшә. 1944 йылдың 26 сентябрендә 2-се дәрәжә Дан орлены менән бүләкләнә.

Уҡсылар батальоны старшинаһы гвардия старшинаһы Мухачёв А. В. 1945 йылдың 3 февралендә Гёритц (Германия) тораҡ пункты янында ҡаты яраланған уҡсылар взводы командирын алмаштыра һәм шәхси өлгөһө менән яугирҙәрҙе һөжүмгә күтәрә. Яралы булыуына ҡарамаҫтан, яу яланын ташлап китмәй, пулемёттан 10-дан ашыу дошман һалдатын юҡ итә. 1945 йылдың 24 мартында 1-се дәрәжә Дан ордены менән бүләкләнә.

1946 йылда Аркадий Васильевич Мухачёв демобилизациялана һәм тыуған ауылына ҡайта. Ҡыҫынды ауыл Советы рәйесе булып эшләй. 1958 йылдың 21 декабрендә вафат була.

Наградалары

I дәрәжә Дан ордены (№ 1745)^[2].
II дәрәжә Дан ордены (№ 5443)^[3].
III дәрәжә Дан ордены (№ 44791)^[4].
«Батырлыҡ өсөн»^[5] миҙалы
«1947-45 йылдарҙа Бөйөк Ватан һуғышында Германияны еңгән өсөн»^[6] миҙалы
СССР миҙалдары.

Әҙәбиәт

Кавалеры ордена Славы трех степеней. Краткий биографический словарь. Москва.2000.
Газета «Красная Звезда» от 7.05.2008. Полные кавалеры Ордена Славы 172 гв. сп.

Иҫкәрмәләр

↑ Хәҙер Башҡортостан Республикаһының Архангел районы
↑ Указ Президиума Верховного Совета СССР от 24 марта 1945 г.
↑ Приказ Военного совета 8 гвардейской армии № 364/н от 26 сентября 1944 г.
↑ Приказ командира 57 гвардейской стрелковой дивизии № 056/н от 20 мая 1944 г.
↑ Приказ командира 172 гвардейского стрелкового полка № 028/н от 26 ноября 1943 г.
↑ Указ Президиума Верховного Совета СССР от 9 мая 1945 г.

Һылтанмалар

Мухачёв Аркадий Васильевич // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 12 август 2019)
Биография на сайте МО РФ

[1] Хәҙер Башҡортостан Республикаһының Архангел районы

[2] Указ Президиума Верховного Совета СССР от 24 марта 1945 г.

[3] Приказ Военного совета 8 гвардейской армии № 364/н от 26 сентября 1944 г.

[4] Приказ командира 57 гвардейской стрелковой дивизии № 056/н от 20 мая 1944 г.

[5] Приказ командира 172 гвардейского стрелкового полка № 028/н от 26 ноября 1943 г.

[6] Указ Президиума Верховного Совета СССР от 9 мая 1945 г.

[1]

[2]

[3]

[4]

[5]

[6]