Аҡбаш (Ютазы районы)

Ауыл
Аҡбаш татар. Акбаш
Ил	РәсәйРәсәй
Федерация субъекты	Татарстан
Муниципаль район	Ютазы
Ауыл биләмәһе	Аҡбаш
Координаталар	54°31′22″ с. ш. 53°13′23″ в. д.
Нигеҙләнгән	XVII быуат
Беренсе мәртәбә телгә алынған	1765
Элекке исеме	Ташкисеү
Халҡы	466 человек (2010)
Милли состав	татарҙар
Сәғәт бүлкәте	UTC+4
Телефон коды	+7 855-93-04
Почта индексы	423958
Һанлы танытмалар
Автомобиль коды	-
Код ОКАТО	92 254 000 004
Код ОКТМО	92 654 402 101
Номер в ГКГН	0142740
Аҡбаш

Аҡбаш — Рәсәй Федерацияһы Татарстан Республикаһы Ютазы районы ауылы. Аҡбаш ауыл биләмәһе составына керә һәм уның үҙәге булып тора.

География

Ауыл Аҡбаш йылғаһы буйында, Урыссу ҡала тибындағы ҡасабанан көньяҡ-көнбайыштараҡ 24 км алыҫлыҡта урынлашҡан. Ауылдан көнбайыштараҡ «Урҙалытау» тәбиғәт ҡомартҡыһы урынлашҡан.

Тарих

Аҡбаш (Ташкисеү) — ҡырғыҙ ырыуы башҡорттарының ауылы. XVII быуатта нигеҙләнгән. Ырымбур губернаһы Бөгөлмә өйәҙенә ҡарай. 1850 йылда Бөгөлмә өйәҙе Һамар губернаһына инә. 1866 йылда ырыу улустары бөтөрөлгәс, ауыл Александровка улусы составына керә.

1808 йылда ауылда тәүге мәсет төҙөлә, икенсе мәсет 1867 йылда, ә өсөнсөһө 1915 йылда төҙөлә. ХХ быуат башында бында улус идаралығы, земство почта станцияһы, һыу тирмәне була.

1920 йылда ауыл яңы ойошторолған Татар АССР-ының Бөгөлмә кантоны составына керә. 1930 йылдан — Баулы районы, 1935 йылдан — Ютазы районы, 1963 йылдан — Бөгөлмә районы, 1965 йылдан — Баулы районы, 1991 йылдан — йәнә Ютазы районы составында була.

Халҡы

1795 йылда ауылда ир енесле 166 йән башҡорт һәм 40 йән типтәр; 1834 йылда — 352 йән керҙәш башҡорт; 1859 йылда — 1015 башҡорт йәшәй.

Йылдар буйынса халыҡ иҫәбе
(Сығанаҡ: )

1859	1886	1897	1926	1938	1949	1958	1970	1979	1989	2000
1015	1431	1682	1506	1379	1056	752	850	669	462	538

Инфраструктура

Игенселек, малсылыҡ үҫешкән. Ауылда урта мәктәп, мәҙәниәт йорто, китапхана, мәсет (XIX быуат аҙағы — XX быуат башы архитектура ҡомартҡыһы) бар.

Билдәле шәхестәре

• Миңлекәев Сәхәүетдин Кашафетдин улы — мәғрифәтсе-шағир.