Исмәғилев Рәйес Абдрахман улы

Википедия — ирекле энциклопедия мәғлүмәте
Перейти к навигации Перейти к поиску
Рәйес Исмәғилев
Исмәғилев Рәйес Абдрахман улы - Нефтекама дәүләт филармонияһы директоры.jpg
Исеме:

Исмәғилев Рәйес Абдрахман улы

Тыуған:

29 ғинуар 1953({{padleft:1953|4|0}}-{{padleft:1|2|0}}-{{padleft:29|2|0}}) (65 йәш)

Тыуған урыны:

Башҡорт АССР-ы Белорет районы Йөйәк ауылы

Гражданлығы:

Совет Социалистик Республикалар Союзы СССРРәсәй Рәсәй

Наградалары:
Рәсәй Федерацияһының атҡаҙанған мәҙәниәт хеҙмәткәре

Исмәғилев Рәйес Абдрахман улы (29 ғинуар 1953) — Башҡортостан Республикаһының атҡаҙанған сәнғәт эшмәкәре (1995), Рәсәй Федерацияһының почётлы кинематографсыһы (2000) һәм атҡаҙанған мәҙәниәт хеҙмәткәре (2004), Рәсәйҙең журналистар (1999) һәм кинематографсылар (2000) союздары ағзаһы. I - IV Бөтә донъя башҡорттары ҡоролтайы (Конгресы) делегаты.

Биографияһы[үҙгәртергә | вики-тексты үҙгәртергә]

Рәйес Абдрахман улы Исмәғилев 1953 йылдың 29 ғинуарында Башҡорт АССР-ының (1993 йылдан Башҡортостан Республикаһы) Белорет районы Йөйәк ауылында тыуған. 1976 йылда Өфө дәүләт сәнғәт институтын (2003 йылдан Заһир Исмәғилев исемендәге Өфө дәүләт сәнғәт академияһы), Свердловск Юғары партия мәктәбен (1988) тамамлаған.

Йәмәғәт эшмәкәрлеге[үҙгәртергә | вики-тексты үҙгәртергә]

  • 2000—2007 йылдар — Башҡортостан Республикаһы Кинематографистар союзы рәйесе.
  • 2006—2011 йылдар — Башҡортостан Республикаһы Эске эштәр министрлығы ҡарамағындағы Йәмәғәт советы ағзаһы.
  • 2012 йылдан — Нефтекама ҡала эске эштәр идаралығы ҡарамағындағы Йәмәғәт советы ағзаһы.
  • Бөтә донъя башҡорттары ҡоролтайы ағзаһы

Ижади эшмәкәрлеге[үҙгәртергә | вики-тексты үҙгәртергә]

Рәйес Исмәғилев «Башҡортостан» киностудияһында һәм «Башҡортостан» Дәүләт телерадиокомпанияһында төшөрөлгән 50-нән артыҡ нәфис һәм документаль фильм, шулай уҡ кино- һәм телевизион очерктар, телеспектаклдәр режиссеры. Улар араһында бигерәк тә «Белый ворон» (1975) нәфис фильмы, «Подвиг хлебороба» (1982, «Под знаком Аркаима» (1993) — 1994 йылда Архангельск ҡалаһында үткәрелгән «Төньяҡ балҡышы» Бөтә Союз кинофестивале дипломын алды), «Заһир йыры — халыҡ йыры» (1994), «Курултай собирает друзей» (2001, Екатеринбург ҡалаһында 2002 йылда уҙған «Ер һәм кешеләр» төбәк-ара кинофестиваль лауреаты) фильмдәре һәм башҡалар бар.

Маҡтаулы исемдәре һәм наградалары[үҙгәртергә | вики-тексты үҙгәртергә]

  • «Төньяҡ балҡышы» Бөтә Союз кинофестивале дипломанты (1994).
  • Башҡортостан Республикаһының атҡаҙанған сәнғәт эшмәкәре (1995).
  • Рәсәй Федерацияһының почетлы кинематографсыһы (2000).
  • «Ер һәм кешеләр» төбәк-ара кинофестиваль лауреаты (2002).
  • Рәсәй Федерацияһының атҡаҙанған мәҙәниәт хеҙмәткәре (2004).

Уның тураһында[үҙгәртергә | вики-тексты үҙгәртергә]

2013 йылда Рәйес Абдрахман улына 60 йәш тулды. Билдәле мәҙәниәт эшмәкәренең юбилейына арналған сара уңың тыуған төйәге — Белорет районында ла ойошторолдо. «Йылдарым — байлығым» тип аталған был кисәлә Башҡортостан Республикаһының Мәҙәниәт министрлығы вәкилдәре, район етәкселәре, шулай уҡ Хөсәйен Әхмәтов исемендәге Башҡорт дәүләт, Сибай һәм Стәрлетамаҡ дәүләт филармониялары директорҙары ҡатнашты. Унда Рәйес Исмәғиловтың сағыу таланты һәм ижади ҡаҙаныштары республиканан ситтә лә киң билдәле икәнен айрып әйтеп кителде. Үҙенең бөтмәҫ энергияһы, юғары һөнәри оҫталыҫы һәм күп йыллыҡ бай тәжрибәһе Нефтекама дәүләт филармонияһы менән уңышлы етәкселек итеүҙә сағыла.

Үҙенең яуап һүҙендә Рәйес Абдрахман улы үҙен ололағаны өсөн яҡташтарына сикһеҙ рәхмәтен белдерҙе, Инйәр музыка мәктәбенә фортепиано бүләк итте.

Өҫтәлмә мәғлүмәт[үҙгәртергә | вики-тексты үҙгәртергә]

  • Рәйес Исмәғилевтың бер туған энеһе — Фәйзрахман Абдрахман улы (24.03.1955) — билдәле һынлы сәнғәт оҫтаһы, Башҡортостандың атҡаҙанған рәссамы (1997), Салауат Юлаев исемендәге дәүләт премияһы лауреаты (2004).
  • Бер туған энеһе Исмәғилев Шамил Абдрахман улы - юстиция полковнигы, прокурор.

Сығанаҡтар[үҙгәртергә | вики-тексты үҙгәртергә]

Һылтанмалар[үҙгәртергә | вики-тексты үҙгәртергә]