Кристина (Швеция принцессаһы)

Кристина
	Кристина
	Герб
Зат	ҡатын-ҡыҙ
Гражданлыҡ	Швеция
Титул	Швеция принцессаһы[d] һәм шаһбикә[d]
Тыуған көнө	3 август 1943 (81 йәш)
Тыуған урыны	Дворец Хага[d], Сольна[d], Стокгольм[d], Швеция
Дата крещения	15 июнь 1944
Атаһы	Густав Адольф Оскар Фредерик Артур Эдмунд[d]
Әсәһе	Сибилла Саксен-Кобург-Готская[d]
Бер туғандары	Маргарет Шведская, Биргитта Шведская, Дезире Шведская һәм Карл XVI Густав[d]
Хәләл ефете	Tord Magnuson[d]
Балалары	Gustaf Magnuson[d], Oscar Magnuson[d] һәм Victor Magnuson[d]
Нәҫеле	Бернадоты[d]
Һөнәр төрө	аристократ, фәлсәфәсе
Уҡыу йорто	Franska Skolan[d]
Префикс титула	Королевское высочество[d]
Социаль синыф	член королевской семьи[d]
Сәс төҫө	белые волосы[d]
Сәләмәтлек торошо	лейкоз[d]
Ҡатнашыусы	Wedding of Constantine II of Greece and Princess Anne-Marie of Denmark[d]
Ойошма ағзаһы	Король тел ғилеме, тарихы һәм антиквариаты академияһы[d]
Маҡтаулы исемдәре һәм башҡа бүләктәре
	Кристина Викимилектә

Кристина Луиза Хелена (швед. Prinsessan Christina Louise Helena, fru Magnuson, 3 август 1943 йыл, Стокгольм) — швед принцессаһы, принц Густавтың, герцог Вестерботтенскийҙың һәм принцесса Сибилла Саксен-Кобург-Готскаяның кесе ҡыҙы. Карл XVI Густавтың дүрт өлкән апайҙарының береһе.

Биографияһы

Принцесса Кристина Луиза Хелена Стокгольм янындағы Хаг һарайында 1943 йылдың 3 авгусында принц Густавтың, герцог Вестерботтенскийҙың һәм принцесса Сибилла Саксен-Кобург-Готскаяның дүртенсе ҡыҙы булып тыуа. Был ваҡытта ғаиләлә өс ҡыҙ була: Маргарет (1934), Биргитта (1937), Дезире (1938). 1946 йылда уларҙың ир туғаны — буласаҡ король Карл XVI Густав тыуа. Принцесса апайҙары кеүек үк Хаг һарайында тыуа, һәм уларҙы бала саҡтан Хаг принцессалары тип атайҙар.

1947 йылда принцессаның атаһы авиакатастрофала һәләк була.

Принцесса үҙенең буласаҡ ирен 1961 йылда Стокгольмда төшкө ашта осрата. Торд Магнусон Йеста (7 апрель, 1941) Леннарт Магнусондың һәм Герда Клеммингтың улы була. 1974 йылдың 1 февралендә улар йәрәшә.

Улар 1974 йылдың 15 июнендә Стокгольмда Король һарайының сиркәүендә өйләнешәләр. Принцессала инәйенең, британия принцессаһы Маргаританың нәҫелдән ҡалған Коннаут тиараһы була, ә туй күлдәген Стокгольм теген фабрикаһының кутюры тегә^[2]. Швецияның короле һәм королеваһы королева Софияның гәүһәр тиараһын бүләк итә. 2013 йылда принцессаның тиараһын һәм башҡа биҙәүестәрен иренең дуҫы урлай. Тиараны ул һыуға ташлай, ә башҡа биҙәүестәрҙе һата. Тиара табылмай^[3].

Тиң булмаған никах һөҙөмтәһендә принцесса үҙенең «Король Ғали йәнәптәре» тигән титулын юғалта һәм никахтан һуң 1 класслы Фил Ордены Рыцаре һымаҡ «Ғали йәнәптәре» титулы менән «Принцесса Кристина, фру Магнусон» булараҡ билдәле була. Торд менән никахта өс улы тыуа, улар швед тәхетен мираҫ итеп ала алмайҙар.

Карл Густав Виктор Магнусон (8 август, 1975) — 2013 йылдан Вики Элизабет Андрен менән никахта (25 ғинуар, 1983), ҡыҙҙары Дезире Эльфрида Кристина Магнусон (11 июль, 2014);
Торд Оскар Фредерик Магнусон (20 июнь 1977) — күҙлектәр дизайнеры^[4], 2011 йылда Эмме Эмели Шарлотта Ледент менән өйләнешә (18 апрель, 1981), ике улы бар — Альберта (10 февраль, 2013) һәм Генри (16 октябрь 2015);
Виктор Эдмунд Леннарт Магнусон (10 сентябрь, 1980) — 2017 йылдың майынан алып Фрида Луиза Бергстрем менән никахта тора (18 февраль, 1980), ике улы бар — Эдмунд (11 декабрь, 2012) һәм Сигвард (25 август, 2015).

1972 йылда уның әсәһе принцесса Сибилла вафат була. 1972 һәм 1976 йылдар араһында принцесса Кристина илдең беренсе леди вазифаһын башҡара.

Әле принцесса ире һәм балалары менән Стокгольмда йәшәй. Уның ғаиләһе король ғаиләһенең бөтә сараларында һәм шулай уҡ ире менән Нобель премияһы тапшырыуында ҡатнаша. Кристина 9 йыл дауамында Швед Ҡыҙыл тәреһенең рәисе була. 2010 һәм 2013 йылдарҙа ҡыҙ туғандары кронпринцесса Викторияның һәм принцесса Мадлендың туй тантаналарында ҡатнаша, шула уҡ 2014 йылда принцесса Леонорҙың исем туйында була.

Наградалары

Серафимовтар Ордены Дамаһы (Швеция)^[5];
Король Карл XVI Густавтың король ғаиләһе ордены (1973);
Ғали йәнәптәре Карл XVI Густавтың юбилей миҙалы (1996, 30 апрель);
Карл XVI Густавтың иҫтәлекле рубин юбилейы миҙалы (15 сентябрь 2013)^[6];
Швеция короле Карл XVI Густавтың 70-йыллығына иҫтәлекле миҙал (2016 йыл, 30 апрель)
Фил Ордены Рыцаре (Дания — 1973 йылдың 16 ғинуары);
«Германия Федератив Республикаһы алдындағы хеҙмәттәре өсөн» (Германия, 2003) Ҙур Тәре Ордены^[7];
Исландия Ыласынының Ҙур Тәре Ордены (Исландия — 1985 йыл, 16 сентябрь)^[8];
Христостың Ҙур Тәре Ордены (Португалия 1991 йыл, 15 май)^[9];
«Италия Республикаһы алдындағы ҡаҙаныштары өсөн» Ҙур Тәре Ордены Рыцаре(1998 йыл, 5 май)^[10];
Изге Олаф Ҙур Тәре Ордены (Норвегия — 1992);
Аҫыл Таж Ҙур Тәре Ордены(Япония — 2000)^[11];
Почетлы легиондың Командор Ордены (Франция — 15 июль 2004)^[12]