Муллағолов Мирза Ғизетдин улы

Википедия — ирекле энциклопедия мәғлүмәте
Перейти к навигации Перейти к поиску
Муллағолов Мирза Ғизетдин улы
Тыуған көнө:

20 июль 1938({{padleft:1938|4|0}}-{{padleft:7|2|0}}-{{padleft:20|2|0}}) (81 йәш)

Тыуған урыны:

Башҡорт АССР-ы, Бөрйән районы, Иҫке Монасип ауылы

Гражданлығы:

Совет Социалистик Республикалар Союзы СССРРәсәй Рәсәй

Ғилми өлкәһе:

этнография

Эшләгән урыны:

Р. Ғ. Кузеев исемендәге Этнологик тикшеренеүҙәр институты

Ғилми дәрәжәһе:

тарих фәндәре кандидаты

Уҡыу йорто:

Башҡорт дәүләт университеты

Награда һәм премиялары


Медаль «Ветеран труда»
«Башҡортостан Республикаһындағы фиҙаҡәр хеҙмәте өсөн» отличие билдәһе

Муллағолов Мирза Ғизетдин улы (20 июнь 1938 йыл) — этнограф. Тарих фәндәре кандидаты (1989). Рәил Кузеев исемендәге премия лауреаты (2009).

Биографияһы[үҙгәртергә | вики-тексты үҙгәртергә]

1938 йылдың 20 июлендә Башҡорт АССР-ы Бөрйән районы Иҫке Монасип ауылында Бибикамал һәм Ғизетдин Муллағоловтарҙың ете балалы ғаиләһендә тыуған. Ауыл мәктәбенең ете класын тамамлай[1].

1954—1956 йылдарҙа Темәс педагогия училищеһында белем ала, был уҡыу йорто ябылғас уҡыуын 1956—1958 йылдарҙа Белорет педагогия училищеһында дауам итә[2].

1958—1961 йылдарҙа Төркмән ССР-ы биләмәләрендә танк ғәскәрҙәрендә хеҙмәт итә[1].

1961—1962 йылдарҙа Бөрйән районында башланғыс кластарҙы тикшереүсе инспектор[1] һәм Нәби башланғыс мәктәбе мөдире булып эшләй[2].

1962—1967 йылдарҙа Башҡорт дәүләт университетының тарих-филология факультетында уҡый[2].

1967—1968 йылдарҙа Белорет районының Асы урта мәктәбендә уҡыу өлөшө мөдире булып эшләй. 1968—1971 йылдарҙа Стәрлетамаҡ районындағы Бүреҡаҙған урта мәктәбендә тарих уҡытыусыһы була[2].

1971—1999 йылдарҙа СССР Фәндәр академияһы Башҡортостан филиалының Тарих, тел һәм әҙәбиәт институтында эшләй:

  • 1971 йылдан — кесе ғилми хеҙмәткәр,
  • 1991 йылдан — өлкән ғилми хеҙмәткәр[2].

1989 йылда «Башҡорт халыҡ транспорты. XIX—XX быуат башы» тигән темаға кандидатлыҡ диссертацияһын яҙа һәм уны Ленинградта уңышлы яҡлап сыға[1].

1999—2006 йылдарҙа Рәсәй Фәндәр академияһы Өфө фәнни үҙәгенең Этнологик тикшеренеүҙәр үҙәгендә этнология бүлеге мөдире була[2].

2006—2016 йылдарҙа — Рәсәй Фәндәр академияһы Өфө фәнни үҙәгенең Р. Ғ. Кузеев исемендәге Этнологик тикшеренеүҙәр институтының алдынғы ғилми хеҙмәткәре булып эшләй[2].

«Башҡортостан: ҡыҫҡаса энциклопедия» һәм «Башҡорт энциклопедияһы» мәҡәләләренең авторы. «Башҡорттар» («Башкиры», 2016) хеҙмәтенең авторҙашы.

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

  • «Хеҙмәт ветераны» миҙалы (1990)
  • Рәсәй Фәндәр академияһының маҡтау ҡағыҙы (1999) — «Рәсәй Фәндәр академияһында күп йыллыҡ емешле хеҙмәт өсөн һәм РФА-ның 275-йыллыҡ юбилейы айҡанлы»
  • Бөтә донъя башҡорттары ҡоролтайы башҡарма комитетының маҡтау ҡағыҙы (2006)
  • «Башҡортостан Республикаһында фиҙакәр хеҙмәт өсөн» маҡтау билдәһе (2011)
  • Башҡортостан Фәндәр академияһының Рәил Кузеев исемендәге премияның тәүге лауреаты (2009)

Төп хеҙмәттәре[үҙгәртергә | вики-тексты үҙгәртергә]

  • Башкирский народный транспорт в XIX — нач. XX в. Дис. … канд. ист. наук / АН СССР. Ин-т этнографии им. Н. Н. Миклухо-Маклая. — Уфа, 1989. — В 2 т.
  • Башкирский народный транспорт. XIX — начало XX в. / БНЦ УРО РАН. — Уфа, 1992. — 152 с.
  • Лесные промыслы башкир. XIX — начало XX в. / БНЦ УРО РАН. — Уфа, 1994. — 180 с.
  • Башҡорттарҙың урман кәсебе. — Өфө: Башҡортостан Ки­тап нәшриәте, 2000. — 208 бит.
  • Собирательство и рыболовство у башкир / Центр этнологических исследований УНЦ РАН. — Уфа: Гилем, 2007. — 158 с.
  • Соколиная охота у башкир / Ин-т этнологических исследований им. Р. Г. Кузеева УНЦ РАН. — Уфа: ГУП РБ УПК, 2013. — 160 с.
  • Архаичные способы хозяйства у башкир : традиции и новации. — Уфа : Китап, 2014. — 176 с.

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 1,2 1,3 Зифа Хәсәнова. Ғалим-этнограф Мирза Муллағолов // Ватандаш. — 2018. — № 7. — С. 109-111. — ISSN 1683-3554.
  2. 2,0 2,1 2,2 2,3 2,4 2,5 2,6 Муллагулов Мирза Гизитдинович: библиогр. указ. 3-е изд., испр. и доп. / сост. и авт. вступ. ст. Ф. Г. Галиева — Уфа: ИЭИ УФИЦ РАН, 2018. — 20 б.

Һылтанмалар[үҙгәртергә | вики-тексты үҙгәртергә]