Атамбаев Алмазбек Шаршенович

Википедия — ирекле энциклопедия мәғлүмәте
Перейти к навигации Перейти к поиску
Атамбаев Алмазбек Шаршенович
ҡырғ. Алмазбек Шаршенович Атамбаев
Рәсем
Заты ир-ат
Гражданлығы Flag of the Soviet Union.svg СССР
Flag of Kyrgyzstan.svg Ҡырғыҙстан
Тыуған көнө 17 сентябрь 1956({{padleft:1956|4|0}}-{{padleft:9|2|0}}-{{padleft:17|2|0}})[1][2] (65 йәш)
Тыуған урыны СССР, Ҡырғыҙ Совет Социалистик Республикаһы[d], Чуйская область[d], Кантский район[d], Арашан[d]
Хәләл ефете Атамбаева, Раиса Минахмедовна[d]
Һөнәр төрө сәйәсмән, иҡтисадсы
Эшмәкәрлек төрө сәйәсмән
Биләгән вазифаһы Список президентов Киргизии[d], Список премьер-министров Киргизии[d], Список премьер-министров Киргизии[d], Список премьер-министров Киргизии[d] һәм председатель Совета глав государств СНГ[d]
Уҡыу йорто Дәүләт идара итеү университеты[d]
Сәйәси фирҡә ағзаһы Ҡырғыҙстан социаль-демократик партияһы[d]
Кандидат на выборах Президентские выборы в Киргизии[d]
Ҡатнашыусы Саммит ШОС 2017[d]
Маҡтаулы исемдәре һәм башҡа бүләктәре
Commons-logo.svg Атамбаев Алмазбек Шаршенович Викимилектә

ә

Алмазбе́к Шарше́нович Атамба́ев (ҡырғ. Алмазбек Шаршенович Атамбаев; Фрунзе (Чүй) өлкәһе Арашанда тыуған) — совет һәм ҡырғыҙ дәүләт һәм сәйәси эшмәкәре. 2011 йылдың 1 декабренән 2017 йылдың 24 ноябренә тиклем Ҡырғыҙ Республикаһы Президенты[3] Ҡырғыҙ Республикаһының 12-се һәм 16-сы премьер-министры (2010—2011), 1994—2011 һәм 2018—2019 йылдарҙа Ҡырғыҙстан социал-демократик партияһы рәйесе[4].

Үҙәк Азия илдәренең күпселек президенттарынан айырмалы рәүештә, Алмазбек Атамбаев үҙенең вәкәләттәрен Конституция билдәләгән мөҙҙәтен оҙайтырға тырышманы һәм власты президент тарафынан һайланған СДПК партияһы кандидаты Сооронбай Жээнбековҡа[5] тапшырҙы.

2019 йылдың июнендә республика парламенты уны енәйәт эше асыуға килтергән ғәйепләүҙәр арҡаһында экс-президент һәм тейелгеһеҙ статусынан мәхрүм итте.

2021 йылдың башына уларҙың береһе буйынса ғына, криминаль авторитет Батукаевты азат итеүгә ҡағылышлы, хөкөм ҡарары сығарылды[6]. 2020 йылдың 30 ноябрендә Ҡырғыҙ Республикһының Юғары суды хөкөм ҡарарын юҡҡа сығара һәм яңынан ҡарау маҡсатында эште Первомайский судына ебәрә[7]. 2021 йылда ла Атамбаевҡа ҡарата енәйәт эштәре буйынса судтар дауам итте. Атамбаев үҙ адресына бөтә ғәйепләүҙәрҙе лә кире ҡаға.

Алмазбек Атамбаев Ҡырғыҙ ССР-ы, Фрунзе өлкәһе Ворошиловград районының Арашан ауылында 1956 йылдың 17 сентябрендә тыуған, ҡырғыҙ, юғары белемле. 1980 йылда Серго Орджоникидзе исемендәге Мәскәү институтын (хәҙер — Дәүләт идара итеү университеты) инженер-иҡтисадсы, производство идаралығы ойоштороусыһы һөнәре буйынса тамамлай. Хеҙмәт эшмәкәрлеген инженер булып башлай, ә һуңынан Ҡырғыҙ ССР-ы элемтә министрлығы предприятиеларында әйҙәүсе иҡтисадсы була. 1981 йылда 4-се юл-эксплуатация идаралығына баш инженер вазифаһына күсерелә.

1983 йылдан совет дәүләт хеҙмәтендә, Ҡырғыҙ ССР-ы Юғары Советы президиумында төрлө вазифаларҙа эшләй. 1983 йылдан СССР Яҙыусылар союзы ағзаһы булып тора. 1987 йылдан 1989 йылға тиклем — Фрунзе ҡалаһы Первомайский район башҡарма комитеты рәйесе урынбаҫары. 1989 йылдан бөтә постарҙы ҡалдырып, эшҡыуарлыҡ карьераһын башлай. Йыл директор була. 1989—1997 йылдарҙа «Форум» фәнни-производство фирмаһы директоры була. Һуңғараҡ Алмазбек Атамбаев «Апрель» телеканалына биргән интервьюһында тәүге капиталын китап һатыуҙан килгән килемдән туплауын белдерҙе. Һәм шул килемде, мәҫәлән, аҡсаһының күпмелер өлөшөн Рәсәйҙәге һәм Төркиәләге производствоға һала. Экс-президент 1999 йылда «Форум» сәнәғәт төркөмө илдәге ҙур алтын табыу предприятиеһы «Кумтор» күпме һалым түләй, шунса уҡ һалым түләне тип иҫкә төшөрҙө.[8]

1999 йылдан 2004 йылға тиклем «Форум» Сәнәғәт төркөмө директорҙар советы рәйесе вазифаһын биләй. 2004 йылдан 2005 йылға тиклем «Кыргызавтомаш» Корпорацияһының директорҙар советы рәйесе. 2004 йылда Ҡырғыҙстандың топ-100 бай кешеләренә индерелгән[9].

Президент булғанға тиклем сәйәси эшмәкәрлеге[үҙгәртергә | вики-тексты үҙгәртергә]

1993 йылда Атамбаев Ҡырғыҙстандың социал-демократик партияһы инициаторҙарының береһе булды. 1994 йылдан алып ошо партияны етәкләй[10]

1995 йылда һайланған халыҡ вәкилдәре йыйылышы депутаты Жогорку Кенеш Халыҡ вәкилдәре Йыйылышы депутаты итеп һайлана, «Реформа» фракцияһын төҙөй һәм етәкләй[11]. Үҙ округынан ҡабат 3-сө саҡырылыш Жогорку Кенеш депутатына кандидат итеп күрһәтелә, әммә һайлауҙарҙа еңелде. 2000 йылда Ҡырғыҙ Республикаһы президенты һайлауҙарында өсөнсө урынды биләй.

Ләлә революцияһынан һуң, 2005 йылдың сентябренән 2006 йылдың апреленә тиклем, — Ҡырғыҙ Республикаһының сәнәғәт, сауҙа һәм туризм министры. 2007 йылдың 30 мартынан 2007 йылдың 28 ноябренә тиклем — Республика премьер-министры.

Апрель революцияһынан һуң, 2010 йылдың 7 апреленән ваҡытлы хөкүмәт башлығының иҡтисад буйынса урынбаҫары. 2010 йылдың 13 июлендә отставкаға китә[12].

Үҙ кандидатураһын Ҡырғыҙстан премьер-министры вазифаһына ҡуя, ләкин Жалалабад өлкәһе губернаторы Бектур Асановтың позицияһы арҡаһында парламент ярҙамына ирешә алмай[13]. Фәҡәт Бектур Асановтың Жалалабад өлкәһенең губернаторы посынан отставкаһынан һуң ғына, 2010 йылдың 17 декабрендә, яңынан хөкүмәт башлығы тип раҫлаған[14]. 2010 йылдың 17 декабрендә Ҡырғыҙстан Республикаһы яңы конституцияһы буйынса Ҡырғыҙ Республикаһының беренсе премьер-министры итеп һайлана.

Өс тапҡыр республика президенты вазифаһына үҙ кандидатураһын ҡуя. Өсөнсө тапҡыр — 2011 йылдың 30 октябрендә, — тәүге турҙа Ҡырғыҙстан президенты итеп һайлана. 2011 йылдың 1 декабренән вазифа биләй.

Алмазбек Атамбаевтың инаугурацияһы 2011 йылдың декабрендә баш ҡалала Ҡырғыҙ милли филармонияһы бинаһында үтте. Был инаугурацияла Ҡырғыҙстан тарихында тәүге тапҡыр яңы һайланған дәүләт башлығы менән власты тапшырыусы элгәрге башлыҡты бер сәхнәлә күрергә мөмкин булды. Был инаугурацияға почётлы ҡунаҡтар сифатында Төркиә һәм Грузия президенттары— Абдуллаһ Гөл һәм Михаил Саакашвили, шулай уҡ күрше илдәрҙең премьер-министрҙары һәм сит ил дәүләттәренең һәм халыҡ-ара ойошмаларҙың башҡа юғары вазифалы ҡунаҡтары, урындағы чиновниктар — барлығы бер меңгә яҡын ҡунаҡ саҡырылғайны.

Президент вазифаһында[үҙгәртергә | вики-тексты үҙгәртергә]

Атамбаевтың президент срогы ҡырғыҙ һәм халыҡ-ара ҡарарлыҡ матбуғатта киң яҡтыртыла барған һәм халыҡ-ара матбуғатта киң яҡтыртыла барған ғауғалар менән билдәләнде . Атамбаевтың шәхси хеҙмәтләндереү даирәһе — уның водителдәре, һаҡсылары һәм башҡаларҙың юғары вазифаларға тәғәйенләнеүҙәре йыш ҡына ғауға сығанағы булып торҙо[15]. Атамбаевтың "яҡын араһы"нан 6 йыл эсендә дәүләт чиновнигы булараҡ иҫ китергес карьера эшләгән һәм Ҡырғыҙ Республикаһында 100 иң бай кеше исемлегендә урын биләгән билдәле шәхестәрҙең береһе водитель Икрамжан Илмиянов булды[16][17][18]. Тағы ла береһе — Эркин Сопоков, 2012 йылда Ҡырғыҙ Республиканың Һалым хеҙмәте рәйесе урынбаҫары итеп тәғәйенләнә, һуңыраҡ — Ҡырғыҙ Республикаһының Истанбул ҡалаһында (Төркиә) консул була. Атамбаевты уратып алысылар араһына ингән тағы бер билдәле персонаж — Атамбаев ябай оппозиционер сағында уҡ уның һаҡсыһы булып хеҙмәт иткән Эркин Мамбеталиев. Илмиянов һәм Мамбеталиев Ҡырғыҙстан Эске эштәр министрлығы полковнигын үлтереү буйынса енәйәт эше фигуранттары. А. Атамбаевтың һаҡсыһы Э. Мамбеталиевҡа Енәйәт кодексының 30-97 статьяһы буйынса аңлы рәүештә кеше үлтереү ғәйепләүе белдерелгән[19]. 2008 йылда ул 8 кеше үлтергәне өсөн ғүмерлеккә иркенән мәхрүм итеүгә хөкөм ителә. 2010 йылдың апреле ваҡиғаларынан һуң, Ҡурманбек Баҡиевтың президент вазифаһынан төшөрөлөүе һөҙөмтәһендә, ә йыл ярымдан һуң Атамбаев президент итеп һайланғандан һуң, Мамбеталиевтың эше «яңы асылған хәлдәр буйынса» ҡайтанан ҡарала. Был ниндәй хәл икәнен Бишкәк ҡала суды аңлатыуҙан баш тарта. Һөҙөмтәлә суд, Мамбеталиев депутатты үлтереүҙә ғәйепле түгел, ә башҡа кешеләрҙе үлтергәне өсөн 15 йыл төрмә срогына хөкөм ителә, тип белдерә. Әммә элекке спецназсы ул срокты ла тултырмай: суд, амнистияға таянып, уны иреккә сығара[20].

2016 йылда Атамбаев Конституцияға төҙәтмәләр индереү буйынса референдум үткәрә. Был инициативаны граждандар йәмғиәте вәкилдәре, хоҡуҡ яҡлаусылар, журналистар, оппозиционерҙар власты узурпациялау ынтылышы, тип атаны

[21].

Атамбаев президентлығының тамамланыу фазаһы (2016—2017 йылдар) власть яғынан журналистарға, активистарға, оппозиция сәйәсмәндәренә[22] һәм хоҡуҡ яҡлаусыларға[23] ҡаршы йүнәлтелгән күп һанлы гражданлыҡ һәм енәйәти суд процестары менән билдәләнде. Ҡайһы бер суд процстарында Атамбаев шәхсән үҙе дәғүәсе (истец) булып сығыш яһай, һәм Ҡырғыҙ Республикаһы Генераль прокуроры уның мәнфәғәтен яҡлай.

Енәйәт эше һәм суд процесы[үҙгәртергә | вики-тексты үҙгәртергә]

2019 йылдың 27 июнендә Жогорку Кенеш ҡарары буйынса, генераль прокуратура, президент вазифаһын башҡарған осорҙа «коррупция», «вазифа вәкәләттәрен арттырыу», «законһыҙ байығыу» кеүек ғәмәлдәр ҡылынғанлығын дәлилләп, Атамбаев, экс-президент, шуның менән бәйле тейелгеһеҙлеге, статусынан мәхрүм ителде[24]. 2019 йылдың 7 авгусында Ҡырғыҙстан хоҡуҡ һаҡлау органдары Атамбаевты ҡулға алырға маташа, әммә был мөмкин булмай.[25]. 8 августа, икенсе тапҡыр ҡулға алырға тырышҡанда, Атамбаев бирелә[26][27][28]. Бишкәк район суды ҡарары менән, Атамбаев ҡулға алына һәм һаҡ аҫтына ҡуйыла[29]. Экс-президентты тотоу махсус операцияһы барышында 136 кеше зыян күрә, 1 спецназсы һәләк була[30].

2020 йылдың йәйендә Бишкәктә Атамбаев эше судта ҡарала. 1 июндә, судья алдында хөкөм ителеүселәр өсөн тәғәйенләнгән быяла кәртә артында тороуҙан баш тартҡанлыҡтан, Атамбаев тыңлауҙар аҙағына тиклем суд залынан сығарыла[31].

2020 йылдың 23 июнендә Бишкәк ҡалаһының Первомайский район суды, дәүләт башлығы сифатында ҡаты ауырыуына һылтанып, криминаль авторитет Азиз Батукаевты төрмәнән сығарырға бойороҡ биргәне өсөн, Ҡырғыҙстан енәйәти кодексының 319-сы статьяһы буйынса, Алмазбек Атамбаевты ун бер йыл ике айға иркенән мәхрүм итеү ҡарарын сығара, шулай уҡ ул бөтә дәүләт наградаларынан һәм мөлкәтенән мәхрүм ителә[32][33].

2020 йылдың 6 октябре төнөндә, һайлау һөҙөмтәләре менән риза булмау арҡаһында, Ҡырғыҙстанда күмәк халыҡ протесы башланғанда, Милли хәүефһеҙлек дәүләт Комитеты[34] етәкселеге митингҡа сыҡҡан төркөм менән һөйләшкәндән һуң, Алмазбек Атамбаевты СИЗО-нан сығаралар. 9 октябрҙә Атамбаев, уны яҡлаусылар С. Исаков һәм О Бабанов менән бергә, үҙәк Ала-Тоо майҙанында сығыш яһағандан һуң, үҙен үҙе премьер тип иғлан иткән С Жапаров яҡлылар менән бәрелешә. Экс-президенттың машинаһына ут асыла. 10 октябрҙә ГКНБ хеҙмәткәрҙәре, сыуалыш ойоштороуҙа ғәйепләп, Атамбаевты ҡабат ҡулға ала[35].

Мауығыуҙары[үҙгәртергә | вики-тексты үҙгәртергә]

Атамбаев йырҙар яҙыу менән мауыға, һәм уларҙы гитарала уйнап башҡара. Яҙыусыларҙың Ҡырғыҙ Әҙәбиәт фондын етәкләй[36]. Ҡырғыҙстандың экс-президенты Аҡаев Асҡар Аҡаевичтың 2014 йылдың 21 февралендә в интервью «7 канал»дың «Ачык Соз (Открытый разговор)» программаһына биргән интервьюһында Атамбаевты 1990-сы йылдарҙа ул етәкләгән Яҙыусылар союзына бирелгән 50 миллион һум рәсәй грантын үҙләштереүҙә ғәйепләне[37].

Ғаиләһе[үҙгәртергә | вики-тексты үҙгәртергә]

Алмазбек Атамбаев 1988 йылдан икенсе никахта. Ҡатыны — Раиса Минәхмәдовна Атамбаева (ҡыҙ фамилияһы Шаһиева) милләте буйынса татар, һөнәре буйынса табип, медицина фәндәре докторы. Алмазбек Атамбаев йыш ҡына шаяртып үҙен «татар халҡының кейәүе» тип атай. Уларҙың ике балаһы — улы Ҡадир һәм ҡыҙы Алия бар.

Әйткән фекерҙәре[үҙгәртергә | вики-тексты үҙгәртергә]

  • 2017 йылдың ноябрендә, в последние дни своих президентлыҡ вәкәләттәренең һуңғы көндәрендә, журналистарҙың Ҡаҙағстан һәм шәхсән Нурсолтан Назарбаев менән мөнәсәбәттәре боҙолоу тураһындағы һорауҙарына Атамбаев Алмазбек ғауғалы һүҙҙәр ысҡындырҙы[38].

Наградалары[үҙгәртергә | вики-тексты үҙгәртергә]

Ҡырғыҙстан наградалары[үҙгәртергә | вики-тексты үҙгәртергә]

Алмазбек һәм Раиса Атамбаевтар Владимир Путин менән. Мәскәү, 2017 йылдың 20 июне
Страна Дата Награда
Ҡырғыҙстан Ҡырғыҙстан 1999 йылдың 22 апреле[39][40] — 2020 йылдың 23 июне[41] «Данк» миҙалы[42]
Ҡырғыҙстан Ҡырғыҙстан 2007 йылдың 27 ноябре[43][44] — 2020 йылдың 23 июне[41] «Данакер» ордены[45]
Ҡырғыҙстан Ҡырғыҙстан 2011 йылдың 29 ноябре[46] — 2020 йылдың 23 июне[41] Ҡырғыҙ Республикаһы Президентының исемле сәғәте [47]
Ҡырғыҙстан Ҡырғыҙстан 2011 йылдың 3 ноябре[48][49] — 2020 йылдың 23 июне[41] II дәрәжә «Манас» ордены[50]
Ҡырғыҙстан Ҡырғыҙстан 2011 йылдың 30 ноябре[51] — 2020 йылдың 23 июне[41] «Апрель халыҡ революцияһы батыры» махсус күкрәк билдәһе[52]
Ҡырғыҙстан Ҡырғыҙстан 2017 йылдың 27 ноябре[53][54] — 2020 йылдың 23 июне[41] Ҡырғыҙ Республикаһы Геройы, «Аҡ Шумҡар» айырым билдәһе ҡушып бирелә[55]

Башҡа дәүләттәр наградалары[үҙгәртергә | вики-тексты үҙгәртергә]

Страна Дата Награда
Грузия Грузия 2013[56] «Балҡыш» президент ордены
Сербия Сербия 2013[57] Сербия Республикаһы ордены Таҫмаһы
Ҡаҙағстан Ҡаҙағстан 2014 йылдың 7 ноябре[58] I дәрәжә «Достык» ордены
Рәсәй Рәсәй 2016 йылдың 17 сентябре[59] Александр Невский ордены
Рәсәй Рәсәй/Саха Республикаһы Саха Республикаһы 2016[60] «Тыныслыҡ һәм халыҡтар дуҫлығын нығытҡан өсөн» Почётлы билдәһе
Әзербайжан Әзербайжан 2016[61] «Әзербайжандың дуҫы» ордены («Минең Әзербайжаным» журналы редакцияһы)

Иҫкәрмәләр[үҙгәртергә | вики-тексты үҙгәртергә]

  1. Брокгауз энциклопедияһы
  2. Munzinger Personen
  3. Избран новый президент Киргизии
  4. Президент Киргизии получил девятый дан по тхэквондо
  5. Жазгуль МАСАЛИЕВА Алмазбек Атамбаев спокоен за будущее Кыргызстана (2017-11-24).
  6. Аида ДЖУМАШОВА Освобождение Батукаева. Алмазбека Атамбаева приговорили к 11 годам тюрьмы (2020-06-23).
  7. Ксения Темникова Верховный Суд Киргизии отменил приговор по делу экс-президента Атамбаева (2020-11-30).
  8. [«Эксклюзивное интервью экс-президента Кыргызстана Алмазбека Атамбаева телеканалу „Апрель“», April.kg, https://april.kg/ru/article/eksklyuzivnoe-intervyu-eksprezidenta-kirgizstana-almazbeka-atambaeva-telekanalu-aprel-polnaya-versiya]
  9. 100 самых богатых людей Кыргызстана 2003 года. — АКИpress, 12.01.2004
  10. [«Атамбаев, Алмазбек Шаршенович», ТАСС, https://tass.ru/encyclopedia/person/atambaev-almazbek-sharshenovich]
  11. [«Справка: биография новоизбранного президента Кыргызстана А. Атамбаева», сайт http://russian.people.com.cn/ газеты «Жэньминь Жибао», http://russian.people.com.cn/31519/7631689.html]
  12. Первый вице-премьер Киргизии Алмазбек Атамбаев подал президенту прошение об отставке(недоступная ссылка)
  13. Жогорку Кенеш не избрал Омурбека Текебаева спикером
  14. Парламент Киргизии утвердил состав нового правительства
  15. СМИ: Телохранитель Атамбаева возглавил 9-ю службу ГКНБ, Вечерний Бишкек. 24 июль 2017 тикшерелгән.
  16. Tazabek. «В открытом доступе»: ТОП-100 богатейших людей Кыргызстана и сотня претендентов, упомянутых в дополнительном списке? (полный список) — Tazabek  (рус.), Tazabek.kg (24 июль 2017). 24 июль 2017 тикшерелгән.
  17. Бывший водитель главы Киргизии стал заместителем руководителя аппарата президента - ИА REGNUM  (рус.), ИА REGNUM. 24 июль 2017 тикшерелгән.
  18. Советником Атамбаева во второй раз стал его бывший водитель. 24 июль 2017 тикшерелгән.
  19. Как это было. Вся правда об убийстве полковника МВД Киргизии Ч. Алиева. 24 июль 2017 тикшерелгән. 2017 йылдың 30 июль көнөндә архивланған.
  20. Бывшему телохранителю соратника Отунбаевой отменили пожизненный срок. 24 июль 2017 тикшерелгән.
  21. Чолпон Джакупова: После принятия поправок в Конституцию от парламентаризма останутся рожки да ножки. Фергана - международное агентство новостей. 24 июль 2017 тикшерелгән.
  22. Заявление экс-президента Кыргызской Республики Отунбаевой Розы Исаковны, КАБАРЛАР - Всегда первый! (27 февраль 2017). 24 июль 2017 тикшерелгән.
  23. Активисты потребовали от Атамбаева прекратить преследования правозащитников, Заноза. 24 июль 2017 тикшерелгән. 2017 йылдың 30 июль көнөндә архивланған.
  24. Бывший экс-президент. Атамбаева лишили неприкосновенности
  25. K-News Алмазбек Атамбаев выступил с заявлением. K-News (2019-08-08). 8 август 2019 тикшерелгән.
  26. Как Атамбаева просили сдаться — видео переговоров в доме.
  27. Экс-президент Киргизии Атамбаев задержан.
  28. Алмазбек Атамбаев сдался властям.
  29. Бывший президент Киргизии Атамбаев арестован до 26 августа. Коммерсантъ (2019-08-09).
  30. Атамбаева приговорили к 11 годам и двум месяцам лишения свободы  (рус.) (20200623T1223). 23 июнь 2020 тикшерелгән.
  31. Судья удалил экс-президента Киргизии из зала суда до конца слушаний. РИА Новости (2020-06-01).
  32. Экс-президент Киргизии Атамбаев приговорен к лишению свободы по делу о коррупции. ГАЗЕТА.ru (2020-06-23).
  33. За что экс-президенту Киргизии Атамбаеву дали 11 лет тюрьмы. Московский комсомолец (2020-06-23).
  34. Экс-президента Киргизии Алмазбека Атамбаева освободили из СИЗО. 5 октябрь 2020 тикшерелгән.
  35. Почему Атамбаева задержали не в Кой-Таше
  36. Президент Киргизии Атамбаев выпустил новый клип со своей песней | РИА Новости
  37. damir batyrbekov где Атамбаев украл свой первый миллион (2014-02-21). 24 июль 2017 тикшерелгән.
  38. Атамбаев: Казахские сенаторы «сожрут ложку кала, если прикажет начальник»
  39. Указ Президента Кыргызской Республики от 22 апреля 1999 года УП № 106 «О награждении медалью „Данк“ Атамбаева А. Ш.»
  40. Атамбаев, Алмаз Президент Киргизии
  41. 41,0 41,1 41,2 41,3 41,4 41,5 Лишён государственных наград по решению суда. Экс-президент Киргизии Атамбаев приговорен к лишению свободы по делу о коррупции. ГАЗЕТА.ru (2020-06-23).
  42. за плодотворную деятельность в развитии промышленного производства
  43. Указ Президента Кыргызской Республики от 27 ноября 2007 года № 518 «О награждении орденом „Данакер“ Атамбаева А. Ш.»
  44. Киргизия: Исполняющий обязанности премьер-министра А.Атамбаев отправлен в отставку
  45. за большой вклад в социально-экономическое развитие республики, плодотворную работу по сохранению межнационального согласия
  46. Распоряжение Президента Кыргызской Республики от 29 ноября 2011 года РП № 185 (О награждении именными часами за значительный вклад в поступательном и устойчивом развитии и становлении государственной власти)
  47. за значительный вклад в поступательное и устойчивое развитие и становление государственной власти
  48. Указ Президента Кыргызской Республики от 30 ноября 2011 года УП № 311 «О награждении государственными наградами государственных и общественных деятелей республики»
  49. Роза Отунбаева наградила государственных и общественных деятелей (список)
  50. за гражданскую ответственность и мужество, проявленные в годы борьбы с авторитарными семейно-клановыми режимами, последовательное отстаивание идей демократии, свободы слова и мирных собраний, активное участие в проведении конституционной реформы, формировании основ парламентской демократии, а также в связи с успешным завершением переходного периода, после Апрельской Народной революции 2010 года
  51. Указ Президента Кыргызской Республики от 30 ноября 2011 года УП № 312 «О награждении специальным нагрудным знаком „Апрель элдик революциясынын баатыры“ („Герой апрельской народной революции“)»
  52. в знак признания особых заслуг участников событий 6-7 апреля 2010 года в свержении коррумпированного антинародного режима, в целях воспитания патриотизма
  53. Указ Президента Кыргызской Республики от 27 ноября 2017 года УП № 1 «О присвоении высшей степени отличия „Кыргыз Республикасынын Баатыры“ А. Ш. Атамбаеву»
  54. Алмазбеку Атамбаеву присвоена высшая степень отличия «Кыргыз Республикасынын Баатыры». prezident.kg. 28 ноябрь 2017 тикшерелгән.
  55. за исключительные заслуги перед народом, выдающийся вклад в укрепление государственной независимости Кыргызстана, единства народа, мира и согласия в стране, создание прочного фундамента для устойчивого развития Кыргызской Республики, а также проявленные политическую волю и мужество
  56. State Awards Issued by Georgian Presidents in 2003-2015  (инг.). IDFI. 12 май 2019 тикшерелгән.
  57. Укази о одликовањима 2013 йылдың 1 март көнөндә архивланған.
  58. Встреча с Президентом Кыргызской Республики Алмазбеком Атамбаевым, прибывшим в Казахстан с государственным визитом 2014 йылдың 17 декабрь көнөндә архивланған.
  59. Путин наградил президента Киргизии Атамбаева орденом Александра Невского
  60. Глава Якутии наградил Атамбаева за укрепление мира и дружбы народов. Тәүге сығанаҡтан архивланған 1 декабрь 2017. 22 ноябрь 2017 тикшерелгән. 2017 йылдың 1 декабрь көнөндә архивланған.
  61. Журнал «Мой Азербайджан» удостоил президента Кыргызстана орденом «Друг Азербайджана»

Һылтанмалар[үҙгәртергә | вики-тексты үҙгәртергә]

Ҡалып:Президенты Киргизии Ҡалып:Премьер-министры Киргизии