Ҡарамышев Ғәлимйән Харис улы

Ғәлимйән Ҡарамышев
	Ғәлимйән Ҡарамышев
Исеме:	Ҡарамышев Ғәлимйән (Ғәлим, Әлим) Харис улы
Тыуған ваҡыты:	4 декабрь 1903
Тыуған урыны:	Өфө губернаһы Стәрлетамаҡ өйәҙе Маҡар ауылы
Вафат ваҡыты:	20 ғинуар 1977 (73 йәш)
Вафат урыны:	БАССР Өфө ҡалаһы
Гражданлығы:	Рәсәй империяһы → СССР
Театр:	Башҡорт дәүләт академия драма театры
	\|\| \|\|Башҡорт АССР-ының халыҡ артисы

Википедияла Ҡарамышев фамилиялы башҡа кешеләр тураһында мәҡәләләр бар.

Ҡарамышев Ғәлимйән (Ғәлим, Әлим) Харис улы (4 декабрь 1903 йыл — 20 ғинуар 1977 йыл) — башҡорт театр актёры. РСФСР‑ҙың (1955) һәм Башҡорт АССР-ының (1940) халыҡ артисы. Хеҙмәт Ҡыҙыл Байраҡ (1955) һәм «Почёт Билдәһе» (1944) ордендары кавалеры.

Биографияһы

Ғәлимйән Ҡарамышев, Ғәлимйән (Ғәлим, Әлим) Харис улы Ҡарамышев 1903 йылдың 4 декабрендә Өфө губернаһы Стәрлетамаҡ өйәҙе^[1] Маҡар ауылында тыуған.

1926—1927 йылдарҙа Мәскәүҙәге Дәүләт кинематография институтында уҡый.

1919—1970 йылдарҙа (өҙөклөктәр менән) Башҡорт дәүләт академия драма театры актёры.

Ижады

Ҡарамышев сәнғәте көслө һәм сағыу комизм, тәьҫирлелек, характерҙы теүәл асып биреү менән айырылып тора. Төп репертуары сатирик йүнәлештәге киҫкен характерлы ролдәрҙән тора:

классик рус драматургияһында — Бобчинский («Тикшереүсе»), Кочкарёв («Өйләнеү», икеһе лә — Н. В. Гоголь), Шмага («Ғәйепһеҙ ғәйеплеләр», А. Н. Островский), Серебряков («Ваня ағай», А. П. Чехов); хәҙерге заман — Незеласов («Бронепоезд 14—69», Вс. Иванов), Кокорышкин («Ябырылыу», Л. М. Леонов);
башҡорт — Исмәғил («Ғәлиәбаныу»), Күсәрбай («Таңсулпан», Ҡ. Даян). Байтаҡ трагик образдар ижад итә: Фәхри («Ҡара йөҙҙәр», М. Ғафуриҙың шулай уҡ исемле повесы буйынса Ғ. Әмири һәм В. Ғ. Ғәлимов инсценировкаһы), Кинйәбай («Зимагорҙар», С. М. Мифтахов), Пугачёв («Салауат батыр», Ф. М. Сөләймәнова). «Сыңрау торна» («Журавлиная песнь») фильм-балетында төшә (Свердловск к/ст, 1959).

Маҡтаулы исемдәре һәм башҡа бүләктәре

РСФСР‑ҙың халыҡ артисы (1955)
РСФСР‑ҙың атҡаҙанған артисы (1949)
Башҡорт АССР-ының халыҡ артисы (1940)
БАССР‑ҙың атҡаҙанған артисы (1935)
Хеҙмәт Ҡыҙыл Байраҡ ордены (1955)
«Почёт Билдәһе» ордены (1944).

Хәтер

Өфөлә Ҡарамышев йәшәгән йортҡа мемориаль таҡтаташ ҡуйылған.

Әҙәбиәт

Юрий Узиков. Исторические памятники Уфы. [1] (рус.) «Китап» нәшриәте, 1999, 165 с. ISBN 5-295-02294-3. Ленина улица, 65 А

Иҫкәрмәләр

↑ Хәҙер Башҡортостан Республикаһының Ишембай районы

Һылтанмалар

Ҡарамышев Ғәлимйән Харис улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 3 декабрь 2022)
YouTube сайтында Ҡарамышевтар

[1] Хәҙер Башҡортостан Республикаһының Ишембай районы

[1]