Ибәтуллин Зәйнулла
| Ибәтуллин Зәйнулла | |
| Зат | ир-ат |
|---|---|
| Тыуған көнө | 1891 |
| Тыуған урыны |
Силәбе өйәҙе, Ырымбур губернаһы, Рәсәй империяһы Ҡорамша, Ҡолой ауыл биләмәһе, Арғаяш районы, СССР |
| Вафат булған көнө | март 1919 |
| Вафат булған урыны | Силәбе, Ырымбур губернаһы, Совет Рәсәйе |
| Һөнәр төрө | Рәсәйҙә Граждандар һуғышы |
| Хәрби звание | фельдфебель[d] |
| Маҡтаулы исемдәре һәм башҡа бүләктәре |
 |
Ибәтуллин Зәйнулла (1891 йыл — март 1919 йыл) — совет эшмәкәре. Беренсе донъя һәм Рәсәйҙәге Граждандар һуғыштарында ҡатнашыусы, тулы Георгий таҫмаһы кавалеры.
Биографияһы
[үҙгәртергә | сығанаҡты үҙгәртеү]Зәйнулла Ибәтуллин 1891 йылда Ырымбур губернаһы Силәбе өйәҙенең (хәҙер Силәбе өлкәһе Арғаяш районы) Ҡорамша ауылында тыуған. Белеме — башланғыс.
Беренсе донъя һуғышында фелдьфебель званиеһендә хеҙмәт иткән. Һуғышта күрһәткән батырлыҡтары өсөн дүрт Георгий тәреһе һәм дүрт Георгий «Батырлыҡ өсөн» миҙалдары менән бүләкләнә. Силәбе башҡорттары араһында тулы Георгий таҫмаһы кавалеры булған башҡа берәү ҙә юҡ[1].
Зәйнулла Ибәтуллин һуғыштан һуң Мөхәмәтҡолой улусына ҡайта. Улус совет власына ҡаршы булған Ҡорбанғәлиевтар ҡулында була[1]. 1918 йылда Силәбе өйәҙе Мөхәмәтҡол улусының эшсе-крәҫтиәндәр һәм ҡыҙылармеецтар эштәре буйынса Совет рәйесе булып һайлана. Бында ул совет власын урынлаштырыуҙа ҙур эштәр башҡара. 1918 йылдың көҙөндә, башҡорт мосолман частары төҙөлгәндә, Зәйнулла Ибәтуллин аҡтар армияһына хеҙмәткә алына. Көнбайыш армия генералы М. В. Ханжин бойороғо буйынса 1919 йылдың 11 мартында хәрби ялан судына тапшырыла. Ул һалдаттар араһында ҡыҙылдарға бирелергә агитация алып барыуҙа, Силәбеләге аҡ офицерҙарҙы һәм Юғары идараны юҡ итергә йыйыныуҙа ғәйепләнә. 1919 йылдың мартында Зәйнулла Ибәтуллинды аҡтар армияһының контрразведкаһы атып үлтерә.
Наградалары
[үҙгәртергә | сығанаҡты үҙгәртеү]- 4 Георгий тәреләре;
- «Батырлыҡ өсөн» 4 Георгий миҙалдары.
Хәтер
[үҙгәртергә | сығанаҡты үҙгәртеү]Зәйнулла Ибәтуллиндың тыуған ауылы Ҡорамшала ойошторолған колхозға «Зәйни батыр» исеме бирелә[1].