Нәҙерғолов Миңлеғәли Хөсәйен улы

Миңлеғәли Нәҙерғолов

Нәҙерғолов Миңлеғәли Хөсәйен улы
Зат	ир-ат
Гражданлыҡ	СССР  Рәсәй
Тыуған көнө	7 октябрь 1953({{padleft:1953|4|0}}-{{padleft:10|2|0}}-{{padleft:7|2|0}}) (71 йәш)
Тыуған урыны	Ишбулды, Ҡашҡар ауыл Советы (Йылайыр районы), Йылайыр районы, Башҡорт АССР-ы, РСФСР, СССР
Һөнәр төрө	ғалим
Эш урыны	Башҡорт дәүләт университеты Мифтахетдин Аҡмулла исемендәге Башҡорт дәүләт педагогия университеты
Уҡыу йорто	Башҡорт дәүләт университеты
Ғилми дәрәжә	филология фәндәре докторы[d]
Әүҙемлек урыны	Тарих, тел һәм әҙәбиәт институты (РФА Өфө фәнни үҙәге)
Маҡтаулы исемдәре һәм башҡа бүләктәре	Башҡортостан Республикаһының атҡаҙанған мәҙәниәт хеҙмәткәре[d]

Нәҙерғолов Миңлеғәли Хөсәйен улы (7 октябрь 1953 йыл) — башҡорт әҙәбиәте белгесе, юғары мәктәп уҡытыусыһы. Филология фәндәре докторы (2010). 2003 йылдан Башҡортостандың Яҙыусылар союзы ағзаһы. Башҡортостан Республикаһының атҡаҙанған мәҙәниәт хеҙмәткәре (2007), Ғәли Соҡорой исемендәге премия лауреаты (2013).

Биографияһы

• Миңлеғәли Хөсәйен улы Нәҙерғолов 1953 йылдың 7 октябрендә Башҡорт АССР-ының Матрай районы (1993 йылдан Башҡортостан Республикаһының Йылайыр районы) Ишбулды ауылында тыуған. Баймаҡ мәктәп-интернатында урта белем ала. 1971—1973 йылдарҙа әрмелә хеҙмәт итә. Йылайыр район Советы башҡарма комитетының физик культура һәм спорт комитеты рәйесе була.
• 1980 йылда Башҡорт дәүләт университетының филология факультетын тамамлай.
• 1980 йылдан алып Рәсәй Фәндәр Академияһы Өфө ғилми үҙәгенең Тарих, тел һәм әҙәбиәт институты|Тарих, тел һәм әҙәбиәт институтында эшләй. 1997 йылдан алып әҙәбиәт бүлеге мөдире.
• 1981—1990 һәм 2009—2010 йылдарҙа (1987—1989 йылдарҙа етәксе) археографик экспедицияларҙа ҡатнаша.
• Башҡорт дәүләт университетында һәм Башҡорт дәүләт педагогия университетында лекциялар уҡый.

Ғилми эшмәкәрлеге

Миңлеғәли Нәҙерғоловтың ғилми тишеренеүҙәре башҡорт әҙәбиәте тарихына, археографияға, текстологияға, әҙәби тәнҡиткә арналған. Әбделҡадир Инан, Ғәли Соҡорой, Фазыл Туйкин, Ризаитдин Фәхретдинов, Ғарифулла Кейеков һәм башҡаларҙың әҫәрҙәрен текстологик яҡтан тикшереп, баҫмаға әҙерләй. «Башҡорт әҙәбиәтенең тарихи-функциональ жанрҙары» («Историко-функциональные жанры башкирской литературы», 2002), «XVI—XX бб. башындағы башҡорт тарихи-әҙәби әҫәрҙәре» («Башкирские историко-литературные сочинения XVI — начала XX века», 2013) китаптарында шәжәрә, тәуарих һәм тарихнамәнең барлыҡҡа килеү тарихы һәм үҫеше яҡтыртылған. 6 томлы «Башҡорт әҙәбиәте тарихы» (1990—1996) баҫмаһының авторҙашы, башҡорт әҙәбиәте антологияһы һ.б. төҙөүселәрҙең береһе. 170-тән ашыу фәнни хеҙмәт авторы.

Хеҙмәттәре

• XVI—XX быуат башы башҡорт тарихи яҙмаларының стиль үҙенсәлектәре. Өфө, 2004 й.
• Краткое описание фонда М.Уметбаева из архива Уфимского научного центра РАН. Уфа,1993.  (рус.)
• Историко-функциональные жанры башкирской литературы. Уфа, 2002.  (рус.)
• Башкирские историко-литературные сочинения 16- начала 20 века. Уфа, 2013.  (рус.)

Маҡтаулы исемдәре һәм башҡа бүләктәре

• Башҡортостан Республикаһының атҡаҙанған мәҙәниәт хеҙмәткәре (2007).
• Рәсәй Фәндәр Академияһы Президумының Маҡтау грамотаһы.
• Рәсәй Тарихсы-архивсылар йәмғиәтенең Маҡтаулы билдәһе.
• Башҡортостан Республикаһы Матбуғат һәм киң мәғлүмәт саралары министрлығының Маҡтау грамотаһы.
• Өфө ҡала мэрияһының Маҡтау грамотаһы.
• Ғәли Соҡорой исемендәге премия лауреаты (2013).

Һылтанмалар

• Нәҙерғолов Миңлеғәли Хөсәйен улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9.

Сығанаҡтар

• Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанное и дополненное второе издание. — Уфа: Китап, 2015. — 672 с. ISBN 978-5-295-06338-1  (рус.)  (Тикшерелеү көнө: 15 май 2019)
• Писатели земли башкирской. Справочник / Сост.: Р. Н. Баимов, Г. Н. Гареева, Р. Х. Тимергалина. — Уфа: Китап, 2006. — 496 с.  (рус.)  (Тикшерелеү көнө: 15 май 2019)