Шайтан (йылға)

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Шайтан
Фото0857.jpg
Характеристика
Оҙонлоғо 27 км
Һыу ағымы
Тамағы Оло Көйөргәҙе
 · Координаталар 52°49′23″ с. ш. 55°32′19″ в. д.HGЯO
Урынлашыуы
Һыу бассейны Яйыҡ

Ил Рәсәй Рәсәй
Регион Башҡортостан
Рәсәй һыу реестры
12010000712112200006985
Код бассейна 12.01.00.007
Код по ГИ 112200698
Том ГИ 12 (выпуск 2)[1]

Шайтан йылғаһыКөйөргәҙе районы биләмәһендә урынлашҡан йылға. Ул Ялсыҡай ауылы эргәһенән баш ала һәм Яҡуп ауылы эргәһендә Оло Көйөргәҙегә ҡоя. Тәү исеме Шайтан Уяҙы. Уның буйында Ялсыҡай, Саратовка, Сергеевка, Үрге Мотал, Васильевка, Урта Мотал, Түбәнге Мотал, Яҡуп ауылдары һыулаған. Ҡыҙғанысҡа ҡаршы ул ауылдарҙың күбеһе бөгөн юҡ. Ни бары ике ауыл ҡалған. Һуңғы йылдарҙа Үрге Мотал ауылы тергеҙелде.

Архив материалдарына ҡарағанда йылға элек Шайтан- Уяҙы тип аталған. 1831 йылда Яҡуп ауылына Борай районынан күсеп килеүсе Касаев Мәхмүт генерал-губернаторҙан Шайтан-Уяҙы буйында өс ташлы тирмән төҙөү тураһындағы документ теркәлгән.[2]

Халыҡ ижадынан[үҙгәртергә | вики-тексты үҙгәртергә]

Бынан 2 быуат элекке замандарҙа булған был ваҡиға. Шайтан- Уяҙы йылғаһы ул ваҡытта ярҙарынан ашып ағыр булған. Аттар кисеүҙән йөҙөп сығыр булған. Шулай йәшәгән халыҡ. Һыуы ул саҡта бик- бик таҙа булған. Элек ауыл халҡы Ҡурғаҙы(хәҙер Ермолаево тип үҙгәртелгән) ауылы баяры Шоттҡа ялланып ураҡ урған. Ураҡҡа барған ваҡытта, күрәһең, һыу әҙерәк булғандыр. Ҡайтҡанда Шотт баярынан алған игенен алып ҡайтып килгән атлы башҡорт, Шайтан- Уяҙы йылғаһын сыҡҡан саҡта аты туғарылып, арбаһы бер яҡҡа, аты икенсе яҡҡа ағып киткән. Әлбиттә аты йөҙөп сыҡҡан, тик арбаһыҙ ҡалған. Шунан был кеше йылғаға ҡарап был Уяҙы түгел, ә Шайтан тигән. Шунан алып йылға Уяҙы -Шайтан булып киткән. Шунан Шайтан- Уяҙыға әйләнгән, ә әлеге ваҡытта тик Шайтан тигән һүҙе генә ҡалған.

Ә хәҙер яҡташыбыҙ Өлфәт Ҡобағошовтоң «Таймаҫ ауылы» китабын ҡарап китәйек. 17-се бит. Ырымбур губернаһының 1802 йылғы картаһына күҙ һалайыҡ-ти ул: Оло Көйөргәҙенең ҡушылдығы Шайтан -Уяҙы буйлап Бөрйән олоҫы Монаш түбәһенә ҡараған өс ауыл: Иҫке Мотал-Бөрйән йылғаһы буйында, Мотал — Туҡмаҡҡаран буйында һәм Шайтан-Уяҙы йылғаһы буйлап юғарыраҡ Яңы Мотал исемле ауылдар урынлаштырылған.

Шайтан-Уяҙы йылғаһының түбәнге ағымында бошман ҡыпсаҡ ырыуының Бугимәш түбәһенә ҡараған, 1864 йылдан Бөрйән улусы үҙәгенә әүерелгән боронғо башҡорт ауылы Яҡуп урынлашҡан. Был ауылда 1770 йылда академик Иван Лепехин булып китә.Ул бында атаҡлы абыҙҙы «знатногои ученого абыза- учителя» ғилем алыусы бик күп шәкерттәрҙе күрә.[3] ул шулай уҡ был ауылда ауырыу ҡатынды дауалаусы Шайтан Күрәҙәнең Шайтан ҡыуыуын үткәргәненә шаһит була. Бәлки ошо Шайтан-Күрәҙәсе исеменә лә бәйлелер, кем белә.

Иҫкәрмәләр[үҙгәртергә | вики-тексты үҙгәртергә]

  1. Ресурсы поверхностных вод СССР: Гидрологическая изученность. Т. 12. Нижнее Поволжье и Западный Казахстан. Вып. 2. Урало-Эмбинский район/ Под ред. З. Г. Марковой. — Л.: Гидрометеоиздат, 1966. — 152 с.
  2. Башҡортостан Республикаһы Үҙәк дәүләт архивы фонд.1-се. 2587-се эш.
  3. Ә. Әсфәндиәров. История башкирских деревень. Том 1.208-се бит.

Әҙәбиәт[үҙгәртергә | вики-тексты үҙгәртергә]

Ө. Ҡобағошов. Таймаҫ ауылы.

  • Диҡҡәт Бураҡаев. Мөғжизәләр донъяһына сәйәхәт.