Арыҫланов Ибәтулла Йәғәфәр улы

Википедия — ирекле энциклопедия мәғлүмәте
Перейти к навигации Перейти к поиску
Ибәтулла Йәғәфәр улы Арыҫланов
Башҡортостан АССР-ының Баш суды рәйесе
1932 — 1935
 
Тыуған: 1891({{padleft:1891|4|0}})
Рәсәй империяһы, Ырымбур губернаһы, Ырымбур өйәҙе, 2‑се Кинйәабыҙ ауылы
Үлгән: 10 июль 1938({{padleft:1938|4|0}}-{{padleft:7|2|0}}-{{padleft:10|2|0}})
СССР, РСФСР, Башҡортостан АССР-ы, Өфө ҡалаһы
Балалары: Йәүҙәт

Ибәтулла Йәғәфәр улы Арыҫланов (1891(1891)10 июль 1938) — совет партия-дәүләт эшмәкәре, юрист. Башҡортостан АССР-ының Баш суды рәйесе (1932—1935).

Биографияһы[үҙгәртергә | вики-тексты үҙгәртергә]

Арыҫланов Ибәтулла Йәғәфәр улы 1891 йылда Рәсәй империяһы Ырымбур губернаһы Ырымбур өйәҙе 2‑се Кинйәабыҙ ауылында (хәҙерге Башҡортостан Республикаһы Көйөргәҙе районы Кинйәабыҙ ауылы) тыуған. Сығышы менән Арыҫлановтар нәҫеленән. Милләте буйынса — башҡорт[1].

1914—1917 йылдарҙа батша армияһында хеҙмәт итә, Беренсе донъя һуғышында ҡатнаша. 1918 йылдан Ҡыҙыл Армия составында Рәсәйҙәге Граждандар һуғышында ҡатнаша.

1920‑се йылдарҙан Башҡортостан АССР-ының Йылайыр һәм Стәрлетамаҡ кантондарында дәүләт һәм партия эшмәкәре булып тора.

1932 йылда Мәскәүҙә Юғары юридик курстарҙы тамамлай. 1932—1935 йылдарҙа Башҡортостан АССР‑ының Баш суды рәйесе вазифаһын үтәй.

1935—1937 йылдарҙа «Башнефть» тресында идарасы ярҙамсыһы булып эшләй.

1937 йылдың 27 декабрендә ҡулға алына, үлем язаһына хөкөм ителә. 1938 йылдың 10 июлендә атыла. 1956 йылдың 10 майында аҡлана[1].

Ғаиләһе[үҙгәртергә | вики-тексты үҙгәртергә]

Улы — Йәүҙәт Ибәтулла улы Арыҫланов (1922—1943), осоусы, Бөйөк Ватан һуғышында ҡатнашыусы[2].

Иҫкәрмәләр[үҙгәртергә | вики-тексты үҙгәртергә]

  1. 1,0 1,1 Арасланов Ибатулла Ягафарович // Книга памяти Республики Башкортостан.
  2. Арсланов Яудат Ибатуллович. «Я ПАТРИОТ» РБ (2015-07-27). 23 май 2018 тикшерелгән.

Һылтанмалар[үҙгәртергә | вики-тексты үҙгәртергә]