Ас-Саффәт сүрәһе

Википедия — ирекле энциклопедия мәғлүмәте
(Ас-Саффат сүрәһе битенән йүнәлтелде)
Ас-Саффәт сүрәһе
سورة الصافات

Ас-Саффәт сүрәһе
Синыфы

Мәккә

Мәғәнәһе

Сафтарҙа тороусылар

Статистика
Сүрә номеры

37

Аяттар һаны

182

Жуз

23

Руҡуғ

5

Алдағы сүрә

Йа Син сүрәһе

Киләһе сүрә

Саад сүрәһе

QuranAcademy.org

Ас-Саффәт сүрәһе (ғәр. سورة الصافات‎, Сафтарҙа тороусылар ) — Ҡөрьән Кәримдең 37 сүрәһе. Мәккәлә иңгән сүрә, 182 аяттан тора. Сүрәнең беренсе аятында сафҡа теҙелгән фәрештәләр тураһында һөйләнә. Исеме шунан килә. «Саффәт» — бер сафтағылар, тигән һүҙ.

Транскрипцияһы[үҙгәртергә | сығанаҡты үҙгәртеү]

1-6. Үә-ссааффәәти саффә. Фәззәджираати зәджра. Фәттәәлийәәти ҙиҡра. Иннә иләәһәкүм ләүәәхид. Раббүссәмәәүәәти үәл-ардыи үә мәә бәйнәһүммә үә раббүл-мәшәәриҡ. Иннәә зәййәннәәссәмәәә-ддүнйәә бизиинәтил-кәүәәкиб.

7-11. Үә хифзам миң күлли шәйтааним мәәрид. Ләә йәссәммәғүүнә иләлмәләил-әғләә үә йуҡҙәфүүнә миң күлли джәәниб. Дүхүүрау үә ләһүм ғәҙәәбүү үәәсыиб. Илләә мән хатыифәл-хатфәтә фәәт-бәғәһү шиһәәбүң ҫәәҡиб. Фәстәфтиһим ә һүм әшәддү хальҡан әм мән халәҡнәә иннәә халәҡнәәһүм миң тыиинил ләәзиб.

12. Бәл ғәджибтә үә йәсхаруун.

Йөкмәткеһе[үҙгәртергә | сығанаҡты үҙгәртеү]

Бер аллалыҡ хәбәр ителгәндән һуң, сүрәлә үлгәндән һуң тергеҙелеүгә инаныс тураһында бәйән ителә. Быға шикләнеп ҡараусыларға сүрә ҡиәмәт көнө ҡапыл киләсәк тип янай. Ҡиәмәт көнө мотлаҡ киләсәге тураһында сүрәлә дәлилдәр килтерелә — был Аллаһ өсөн еңел тип әйтелә.

Тәҡүә кешеләр мәңгелек донъяла рәхәт сигәсәк, Аллаһы Тәғәләгә шөкөр итәсәк, гонаһлыларҙың утта янғанын күреп, үҙҙәрен гонаһтарҙан һәм Кафырлыҡтан һаҡлаған өсөн Хаҡ Тәғәләгә рәхмәтле буласаҡ. Сүрәлә Ахирәт, Йәннәт һәм Йәһәннәм һүрәтләнә.

Төрлө ваҡытта, төрлө кешеләр менән төрлө хәлдәр булғанын тасуир иткәндән һуң, сүрәнең мөьминдәргә әһәмиәте аңлатыла, күп аллалыҡта Аллаһы Тәғәләнең балалары бар тип иҫбатлау кире ҡағыла. Фәрештәләр һәм ендәр тураһында хәбәр ителә[1]

« (Ғибәҙәт ҡылырға, тип) саф-саф теҙелгән фәрештәләр исеме менән; һәм яманлыҡтан тыйылып, (Ҡөрьән уҡып, Аллаһты) зекер иткәндәр исеме менән ант итәм: Хәҡиҡәт шулдыр — һеҙҙең Тәңрегеҙ бер генә. Күктәр һәм Ер араһындағы бөтөн барлыҡтың хужаһы бер Аллаһ. Ҡояштың сығышы ла Аллаһ әмерендә.Аллаһтан башҡаға табынған нәмәләрҙе (боттар, һындар, Илаһ урынына тотола торған һәйкәлдәрҙе) бергә туплағыҙ ҙа, йәһәннәмгә алып бара торған юлға сығары​ғыҙ. Хаҡтыр, Беҙ иң яҡын Күкте зиннәтле йондоҙҙар менән биҙәп ҡуйҙыҡ. (Тимәк, беҙ Ерҙән күргән йондоҙҙар, йолдоҙлоҡтар — беренсе ҡат Күктең биҙәктәре. Инде һин уларҙан (мөшриктәрҙән) һора: — Юҡтан бар итеп яралтыу эштәрендә улар (һындар, боттар) ҡеүәтлерәк яһалғанмы, әллә (фәрештәләр, күктәр, Ер йөҙө һәм улар араһындағы) бөтөн барлыҡмы? — тип. Хаҡтыр, Беҙ уларҙы (кешеләрҙе) йәбешкәк балсыҡтан яралттыҡ.(Ҡөрьән аяттары ярҙамында) үҙҙәренә вәғәз уҡылһа ла, өгөт бирелһә лә, ҡабул итмәҫтәр. Алдарына (Аллаһтың мөғжизәһе булған аяттарҙы) сығарып ҡуйһаң да, мәсхәрә итерҙәр. — Был — күҙ буяуҙан башҡа бер нимә лә түгел, — тинеләр. — Үлеп, тупраҡ булғандан һуң, серек һөйәк өйөмөнә әүерелгәс тә беҙ яңынан тереләсәкбеҙме? Боронғо бабала​рыбыҙ ҙа шулай тереләсәкме? — тинеләр. Һин әйт уларға: — Әлбиттә (тереләсәкһегеҙ). Тереләсәкһегеҙ ҙә, хурлыҡҡа ла ҡаласаҡһығыҙ, — тип.Шунан һуң бары тик бер ҡаты ауаз килер (Сурға икенсе тапҡыр өрөлөр). Һәм уларҙың күҙе асылыр (улар үҙҙәре ҡылған яманлыҡтары өсөн ниндәй яза биреләсәген ап-асыҡ күрер). (20) — Эшебеҙ яман, яза Көнө килеп етте, — тип әйтерҙәр. (21) (Шунан бер ауаз яңғырар). — Әйе, был һеҙ ялғанға һанаған (яҡшыны — ямандан, гөнаһ​ты — сауаптан) айырыу Көнө! (Фәрештәләргә әйтербеҙ): — Бөтөн кәферҙәрҙе — залимдарҙы һәм уларға иш бул​ғандарҙы: Аллаһтан башҡаға табынған нәмәләрҙе (боттар, һындар, Илаһ урынына тотола торған һәйкәлдәрҙе) бергә туплағыҙ ҙа, йәһәннәмгә алып бара торған юлға сығары​ғыҙ.
Ас-Саффат 37:1—23 (Мөхәммәт)
»

Һылтанмалар[үҙгәртергә | сығанаҡты үҙгәртеү]

  • Сура 37. Ас-Саффат // Йусуф Али «The Holy Qur’an» (Священный Коран: Текст, перевод и комментарии), 1938 г.
  • Ҡөрьән [2]

Әҙәбиәт[үҙгәртергә | сығанаҡты үҙгәртеү]

  • Ҡөрьән Кәрим (Сауд Ғәрәбстанында нәшер ителгән Ҡөрьәндең фотокүсермәһе, ғәрәп тексының хәҙерге башҡорт яҙмаһы менән бирелгән транскрипцияһы, башҡортсаға тәржемәһе). — Өфө, Башҡортостан китап нәшриәте, 1992, 960 бит.
  • Ҡөрьән Кәрим (транскрипциялар) //мөх. Нурмөхәмәт Сөйәрғолов // — Стәрлетамаҡ: ҡала типографияһы, 2007. — 609 бит.

Иҫкәрмәләр[үҙгәртергә | сығанаҡты үҙгәртеү]

  1. Ҡөрьән [1].