Михалёв Сергей Михайлович

Википедия — ирекле энциклопедия мәғлүмәте
Унда күсергә: төп йүнәлештәр, эҙләү
Сергей Михайлович Михалёв
SMMikhalyov.jpg
Эшмәкәрлек төрө:

хоккейсы, тренер

Тыуған көнө:

5 октябрь 1947({{padleft:1947|4|0}}-{{padleft:10|2|0}}-{{padleft:5|2|0}})

Тыуған урыны:

Силәбе өлкәһе Шершни ҡасабаһы

Гражданлығы:

Совет Социалистик Республикалар Союзы СССРРәсәй флагы

Вафат булған көнө:

21 апрель 2015({{padleft:2015|4|0}}-{{padleft:4|2|0}}-{{padleft:21|2|0}}) (67 йәш)

Вафат булған урыны:

Силәбе өлкәһе Әшә ҡалаһы янындағы «М-5» федераль автомобиль юлы

Награда һәм премиялары:
II дәрәжә «Ватан алдындағы хеҙмәттәре өсөн» ордены миҙалы
«Башҡортостан Республикаһы алдындағы хеҙмәттәре өсөн» ордены
РСФСР-ҙың атҡаҙанған тренеры
Commons-logo.svg Сергей Михайлович Михалёв Викимилектә

Сергей Михайлович Михалёв (5 октябрь 194721 апрель 2015) — совет хоккейсыһы, СССР-ҙың спорт мастеры (1974). Шайбалы хоккей тренеры, 2-се дәрәжә «Ватан алдында күрһәткән хеҙмәттәре өсөн» орден миҙалы кавалеры (1996), РСФСР-ҙың атҡаҙанған тренеры һәм Башҡортостан Республикаһының атҡаҙанған физик культура хеҙмәткәре, «Башҡортостан Республикаһы алдындағы хеҙмәттәре өсөн» ордены кавалеры (2008).

Биографияһы[үҙгәртергә | вики-тексты үҙгәртергә]

Михалёв Сергей Михайлович 1947 йылдың 5 октябрендә Силәбе өлкәһенең Шершни ҡасабаһында (хәҙер Силәбе ҡалаһы составына инә) тыуған. Уның спорт карьераһы 1966 йылда «Буревестник» (Силәбе) хоккей клубында башлана. 1970 йылда уны Өфөгә «Салауат Юлаев» хоккей клубына саҡыралар. Башҡортостан ауыл хужалығы институтын (1974) һәм Үҙәк физик культура институтының Юғары тренерҙар мәктәбен тамамлаған (Мәскәү, 1979). «Трактор» (Силәбе) спорт клубы тәрбиәләнеүсеһе. 1970—1974 һәм 1975—1977 йылдарҙа Өфөнөң Салауат Юлаев исемендәге спорт клубы командаһында уйнай. 1979 йылдан — тренер эшендә, 1987 йылдан алып шул уҡ клубтың баш тренеры, был вазифала 1990 йылға тиклем булды. Артабан 1990 йылдан — «Лада» (Тольятти) хоккей командаһы тренеры, 1999 йылдан — «Северсталь» хоккей клубының (Череповец) баш тренеры. 1997 йылда уның етәкселегендә «Лада» Европа Кубогында алтын миҙал яуланы. 2005—2009 йылдарҙа һәм 2011 йылда — «Салауат Юлаев», 2010—2011 йылдарҙа «Лада» хоккей клубының спорт директоры, 2013 йылдан башлап генераль менеджеры; бер үк ваҡытта СССР-ҙың (1989, 1991) студенттар йыйылма командаһы тренеры, үҫмерҙәр (2000) һәм үҫмер спортсылар (2005—2006) Рәсәй йыйылма командаларының баш тренеры. 2005 йылдың ноябрендә Сергей Михалёв «Салауат Юлаев»тың баш тренеры вазифаһына кире ҡайтты һәм Өфө клубы 2007—2008 йылдар миҙгелендә тарихта тәүге тапҡыр Рәсәй чемпионы титулын яуланы. 2011 йылдың 30 майында ул өсөнсө тапҡыр «Салауат Юлаев»тың баш тренеры вазифаһына күсте. 2013 йылдың апреленән «Лада»ның генераль менеджеры булып эшләне. 2015 йылдың февралендә «Салауат Юлаев» хоккей клубының спорт мәсьәләләре буйынса генераль директоры вазифаһын биләне, Клуб идараһы составына инде. Уның тәрбиәләнеүселәре араһында 60-тан ашыу СССР һәм Рәсәй спорт мастеры бар.

2008 йылда Мәскәүҙең «Эсмо» нәшриәте «Тулы спорт энциклопедияһы» серияһында Сергей Михалёвтың урыҫ телендә «Тренер золотой мечты» (ISBN 5-699-31328-1 978-5-699-31328-0)[1] тигән китабын баҫтырып сығарҙы[2].

2014 йылда Сергей Михалёв Тольятти ҡала Думаһына депутат итеп һайлана[2].

Сергей Михалёв 2015 йылдың 21 апрелендә Силәбе ҡалаһынан хоккей тренеры Валерий Белоусовты ерләп[3] ҡайтып килгәндә Силәбе өлкәһе Әшә ҡалаһынан йыраҡ түгел «М-5» федераль автомобиль трассаһында юл-транспорт фажиғәһендә һәләк булды[4][5]. Мәрхүм менән хушлашыу Өфөлә («Өфө-Арена»)[6] һәм Тольятти ҡалаһында («Лада-Арена») үтте. Ғаиләһенең теләге буйынса Сергей Михайлович Михалёв Тольятти ҡалаһында ерләнде[7].[2]

21 апрелдә Ижевск ҡалаһында үткән «Ижсталь» һәм «Торос» командалары араһындағы Юғары хоккей лигаһының 5-се финал уйыны алдынан Сергей Михалёв иҫтәлегенә бер минут тынлыҡ иғлан ителде. Уйынсылар боҙға беләктәренә ҡайғы таҫмалары бәйләп сыҡты. 23 апрелдә был ике команда алтынсыға осрашты һәм унда «Торос» дүртенсе еңеүгә өлгәште (дөйөм иҫәп 4 : 2) һәм һуңғы дүрт йыл арауығында өсөнсө тапҡыр Братина кубогын яуланы. Уйындан һуң команданың баш тренеры Константин Полозов «Еңеүебеҙҙе фажиғәле һәләк булған билдәле хоккейсы һәм тренер Сергей Михалев иҫтәлегенә бағышлайбыҙ» тип белдерҙе[8].

Карьера[үҙгәртергә | вики-тексты үҙгәртергә]

Хоккейсы булғанда[үҙгәртергә | вики-тексты үҙгәртергә]

Баш тренер булғанда[үҙгәртергә | вики-тексты үҙгәртергә]

Спорт ҡаҙаныштары[үҙгәртергә | вики-тексты үҙгәртергә]

  • Gold medal icon.svg Баш тренер булғанда Рәсәй чемпионатының еңеүсеһе 2007/2008 (Салауат Юлаев)
  • Silver medal icon.svg Баш тренер булғанда Рәсәй чемпионатының көмөш призын алыусы 2002/2003 (Северсталь)
  • Bronze medal icon.svg Баш тренер булғанда Рәсәй чемпионатының бронза призын алыусы 2000/2001 (Северсталь)
  • Gold medal icon.svg Өлкән тренер булғанда Милләт-ара хоккей лигаһы чемпионатының ике тапҡыр еңеүсеһе 1993/1994, 1995/1996 (Лада)
  • Silver medal icon.svg Өлкән тренер булғанда Милләт-ара хоккей лигаһы чемпионатының ике тапҡыр көмөш призын алыусы 1992/1993, 1994/1995 (Лада)
  • Silver medal icon.svg Өлкән тренер булғанда Рәсәй чемпионатының көмөш призын алыусы 1996/1997 (Лада)
  • Gold medal icon.svg Өлкән тренер булғанда Европа Кубогында алтын миҙал яуланы 1997 (Лада)
  • Silver medal icon.svg 1989 йылғы Универсиадала көмөш призер булған СССР-ҙың студенттар йыйылма командаһын етәкләне
  • Silver medal icon.svg Рәсәйҙең юниорҙар йыйылма командаһының баш тренеры 2000

Наградалары һәм маҡтаулы исемдәре[үҙгәртергә | вики-тексты үҙгәртергә]

Хәтер[үҙгәртергә | вики-тексты үҙгәртергә]

  • Башҡортостанда Сергей Михалев иҫтәлегенә арналған хоккей турниры ойошторола. 2007 йылда тыуған йәш хоккейсылар ҡатнашҡан был бәйге 2017 йылда Стәрлетамаҡ ҡалаһында булды[9].
  • Һамар өлкәһенең Тольятти ҡалаһында Рәсәйҙең атҡаҙанған тренеры Сергей Михалёв иҫтәлегенә халыҡ-ара хоккей турниры үткәрелә[10].
  • 2015 йылдың 19 ноябрендә «Салауат Юлаев» (Өфө) һәм «Лада» (Тольятти) командаларының осрашыуы Сергей Михалёв иҫтәлегенә арналды. Уйын башланыр алдынан «Михалёв» фамилияһы яҙылған свитер «Өфө—Арена» боҙ һарайы көмбәҙенә күтәрелде — «Башинформ» мәғлүмәт агентлығы, 2015, 19 ноябрь[11].
  • Өфөлә тренер Сергей Михалёвтың портретына граффити барлыҡҡа киләсәк — «Башинформ» мәғлүмәт агентлығы, 2015, 13 ноябрь[12].
  • 17 августа 2015 года «Юлаевцы» посетили могилу Сергея Михалёва — «Башинформ» мәғлүмәт агентлығы, 2015, 17 август[13].

Сығанаҡтар[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

  1. Тренер золотой мечты
  2. 2,0 2,1 2,2 Самарская газета, 2015, 25 апреля
  3. В Челябинске прошла церемония прощания с хоккейным тренером Валерием Белоусовым. ТАСС, 2015, 20 апреля (рус.)
  4. Заслуженный тренер России по хоккею Сергей Михалев погиб в ДТП в Челябинской области. ТАСС, 2015, 21 апреля (рус.)
  5. Погиб заслуженный тренер России Сергей Михалёв. Чемпионат.com (21 апреля 2015). 21 апрель 2015 тикшерелгән.
  6. «Башинформ» мәғлүмәт агентлығы, 2015, 22 апрель
  7. Хоккейный тренер Сергей Михалев похоронен в Тольятти — РИА «Новости», 2015, 23 апреля (рус.)
  8. Ҡоростай торҙо «Торос»! «Башҡортостан» гәзите, 2015, 25 апрель
  9. В Башкирии пройдет турнир памяти Сергея Михалева. «Башинформ» мәғлүмәт агентлығы, 2017, 4 май (рус.){V|06|05|2017}}
  10. Йәш «Салауат Юлаев-2007» Сергей Михалёв мемориалында еңеүгә лайыҡ булды. «Башинформ» мәғлүмәт агентлығы, 2017, 2 май{V|06|05|2017}}
  11. ИА «Башинформ», 19 ноября 2015 года (рус.)
  12. «Башинформ» мәғлүмәт агентлығы, 2015, 13 ноябрь
  13. ИА «Башинформ», 17 августа 2015 г. (рус.)

Һылтанмалар[үҙгәртергә | вики-тексты үҙгәртергә]