Ҡаҙнабаев Заһиҙулла Мортаза улы

	Ҡаҙнабаев Заһиҙулла Мортаза улы
Тыуған ваҡыты	1897
Тыуған урыны	Балапан ауылы, Орск өйәҙе, Ырымбур губернаһы; (хәҙерге Йылайыр районы Башҡортостан Республикаһы)
Үлгән ваҡыты	27 ноябрь 1937
Вафат урыны	Свердловск өлкәһе, РСФСР, СССР
Хеҙмәт иткән урыны	Рәсәй империяһы, СССР
Ғәскәр төрө	кавалерия
Хеҙмәт итеү йылдары	1918 — 1919 ; СССР 1919 — 1921
Хәрби алыш/һуғыш	Рәсәйҙәге Граждандар һуғышы; Совет-поляк һуғышы

Заһиҙулла Мортаза улы Ҡаҙнабаев (1897—1937) — хәрби эшмәкәр.

Биографияһы

Заһиҙулла (Заһит) Мортаза улы Ҡаҙнабаев 1897 йылдың октябрендә Ырымбур губернаһы Орск өйәҙе 2-се Түңгәүер улусының (хәҙерге Башҡортостан Республикаһы Йылайыр районы) Балапан ауылында тыуған. Милләте буйынса башҡорт^[1].

1918 йылдан Башҡорт армияһының 1-се кавалерия полкында хеҙмәт итә. 1919 йылдың йәйендә Башҡорт айырым кавалерия дивизияһы менән Украинала Деникинға ҡаршы һуғыштарҙа, ә шул уҡ йылдың көҙөндә Башҡорт ғәскәрҙәре төркөмө составында Петроградты обороналауҙа ҡатнаша^[2].

1920 йылдың апреленән Башҡорт кавалерия бригадаһы составында совет-поляк һуғышы фронтына китә. Бында 27-се Башҡорт кавалерия полкының Шәмсетдин Ғафаров етәкләгән 4-се эскадронында взвод командиры була. 1920 йылдың 6 июнендә Пиняево ауылы янындағы алыш барышында үҙенең взводының яугирҙары менән флангынан һөжүм итеп, контрһөжүмгә күскән поляктарҙы, пулеметтарын ташлап, ҡасырға мәжбүр итә. Был алышта күрһәткән батырлығы өсөн ул, 1921 йылдың 17 февралендә, Республика Реввоенсоветының 57-се һанлы указына ярашлы Ҡыҙыл Байраҡ ордены менән бүләкләнә^[3].

Демобилизацияланып, тыуған яғына ҡайтҡас, 1922−1924 йылдарҙа Башҡорт АССР-ы Йылайыр кантоны Үрге Сәлим ауыл советының рәйесе була. 1925—1927 йылдарҙа Сибай мәғдәнлегендә өлкән милиционер булып хеҙмәт итә. 1930 йылдан Баймаҡ районы Советы рәйесе вазифаһын башҡара.

1932—1933 йылдарҙа Ленинградта милиция курстарында уҡығандан һуң Ейәнсура районының милиция начальнигы итеп тәғәйенләнә. 1934 йылдан Баймаҡ районында милиция начальнигы, ДОСААФ рәйесе һ.б. яуаплы вазифаларҙы үтәй^[4].

1942 йылдың 5 мартында репрессиялана, буржуаз-милләтселектә ғәйепләнеп ҡулға алына, 10 йылға төрмәгә ябыла. 1943 йылдың 27 майында Свердловск өлкәһендә төрмәлә вафат була. 1960 йылдың 12 февралендә аҡлана^[1].

Хәтер

Сибай ҡалаһы урамдарының береһе Заһит Ҡаҙнабаев исемен йөрөтә^[5].

Иҫкәрмәләр

↑ ^1,0 ^1,1 Казнабаев Загид Муртазич (билдәһеҙ). Книга памяти жертв политических репрессий Республики Башкортостан.
↑ Комбриг Мортазин һәм уның яуҙаштары, 2011, с. 47
↑ Башҡорт армияһы тарихынан, 2012, с. 209
↑ Комбриг Мортазин һәм уның яуҙаштары, 2011, с. 48
↑ Улицы г.Сибая // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.

Әҙәбиәт

Ярмуллин А. Ш. Башҡорт армияһы тарихынан. — Өфө: Китап, 2012. — 280 с. — ISBN 978-5-295-05503-4.
Ярмуллин А. Ш. Комбриг Мортазин һәм уның яуҙаштары. — Өфө, 2011. — 280 с.

[Книга_памяти_РБ-1] 1,0 ^1,1 Казнабаев Загид Муртазич (билдәһеҙ). Книга памяти жертв политических репрессий Республики Башкортостан.

[Комбриг_Мортазин_һәм_уның_яуҙаштары—2011——47-2] Комбриг Мортазин һәм уның яуҙаштары, 2011, с. 47

[Башҡорт_армияһы_тарихынан—2012——209-3] Башҡорт армияһы тарихынан, 2012, с. 209

[Комбриг_Мортазин_һәм_уның_яуҙаштары—2011——48-4] Комбриг Мортазин һәм уның яуҙаштары, 2011, с. 48

[5] Улицы г.Сибая // Башкирская энциклопедия. — Уфа: ГАУН РБ «Башкирская энциклопедия», 2015—2024. — ISBN 978-5-88185-306-8.

[1]

[2]

[3]

[4]

[5]