Ведерников Николай Степанович

Википедия — ирекле энциклопедия мәғлүмәте
Перейти к навигации Перейти к поиску
Ведерников Николай Степанович
Заты ир-ат
Хеҙмәт итеүе СССР
Тыуған көнө 18 июнь 1925({{padleft:1925|4|0}}-{{padleft:6|2|0}}-{{padleft:18|2|0}})
Тыуған урыны Рәсәй, Үрге Тәтешле
Вафат булған көнө 29 декабрь 2011({{padleft:2011|4|0}}-{{padleft:12|2|0}}-{{padleft:29|2|0}}) (86 йәш)
Вафат булған урыны Рәсәй, Пермь крайы, Чернушка[d]
Ерләнгән урыны Чернушка[d]
Маҡтаулы исемдәре һәм башҡа бүләктәре
Ҡыҙыл Байраҡ ордены Ленин ордены Советтар Союзы Геройы I дәрәжә Ватан һуғышы ордены «Батырлыҡ өсөн» миҙалы (СССР) III дәрәжә Дан ордены II дәрәжә Дан ордены
Эш урыны Тауш[d] һәм Чернушка[d]
Хәрби звание старшина[d]
Һуғыш/алыш Бөйөк Ватан һуғышы

Ведерников Николай Степанович (18 июнь 1925 йыл — 29 декабрь 2011 йыл) — Бөйөк Ватан һуғышы яугире, уҡсылар полкының пулемет расчеты командиры, старшина. Советтар Союзы Геройы (1945).

Биографияһы[үҙгәртергә | вики-тексты үҙгәртергә]

Николай Степанович Ведерников Башҡорт АССР-ының Бөрө кантоны[1] Үрге Тәтешле ауылында тыуған. Тиҙҙән уның ғаиләһе Пермь өлкәһенең Чернушка районына күсеп китә.

Ҡыҙыл Армияла 1943 йылдан, айлыҡ командирҙар курсын тамамлағандан һуң 1943 йылдың июленән Бөйөк Ватан һуғышында ҡатнаша.

Пулемет расчеты командиры өлкән сержант Н. С. Ведерников 1944 йылдың авгусында Висла йылғаһын аша сыҡҡанда һәм Доротин плацдармын (Польша) тотҡанда һәм киңәйткәндә батырлыҡ күрһәтә. 207,8 бейеклектә дошман атакаһы ваҡытында ул һөжүм итеүселәрҙе яҡын аралыҡҡа ебәрә һәм пулеметтан 150 немец һалдатын һәм офицерын юҡ итә.

Штригау (Германия) ҡалаһында 1945 йылдың 14 февраленән 18 февраленә тиклем һуғыштың киҫкен минутында, расчет сафтан сыҡҡан мәлдә, пулемет артына ята һәм дошман атакаһын кире ҡаға. Штригау ҡалаһы өсөн алыштарҙа Н. С. Ведерников тарафынан бөтәһе 8 һөжүм кире ҡағыла һәм бер роталыҡ гитлер һалдаты юҡ ителә, ике ут пулемет нөктәһе баҫтырыла.

Бреслау (Вроцлав, Польша) ҡалаһы өсөн барған алыштарҙа 1945 йылдың 10 мартында өлкән сержант Николай Ведерников штурм төркөмөнә ярҙам итеп, үҙенең пулеметынан дошмандың 3 пулемет нөктәһен юҡ итә, һөҙөмтәлә штурмлаусы төркөм юғалтыуһыҙ кварталды яулап ала.

1944 йылдың йәйенән Н. С. Ведерников мәргәнлек сәнғәте эшен бик яҡшы үҙләштерә. Һуғыш аҙағына пулемет уты менән һәм мәргәнлек винтовкаһынан шәхсән 300 гитлерсыны юҡ итә.

СССР Юғары Советы Президиумының 1945 йылдың 26 июнендәге указы менән командованиеның хәрби заданиеларын өлгөлө үтәгәне һәм немец-фашист илбаҫарҙары менән алыштарҙа күрһәткән батырлығы һәм ҡаһарманлығы өсөн өлкән сержант Николай Степанович Ведерниковҡа Ленин ордены һәм «Алтын Йондоҙ» миҙалы (№ 8642) тапшырылып, Советтар Союзы Геройы исеме бирелә.

Н. С. Ведерников һуғыштан һуң старшина званиеһында демобилизациялана. Пермь өлкәһендә комбайнсы, баҫыусылыҡ бригадаһында бригадир, ат заводында хәүефһеҙлек техникаһы буйынса инженер булып эшләй. Мул уңыш алғаны өсөн Ленин ордены менән бүләкләнә. Пермь өлкәһенең Тауыш ауылында, һуңынан Пермь крайының Чернушка ҡалаһында йәшәй.

Ведерников Николай Степанович 2011 йылдың 29 декабрендә] Пермь крайының Чернушка ҡалаһында вафат була.

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

Хәтер[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

  1. Хәҙер Башҡортостан Республикаһының Тәтешле районы
  2. Наградные документы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 686046/793756, д. 182/8, л. 1, 403, 404)
  3. Наградные документы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 690155, д. 5857, л. 2, 16, 17)
  4. Карточка награждённого к 40-летию Победы «Халыҡ батырлығы» мәғлүмәт электрон базаһында
  5. Наградные документы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 690306, д. 2556, л. 10, 229, 230)
  6. Наградные документы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 690155, д. 7339, л. 2, 70, 71)
  7. Наградные документы «Халыҡ батырлығы» мәғлүмәт электрон базаһында (архив материалдары: ЦАМО, ф. 33, оп. 686044, д. 3353, л. 2, 65, 66)

Әҙәбиәт[үҙгәртергә | вики-тексты үҙгәртергә]

  • Н. А. Козлова История Чернушинского района: Материалы к урокам по историческому краеведению / под общ. ред. к.и.н. Н. Д. Волошина — Пермь: Пермское книжное издательство, 2006. — 152 б. — 1000 экз.

Һылтанмалар[үҙгәртергә | вики-тексты үҙгәртергә]