Зәкәриә (исем)

Зәкәриә — боронғо йәһүдтәрҙән ғәрәптәргә ингән, ғәрәптәрҙән башҡа төрки телле халыҡтар араһында таралған ир-ат исеме.

Этимологияһы

Зәкәриә — «иҫтә ҡалған», «иҫтәлекле» мәғәнәһен аңлатҡан ир-ат исеме.

Билдәле шәхестәр

Зәкәриә Шәрәфетдин улы Аҡназаров (22 август 1924 йыл — 2 апрель 2000 йыл) — совет комсомол, партия һәм дәүләт эшмәкәре. 1962—1986 йылдарҙа Башҡорт АССР-ы Министрҙар Советы Рәйесе. Бөйөк Ватан һуғышында ҡатнашыусы. СССР-ҙың 6—9‑сы, РСФСР-ҙың 10-сы һәм 11‑се, Башҡорт АССР-ының 4—11‑се саҡырылыш Юғары Советы депутаты. 1966—1971 йылдарҙа КПСС‑тың Үҙәк ревизия комиссияһы ағзаһы. Ике Ленин (1971, 1984), Октябрь Революцияһы (1981), ике Хеҙмәт Ҡыҙыл Байраҡ (1957, 1966) һәм Халыҡтар дуҫлығы (1974) ордендары кавалеры. Өфө ҡалаһының почётлы гражданы.

Зәкәрийә Зәкәрийә ибн Азан (ғәр. زكريا‎) — Израиль халҡына ебәрелгән Ислам пәйғәмбәре. Библиялағы рухани Захария бер тип һанала. Ҡөрьәндә ете тапҡыр телгә алынған. Яхъя (Иоанн Креститель) пәйғәмбәрҙең атаһы.

Әлимбәтов Зәкәриә Далха улы (?) — педагогик хеҙмәт ветераны, Башҡорт АССР-ының Атҡаҙанған уҡытыусыһы, РСФСР-ҙың мәғәриф алдынғыһы, Малаяҙ мәктәп-интернаты директоры (?), Мәләүездә район мәғарифы етәксеһе (?) һәм республикабыҙҙың Мәғариф министрлығында бүлек начальнигы (?).

Халыҡ ижадында

«Кәриә-Зәкәриә» — йырлы бейеү, уйын:

Кәриә-Зәкәриә коммая, Кәриә-Зәкәриә коммая. Кәри комма, Зәкәриә, Зәкәриә коммая. Кәри комма, Зәкәриә, Зәкәриә коммая.

Сығанаҡтар

• Башҡорт исемдәре / Таңһылыу Күсимова, Cветлана Бикҡолова. — Өфө: Китап, 2005. – 224 бит.
• Күсимова Таңһылыу. Исемдәр донъяһында. Башҡорт исемдәре һүҙлеге, башҡорт һәм рус телдәрендә. — Өфө: Башҡортостан китап нәшриәте, 1991. — 192 бит.
• Сулейманова Р. А. Башкирско-русский словарь-справочник личных имен и фамилий. — Уфа, 2013. — 364 с. ISBN 978-5-91608-111-4.
• Тупеев С. Х. Башкирский именник. Справочник личных имен с написанием вариантов на русском и башкирском языках. — Уфа, 2004.
• Хисамитдинова Ф.Ғ., Султанова Р. И. Русско-башкирский словарь — справочник личных имен, отчеств, фамилий. — Уфа, 2004.
• Хисамитдинова Ф.Ғ., Төпәев С. Х. Төрки сығанаҡлы һәм төрки элементлы башҡорт исемдәре. — Өфө, 2006.

Яңы сығанаҡ өҫтәү өсөн «Ҡалып:Исемдәр донъяһында» сәхифәһен үҙгәртегеҙ

Һылтанмалар

• Кусимова Т. «Исемдәр донъяһында» 2021 йыл 8 сентябрь архивланған.
• З.Ғ.Ураҡсин, Э.Ф.Ишбирҙин. «Туған тел серҙәре». — Өфө: «Китап», 1983 й. — С. 61-се.
• «Башҡортостан ҡыҙы» Ҡунафина Гөлшат «Исемең матур, кемдәр ҡушҡан» 2021 йыл 9 сентябрь архивланған.