Миңлебаев Ринат Йәғәфәр улы

Википедия — ирекле энциклопедия мәғлүмәте
(Ринат Миңлебаев битенән йүнәлтелде)
Перейти к навигации Перейти к поиску
Миңлебаев Ринат Йәғәфәр улы
Заты ир-ат
Гражданлығы Flag of the Soviet Union.svg СССР
Flag of Russia.svg Рәсәй
Тыуған көнө 24 ғинуар 1964({{padleft:1964|4|0}}-{{padleft:1|2|0}}-{{padleft:24|2|0}}) (55 йәш)
Тыуған урыны СССР, РСФСР, Башҡорт АССР-ы, Өфө
Һөнәр төрө рәссам

Миңлебаев Ринат Йәғәфәр улы (24 ғинуар 1964 йыл) — график. 1995 йылдан Рәсәй Федерацияһының Рәссамдар союзы, 2004 йылдан — Халыҡ-ара графика академияһы ағзаһы (Санкт-Петербург). Башҡортостан Республикаһының атҡаҙанған рәссамы (2006) һәм Шәйехзада Бабич исемендәге йәштәр дәүләт премияһы лауреаты (1997). Татарстан Республикаһының атҡаҙанған сәнғәт эшмәкәре (2010).

Биографияһы[үҙгәртергә | вики-тексты үҙгәртергә]

Ринат Йәғәфәр улы Миңлебаев 1964 йылдың 24 ғинуарында Өфөлә тыуған.

1986 йылда Башҡорт дәүләт педагогия интститутының художество-графика факультетын тамамлай.

Өфө ҡалаһында йәшәй һәм эшләй. Өфө сәнғәт училищеһында уҡыта. Өфө фотооҫталыҡ академияһында «Нигеҙҙәр мәктәбе» курсын алып бара. digital-print, фотографика, гравюра полимерлы гравюра, металл стилдәрендә эшләй.

Монголия, Хакасия, Бүрәт Республикаһы, Тыва, Көньяҡ Урал, Ҡырғыҙстанда археология һәм этнография экспедицияларында ҡатнаша.

Рәссамдың картиналары М. В. Нестеров исемендәге Башҡорт дәүләт художество музейында (Өфө), Ирбит МИИ-һында (Свердловск өлкәһе), Новосибирскийҙың Дәүләт художество музейында, «Ҡазан» милли мәҙәниәт үҙәгендә (Ҡазан, Татарстан), Ая галереяһында (Курск), «Стерх» картиналар галереяһында (Сорғот, Төмән өлкәһе), Башҡортостан Республикаһының Милли музейында (Өфө), Графика музейы (Брунека, Италия), Пекиндың Кесе форма графикаһы галереяһы (Ҡытай), Американың Огайо штатының «Төньяҡ» университеты галереяһында.

Графика эштәре[үҙгәртергә | вики-тексты үҙгәртергә]

Геоглифтарға (ер йөҙөндәге һүрәттәргә) арналған эштәр серияһы. Бер метр размерлы ҡулдан ҡойолған ҡағыҙҙарҙа Ринат Миңлебаев ҡош осҡан бейеклектән донъя ҡалаларының ландшафт схемаларын күрһәткән: Санкт-Петербург, Бразилиа, Лас-Вегас, Дубай, Арҡайым, Мәскәү һәм Пекинды.

Баҫма графика — «Мегалиттар», «Терра» сериялары.

Донъяның яралыуы тураһында үҙ-ара берҙәм ижади идея менән бәйләнгән 6 эштән торған «Миф тыуыуы» серияһы рәссамдың ижадында айырым урын биләй (2002—2005 йылдар). Әлеге серия автор рецептураһы буйынса ҡулдан ҡойолған ҡағыҙҙа төшөрөлгән. Эштәр серияһы халыҡ-ара күргәҙмәләрҙә ҡуйыла һәм призлы урындар ала. 2007 йылда серияны шәхси коллекционер һатып ала.

Күргәҙмәләр[үҙгәртергә | вики-тексты үҙгәртергә]

Миңлебаев Ринат Йәғәфәр улы 1988 йылдан алып республика, төбәк, төбәк-ара, Бөтә Рәсәй, халыҡ-ара һәм сит ил күргәҙмәләрендә ҡатнаша.

Өфөлә, Мәскәүҙә, Санкт-Петербургта, Сорғотта, Нижневартовскиҙа, Абаканда, Екатеринбургта, Американың Огайо штаты университетында шәхси күргәҙмәләре үткәрелде.

Маҡтаулы исемдәре һәм башҡа бүләктәре[үҙгәртергә | вики-тексты үҙгәртергә]

  • Башҡортостан Республикаһының атҡаҙанған рәссамы (2006)
  • Татарстан Республикаһының атҡаҙанған сәнғәт эшмәкәре (2010)
  • Башҡортостан Республикаһының Шәйехзада Бабич исемендәге йәштәр дәүләт премияһы (1997) — «Урман аллалары», «Гиперборейҙар» график эштәр серияһы өсөн.
  • Бөтә Донъя бәләкәй баҫма формалар графикаһы һәм экслибрис күргәҙмәһенең I премияһы һәм дипломы (1998, Пекин, Ҡытай);
  • Урал Триеннале станокта башҡарылған баҫма графикаһының көмөш миҙалы һәм II премия (1998, Башҡортостан Республикаһы? Өфө);
  • Халыҡ-ара Биеннале экслибрис дипломы (1998, Альбенг,Италия);
  • I Новосибирск Халыҡ-ара Биеннале графикаһы III премияһы һәм бронза миҙалы(1999),
  • Халыҡ-ара Урал Триеннале баҫма графикаһы бронза миҙалы һәм III премияһы (2001, Башҡортостан Республикаһы, Өфө);
  • Халыҡ-ара «Һомай тәңре» артфестивале дипломы (2002, Алматы, Ҡаҙағстан);
  • IV Халыҡ-ара Урал Триеннале баҫма графика һында I премияһы һәм алтын миҙалы (2004, Башҡортостан Республикаһы, Өфө);
  • «Аҡ интертөндәр» Икенсе Халыҡ-ара бойондороҡһоҙ Биеннале графикаһы I премияһы (2004, Санкт-Петербург);
  • Художество Советы" журналының 10 йыллығына арналған Халыҡ-ара графика конкурстары лауреаты («Artcouncil»; 2006, Мәскәү).

Һылтанмалар[үҙгәртергә | вики-тексты үҙгәртергә]