Айытҡолов Азат Миңлеғәле улы

Айытҡолов Азат Миңлеғәле улы
	Айытҡолов Азат Миңлеғәле улы
Зат	ир-ат
Гражданлыҡ	СССР; Рәсәй
Тыуған көнө	27 ғинуар 1956 (68 йәш)
Тыуған урыны	Юлдыбай, Башҡорт АССР-ы, РСФСР, СССР
Һөнәр төрө	уҡытыусы, музыкант
Уҡыу йорто	Башҡорт дәүләт университеты
Маҡтаулы исемдәре һәм башҡа бүләктәре	Салауат Юлаев исемендәге дәүләт премияһы

Википедияла Айытҡолов фамилиялы башҡа кешеләр тураһында мәҡәләләр бар.

Айытҡолов Азат Миңлеғәле улы (27 ғинуар 1956 йыл) — ҡурайсы, педагог, Рәсәйҙең атҡаҙанған (1998), Башҡорт АССР-ының халыҡ артисы (1991), Башҡортостан комсомолының Ғәлимов Сәләм исемендәге йәштәр премияһы(1990) һәм Башҡортостан Республикаһының Салауат Юлаев исемендәге дәүләт премияһы (2000) лауреаты, Салауат Юлаев ордены кавалеры (2021).

Биографияһы

Азат Миңлеғәле улы Айытҡолов 1956 йылдың 27 ғинуарында Башҡорт АССР-ы Матрай районының (1992 йылдан Башҡортостан Республикаһы Йылайыр районы) Юлдыбай ауылында тыуған. Өфө ҡалаһындағы 1-се интернат-мәктәптә белем ала^[1]. 1977 йылда Өфө сәнғәт училищеһын Ғата Сөләймәнов класы буйынса тамамлай. 1975—1978 йылдарҙа Өфө сәнғәт училищеһында уҡытыусы булып эшләй, 1978 йылдан — Башҡорт дәүләт филармонияһының ҡурайсы—солисы^[2].

1994 йылда ситтән тороп Башҡорт дәүләт университетын тамамлай^[2].

2007—2010 йылдарҙа Башҡортостан Республикаһы Ҡурайсылар союзы идараһы рәйесе^[2].

2021 йылдың 27 ғинуарында Азат Айытҡолов Салауат Юлаев ордены менән бүләкләнде^[3].

Ижади эшмәкәрлеге

Инструменталь башҡарыу сәнғәтенең классик традицияларын дауам итеүсе, ҡурайҙа уйнауҙың бөтә алымдарын виртуоз ҡуллана. Репертуарында оҙон көйҙәрҙең инструменталь варианттары, шул иҫәптән «Ашҡаҙар», «Буранбай», «Ғилмияза», «Таштуғай», «Тәфтиләү», «Уйыл», «Урал», инструменталь көйҙәр «Йәйәүле Мәхмүт», «Сыңрау торна», йыр‑бейеү көйҙәре «Зарифа», «Мөғлифә», «Суҡ муйыл», «Перовский», «Порт‑Артур» һ. б.

Ҡарағалпаҡ АССР‑ы (1976) һәм Яҡут АССР‑ында (1978) БАССР әҙәбиәте һәм сәнғәте көндәрендә, Сыуаш АССР‑ында БАССР мәҙәниәте көндәрендә (1981) ҡатнаша. Донъяның 30 илендә гастролдә була. Уҡыусылары араһында Башҡортостандың халыҡ артисы, ҡурайсы һәм йырсы Рәсүл Ҡарабулатов, республиканың атҡаҙанған мәҙәниәт хеҙмәткәрҙәре Н. М. Кейекбирҙин һәм Р. Х. Нәҙерғолов.

Башҡортостандың Ауырғазы, Бишбүләк, Дәүләкән, Йылайыр, Ҡырмыҫҡалы, Миәкә, Шишмә һәм Әлшәй райондарында, Ҡурған һәм Пермь өлкәләрендә, Мәскәүҙә ҡурайсылар ансамблдәрен ойошторған^[2].

Маҡтаулы исемдәре һәм башҡа бүләктәре

Салауат Юлаев ордены (2021)
Салауат Юлаев исемендәге дәүләт премияһы (2000)
Рәсәйҙең атҡаҙанған артисы (1998)^[4]
БССР‑ҙың халыҡ артисы (1991)
Ғәлимов Сәләм исемендәге премия (1990)
БАССР‑ҙың атҡаҙанған артисы (1987)
Халыҡ музыка ҡоралдарында уйнаусыларҙың Бөтә Рәсәй конкурсы дипломанты (Тула, 1986)
Йомабай Иҫәнбаев исемендәге республика ҡурайсылар конкурсында Гран-при яулаусы (1980)

Иҫкәрмәләр

↑ Башҡорт энциклопедияһы —Гимназия-интернат № 1
↑ ^2,0 ^2,1 ^2,2 ^2,3 энциклопедияһы — Айытҡолов Азат Миңлеғәле улы(недоступная ссылка) (Тикшерелеү көнө: 28 ғинуар 2021)
↑ В Уфе кураист Азат Аиткулов награждён орденом Салавата Юлаева. ИА «Башинформ», 27 января 2021 года (рус.) (Тикшерелеү көнө: 27 ғинуар 2021)
↑ О награждении государственными наградами Российской Федерации. Указ Президента РФ от 31.08.1998 № 1038 2016 йыл 6 март архивланған. (рус.) (Тикшерелеү көнө: 14 сентябрь 2016)

Һылтанмалар

Айытҡолов Азат Миңлеғәле улы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 28 ғинуар 2021)
http://ufa.bezformata.ru/listnews/bashkirskij-kuraist-azat-aitkulov/641726/ 2016 йыл 4 март архивланған.

[1] Башҡорт энциклопедияһы —Гимназия-интернат № 1

[БЭ-2] 2,0 ^2,1 ^2,2 ^2,3 энциклопедияһы — Айытҡолов Азат Миңлеғәле улы(недоступная ссылка) (Тикшерелеү көнө: 28 ғинуар 2021)

[3] В Уфе кураист Азат Аиткулов награждён орденом Салавата Юлаева. ИА «Башинформ», 27 января 2021 года (рус.) (Тикшерелеү көнө: 27 ғинуар 2021)

[4] О награждении государственными наградами Российской Федерации. Указ Президента РФ от 31.08.1998 № 1038 2016 йыл 6 март архивланған. (рус.) (Тикшерелеү көнө: 14 сентябрь 2016)

[1]

[2]

[3]

[4]