Айя Суфия

Википедия — ирекле энциклопедия мәғлүмәте
Перейти к навигации Перейти к поиску
Иҫтәлекле урын
Айя Суфия
грек. Αγία Σοφία, төр. Ayasofya
Айя Суфия
Айя Суфия
Ил Төркиә
Урыны Истанбул
Конфессия Православие, ислам
Бина тибы собор, мәсет, артабан — музей
Проект авторы Исидор Милетский һәм Анфимий Тралльский (башланғыс проект), Трдат
Архитектор Исидор Милетский, Анфимий Тралльский, Трдат
Нигеҙләүсе Константин I
Нигеҙләнгән 324
Төҙөлөшө 532—537 йылдар
Дата упразднения 1935 йыл
Статус
ЮНЕСКО флагы ЮНЕСКО Бөтә донъя мираҫы, объект № 356
рус.англ.фр.
Бөгөнгө хәле музей
Сайт Рәсми сайт[1]

Айя Суфия мәсете (грек. Ἁγία Σοφία, полностью: Ναός τῆς Ἁγίας τοῦ Θεοῦ Σοφίας; төр. Ayasofya) — Истанбулдағы мәсет. 1935 йылда музей статусы ала. Хәҙерге көндә лә музей (төр. Ayasofya Müzesi). ЮНЕСКО-ның Бөтә донъя мираҫы исемлегенә индерелгән. Элекке христиан храмы.

Феодосия базиликаһы фрагменттары

Тарихы[үҙгәртергә | вики-тексты үҙгәртергә]

Тәүге ҡоролмалар[үҙгәртергә | вики-тексты үҙгәртергә]

Тәүге тапҡыр был урында христиан сиркәүе император Константин I осоронда 324 -337 йылдарҙа төҙөлгән[2]. Сократ Схоластик София тип аталған тәүге ҡорамды император Констанций II осорона ҡайтарып ҡалдыра[3]. Тарихсы Кондаков Никодим Павлович фекеренсә иһә, Констанций Константин төҙөткән бинаны киңәйткән генә[4].

Был ҡорам 404 йылда халыҡ баш күтәргәндә яна[5]. Яңынан төҙөлгән сиркәү 415 йылда йәнә яна. Император Феодосий II шул уҡ урында яңы базилика төҙөргә бойора. Уныһы 532 йылдағы «Ника» фетнәһендә яндырыла. Харабалары 1936 йылда ғына, собор янындағы майҙанды ҡаҙғанда килеп сыға.

Константиновский и Феодосиевский храмы были большими пятинефными базиликами[6]. Табылдыҡтар буйынса тик ҡорамдың бик ҙур булғанын һәм мәрмәр менән бик бай итеп биҙәлгәнен генә күҙаллап була[6].

Янғындан һуң ҡырҡ көн үтеүгә император Юстиниан I шул уҡ урында, тирә-яғындағы ерҙәрҙе һатып алып, кешеләрен күсертеп, мөһабәт сиркәү эшләтергә тотона, ул баш ҡаланың биҙәге һәм императорҙың ҡөҙрәте һынланышы булырға тейеш була[7].

Соборҙы төҙөү Византия империяһының өс йыллыҡ килемен "йота". «Сөләймән, мин һине уҙҙым!» — тигән ти Юстиниан, был легендар ҡорамға ингәндә[8]. Тантаналы асыу ғибәҙәтен 537 йылдың 27 декабрендә Константинополь патриархы Мина үткәрә.

Византия империяһы осоронда собор Константинополдең уртаһында император һарайы алдында торған.Мең йылдан ашыу Константинополдәге София соборы христиан донъяһыныңның иң ҙур ҡорамы булып ҡала, беренселектән ул Римдә Изге Петр соборы төҙөлгәс кенә төшөп ҡала. София соборының бейеклеге — 55,6 м, көмбәҙенең диаметры — 31 м.

Османлылар осоро[үҙгәртергә | вики-тексты үҙгәртергә]

1453 йылда һуң османлылар Константинополде баҫып алғандан һуң София соборы Айя Суфия тип аталған мәсеткә әйләндерелә, диуарҙарҙағы христиан «изге»ләре рәсемдәре балсыҡ менән һылана, улар урынына ғәрәп каллиграфияһы яҙыуҙары төшөрөлә.

Ул Төркиә башҡалаһы Истанбулда урынлашҡан донъя күләмендәге мәшһүр архитектура ҡомартҡыһы булып, Византия архитектураһының киң танылған үрнәктәренең береһе, империяның “алтын осоро” иҫтәлеге булып тора. Хәҙерге ваҡытта ул урынлашҡан урын Истанбулдың тарихи үҙәгендә, Солтанәхмәт биҫтәһендә тороп ҡалған.

XX быуат башында Осман империяһы тарҡалғандан соң яңы милли дәүләт - Төркиә йөмһүриәте барлыҡҡа килә. Уға нигеҙ һалыусы Мостафа Кәмал Ататөрк дәүләтте донъяуи йүнәлешле тип иғлан итә һәм төрле яҡлап динде ҡыҫырыҡлау башлана. Шул арҡала Айя Суфия ла үҙгәрешкә дусар була – 1935 йылда Кәмал-паша ҡарары менән мәсет музейға әйләндерелә.

Дини статусын юғалтҡас, диуарҙарҙағы христиан һүрәттәре яңынан асылып, күп һанлы Европа туристарын йәлеп итәләр.Шул көндән бирле ул илгә ҙур күләмдә табыш килтерә башлай – бер үк ваҡытта ике мәҙәниәт һәм ике дингә бәйле булған бина донъяның төрлө тарафтарында йәшәгән мосолман, христиан һәм башҡа диндәге туристарҙы йәлеп итә. Унда йылына 3 миллион кеше булып китә.

1985 йылда Истанбулдың башҡа тарихи ҡомартҡылар иҫәбендә София соборы ЮНЕСКО-ның бөтә донъя мираҫы составына индерелгән[9].

Архитектураһында һәм биҙәлешендә ислам элементтары[үҙгәртергә | вики-тексты үҙгәртергә]

Изге София соборы мәсет итеп үҙгәртеп ҡоролғандан һуң уның бинаһы аҡрынлап үҙгәртелә башлай. Айя-Суфияның манаралары төрлө ваҡытта эшләп ҡуйыла: көньяҡ-көнбайышындағы беренсе кирбес манара - солтан Мәхмәт II осоронда, төньяҡ-көнсығыштағыһы - Баязит II идара иткәндә, көнбайыш өлөшөндәге ике манараны танылған архитектор Синан Сәлим II һәм Морат III солтандар осоронда төҙөй[10]:58.

Айя Суфияны мәсеткә әйләндереү эштәрендә ҡатнашҡан даһи архитектор Синан мәсет мәңгелек йорт булып һаҡланһын өсөн ундағы мосолман элементтарын бина эстән сыҡмаҫлыҡ итеп эшләй: Аллаһ, Мөхәммәт, хәлифәләр исемдәре яҙылған һәм диуарҙарға эленгән ҙур таҡталар бинаның эсендә яһала. Шул рәүешле уларҙы һүтмәй тороп мәсеттән алып сығып булмай. Шул мөһабәт таҡталар бөгөн дә Айя Суфияның диуарҙарын биҙәп тора.

Һырлы мәрмәр мөнбәр XVI быуат аҙағында Морат III идара иткәндә төҙөтөлә [10]:59. Солтан Мәхмүт I хакимлығы осоронда 1739—1742 йылдарҙа соборҙы үҙгәртеп төҙөйҙәр, бынан һуң мөнбәр өлөшөндә михраб барлыҡҡа килә[11]:28. Хәҙерге михраб XIX быуатҡа ҡарай һәм 1847—1849 йылдарҙа архитектор Густав Фоссати тарафынан реставрацияланған[10]:58. Михрабтың ике яғынан да 1526 йылда солтан Сөләймән Буданан алып ҡайтҡан бронза шәмдәлдәр ҡуйылған[11]:29.

Ислам элементтары
Haga Sofia RB5.jpg Istanbul.Hagia Sophia026.jpg Istanbul.Hagia Sophia039.jpg
Михраб, бер туған Фоссатиҙар биҙәгән Солтан ултырған урын Мөнбәр, бынан имам вәғәздәр һөйләгән



Ҡорамға боронғо статусын ҡайтарыу кампанияһы[үҙгәртергә | вики-тексты үҙгәртергә]

2007 йылда ҡайһы бер йоғонтоло америка сәйәсмәндәре һәм эшҡыуарҙары Изге Софияға тәүге статусын ҡайтарыу юллаған хәрәкәт башлай[12] — « Изге Софияны азат итеү буйынса совет» тип атала ул (ингл. Free Agia Sophia Council)[13].

2007 йылдың 20 июнендә АҠШ конгресының кеше хоҡуҡтары буйынса комитетының йәмәғәт тыңлауҙарында (ингл. Congressional Human Rights Caucus), Нью-Гэмпшир штатының Демократик партияһы президенты Реймонд Бакли (ингл. Raymond Buckley), мәҫәлән, былай тип әйткән:

«Кешеләрҙе Сиркәү-Әсәлә ғибәҙәт ҡылыу хоҡуғынан мәхрүм итеү килешерлек түгел <...> Көн дә был изге урынды сауҙа, йәрминкәләр һәм концерттар өсөн ҡулланып мыҫҡыл итеү килешерлек түгел. Асыҡтан-асыҡ православиеға, ғөмүмән, христианлыҡҡа ихтирамһыҙлыҡты артабан да дауам иттереп ҡуйыу менән килешерлек түгел»

Халыҡ-ара «Изге Софияны азат итеү буйынса совет» хәрәкәте президенты Крис Спиру[14] 2009 йылдың апрелендә Рәсәйҙең «Завтра» гәзитенә биргән интервьюһында былай тигән [15]

Мы стремимся, чтобы собор Святой Софии Премудрости Божией снова занял подобающее ему место как храм, священный для всего христианства, как мать всех церквей, как царственный храм православия — чем он и был до захвата турками-османами в 1453 году. Всё дело в том, что Святая София никогда не была мечетью и никогда не была музеем. Она всегда была христианским храмом, переделанным в мечеть султана-завоевателя, а затем и в музей. Считаю обязательным возвращение этого храма к своему первоначальному предназначению.

Фотогалерея[үҙгәртергә | вики-тексты үҙгәртергә]

Иҫкәрмәләр[үҙгәртергә | вики-тексты үҙгәртергә]

  1. (unspecified title)
  2. Хронография Феофана, год 5816 / 316.
  3. Сократ Схоластик. «Церковная история». Кн. II, гл. 16.
  4. Кондаков Н. П. Византийские церкви и памятники Константинополя — М.: Индрик, 2006. — Б. 116.
  5. Карташёв А. В. Вселенские соборы — Клин, 2004. — Б. 460.
  6. 6,0 6,1 Колпакова Г. С. Искусство Византии. Ранний и средний периоды — М.: Азбука, 2010. — Б. 77. — 528 б. — (Новая история искусства). — ISBN 978-5-9985-0447-1.
  7. Успенский Ф. И. История Византийской империи VI—IX веков — М.: Мысль, 1996. — Б. 331. — ISBN ISBN 5-244-00838-2.
  8. Карев А. В., Сомов К. В. История христианства. Тәүге сығанаҡтан архивланған 1 июнь 2012. 14 февраль 2010 тикшерелгән.
  9. Historic Areas of Istanbul  (инг.). unesco.org. Тәүге сығанаҡтан архивланған 1 июнь 2012. 15 февраль 2010 тикшерелгән.
  10. 10,0 10,1 10,2 Али Кылычка Айя-София и Карие — 2014. — ISBN 978-605-6729-16-8.
  11. 11,0 11,1 Hakan Alan Churches in Turkey — 2007. — ISBN 978-975-01147-0-X.
  12. Международная группа активистов продолжает возвращения Церкви константинопольского собора Святой Софии Православие.Ru 26 июля 2007.
  13. Free Agia Sophia Council of America . Сайт «Совета по освобождению Святой Софии».
  14. Константинопольская София — мать всех церквей (см. справку в примечании). Православие.Ru. 29 октября 2007.
  15. [1]Крис Спиру ВОЗВРАЩЕНИЕ СВЯТОЙ СОФИИ